Yonas 2:7 - BII BILA

⁷ Mi toal o mɛmma ihɛllan bɛngu, nɛɛ pembon cɛn tum-nda dí. Ciee-piɔ́m ndóò va nin sɔkɔma ndɔan kindaa ya kɔɔli le lɔ́ɔ́-lɔ́ɔ̀. Kɛ nɔm Mɛlɛka Hala nuu, ma kɔ soli ya o soon bɛndu kon nin.

Yonas 2:7 Referans Kwoze

Condii lisai 18:6

Yoei piɔ́mnde ndíì cii ya nin yiwyiw, yala piɔ́mndo va ya o toandaa laci.

2Dɛnnda lemasalan 30:27

O mɛɛlulan, mí leviaa-solia-lasálàá can, má dɔaw vannda duaa. Mí Hala tuɛi nda diom, mí piɛile ndalen le tiiya háá o halataala, o Calta diandaala Mɛlɛka lan pɛɛn.

Condii lisai 143:5

I co yiyanndo a sindɛ o kɔɔ, i co loonɔnndo a dɛnnda n tosa lan kpow o kɔɔ, i co kɔllo keela o dɛnnda n tosa a laba lan coo.

Condii lisai 11:4

Mɛlɛka co o Cɛi ndɔ Diandaa nin, o halataala kpɛŋɛ ndɔ lemasaa co ni. O co lon mò va cuàà n'vanndacieea tofaa lɛŋ. Hɔlta ndɔlan la co nda mɛɛndanndo.

1Samiɛl 30:6

Mí mɔnɛi bii David taw, kani vannda va ndu kɔngɔlanndo le ndu viiyo a powtan, le mɔnɛi va nda le poaa ndaa a le cuavaa ndaa laandua-e. Kɛ mí Mɛlɛka Hala ndɔɔ luei ndu yoomuan.

Condii lisai 27:13

Kɛ i laalan maa i canin vanakɛndɛyɛi Mɛlɛka-e o lɛŋnde vanaa yoomaa coo.

Condii lisai 20:7

I sinà nihau maa Mɛlɛka baŋa masa o pɔla-o. O lo o Cɛi ndɔ diandaa nin o halataala, mó va ndu mulullo a kpaaya ba ndɔ kɛndɔɔ.

Condii lisai 65:4

Tɛɛmbuula nilan la lusul bɔɔ, kɛ nɔm, a malnin naa haki.

Hebreea 12:3

La yiyan ndɔ, mí vanaa lahakia simul ndu. Kɛ mó biwnun. Lelan, la vu n'dial te.

Habakuk 2:20

Mɛlɛka caando co lende le, o co o cɛi ndɔ diandaa nin, lɛŋnden kpow le bɛnda mì le mei ndu o hɔl.

Misee 1:2

«Niaa sei! Niaa vannda súúlan kpow, la yaŋnun. Yaŋnun, nɔm lɛŋnden a ɲɛ-ɲɛ co lenin. Maalii, o co Mɛlɛka-o lonin o calta ndɔla diandaalan nin mò kɔɔsal niaa.

Yonas 2:4

Nɔm óò viow ya o soon nɔ lamɛɛlu loo nin, o mɛmma ihɛllan bɛngu, mí tindima mamɛnndan máà balu ya sɔ́, mɛmndan ma va tolɔɔ a yoomuan ya coo.

Esai 50:10

O niaa tɛɛn, vana-vana nɔ pɛ siòòŋii Mɛlɛka-e, mɛɛ o yaŋ nilan o diom vana baala ndu Mɛlɛka-o! Vana-vana co kelaa o ɲumndan nin mì ɲɛ-tengaa va ndu pɛŋnden, mɛɛ vana kon kɔngan diola Mɛlɛka lan, mò tiindan Hala ndɔɔ!

Condii lisai 43:5

Kɔl nuu, le yɛɛ nɛ n co yɛ fulaa? Le kɔlɔ yɛɛ n co yɛ ŋɔɔcianndo ya nin? Tiindan Hala, kani i sangalanin ndu vɛlɛ le cinda nuu.

Condii lisai 42:11

Paalan la yomiyomi ya o n'dial, kani niinoo kpɛŋ yaamɔaa nia co ya yeowlan aa: «Kuɛɛ Hala nɔmndo co yɛ?»

Condii lisai 42:5

I va pɛ kɔllo keelaa, sɔɔn ya yiyanndon co mun ni: n va kɔlan naa vannda taw, í va nda simndan laci le kɔlan o Cɛi-Hala-o nin. N va yondaa a ɲaaloo mí va balikaa malɔɔ naa sɛ́lɛ́ bɛndu va kon kafoo tosaa-o.

Condii lisai 22:14

A kumbil-la sondolan kpangaɲan, maa yàlàá co kuuliaa a sɛɛsiaa-a.

Condii lisai 142:3

I co ndu cɛɛŋɔnnda nilan cɔmndo, i cɔm ndu mɔnɛi ya co nin-nde.

Esai 38:17

Tofa vɔ, hali sanga ni bɛndoo siŋnun kɔlɲuloo, kani nɔm Mɛlɛka, má kanda yoomu nuu yɔŋii ndóò del o soon piɔ́mndo nin, má viawnun hakila nilan nɔm a makɔɔ polon.