Yonas 2:8 - BII BILA

⁸ Tuma yoomoo va faŋanndo ya o milinndo, mí yiyan a nɔm Mɛlɛka o kɔɔ, o kon mí piɛile nilen le hel háá o nɔm ndo, o calta nɔmndan nin dí.

Yonas 2:8 Referans Kwoze

Condii lisai 31:6

I mal yoomu nuu nɔm o ba, nɔm baŋa ya-o, nɔm Hala lò o lediom coo-o.

Yeremi 2:13

Kani sala tiɔn vanaa nia tosa dɛnɛ vɔɔndo ni: a kɛɛ ya vana co soon mɛmma cindaa-o, má tuwnun soonnda mandaa mamɛnndan, o co yɛ soonnda kɛndɛ le, mɛmma cel lenin te.›

2Masaa 17:15

A yondal Mɛlɛka ndóò yondal nda kon-ndo kpede, má kɛɛ silala ndɔlan a kpema ndóò yiilu fuɲaa ndaa mamaa-o. Má mulin halaa fondoa sooloo. Lelan mí nda pila siŋnun vanaa fondoa, má del vanaa-mangalaa-isɔaa va icali nda ikɛi-ya kɔɔli o kelala ndalan nin, vanaa Mɛlɛka ndóò kuuna nda le delɔɔ kɔɔli-a pɛɛn.

Yeremi 10:8

Nda kpow ɲɛ pilɔɔ nda co ni, a kindu lakɔl te, diɔmnda nda co ni, yɔmii sialɛi nda co ni, halaa ndaa nɔla nda ɲɛ-ɲɛ cɔm te.

1Samiɛl 12:21

Te la mulul pɛ ndu kɔɔ, la co ɲɛ fondoo biilu, ɲɛ nɔla vana mala loo, ɲɛ nɔla vana baŋa loo, kani ɲɛ fondoo piɔmnda co ni.

Yeremi 16:19

Mɛlɛka, nɔm co kpaaya nuu a vana co ya kandaa-o ni, nɛɛ nia viannannda o paale dɛnɛ palaalen coo! Vanaa-mangalaa-isɔaa sina Hala le-a hunnin nɔm o ibuŋ fulaa o ceendo mɛɛlulan, mà dimi aa: «Fuɲaa naa mamaa sɔla kɛ́ celen te, fɔ còòlan, ɲɛm fondon soli vana kpeku lon.

Condii lisai 69:14

Kɛ ya ya, nɔm Mɛlɛka ya co piɛiyo ni. Éé Hala, mɛɛ kɛndɛi nɔmnde co ibɔɔ yɛ, cɔ ya ɲia a telen bɛnda-o! Mulul-la a vanakɛndɛyɛi nɔmnde, ma ciindiaa ya.

Condii lisai 142:4

Te sangaa komal-la pɛ, nɔm Mɛlɛka sina nɛila ya kela coo lan. Vannda cii ya yaŋɔɔ o nɛila ya co kelaa lan coo.

Misee 1:2

«Niaa sei! Niaa vannda súúlan kpow, la yaŋnun. Yaŋnun, nɔm lɛŋnden a ɲɛ-ɲɛ co lenin. Maalii, o co Mɛlɛka-o lonin o calta ndɔla diandaalan nin mò kɔɔsal niaa.