Yonas 2:4 - BII BILA

⁴ Nɔm óò viow ya o soon nɔ lamɛɛlu loo nin, o mɛmma ihɛllan bɛngu, mí tindima mamɛnndan máà balu ya sɔ́, mɛmndan ma va tolɔɔ a yoomuan ya coo.

Yonas 2:4 Referans Kwoze

Condii lisai 31:22

I mel Mɛlɛka balika! I vannun maa kobi nda tiila-o, kɛ o vanakɛndɛyɛi ndɔɛi nin, mó tosa dɛnnda kaamaalan le ya.

Condii lisai 5:7

Tɛɛmbuuo n tɛɛmbuu vanaa dimia lacòòvaa ni. Vanaa diuvaa n'vannda a vana nɔ kɔlkalu vɔɔndo-o nɛinun nɔm bɔɔ!

Esai 38:17

Tofa vɔ, hali sanga ni bɛndoo siŋnun kɔlɲuloo, kani nɔm Mɛlɛka, má kanda yoomu nuu yɔŋii ndóò del o soon piɔ́mndo nin, má viawnun hakila nilan nɔm a makɔɔ polon.

2Dɛnnda lemasalan 6:38

taa muungu pɛ nɔm o labɛngunin a kɔlta ndalan a á yoomu ndaa kpow nɛɛ nda vanin o biyɔɔ nin-nda, taa lo pɛ o lɛŋnde nda vanin o biyɔɔ nin-nden nin, mà muli hɔlla a kpengii lɛŋnde ndalen, lɛŋnde n ke fuɲaa ndaa mamaa len, a kpengii kobi n hɛli hoo-o a á kpengii Cɛi nɔm ya tangul hoo-o, mà piɛi nɔm,

Daniɛl 6:10

O kon, mí masaa Darius handu baa o tɔŋ yiinun kon-ndo coo.

Yeremi 7:15

I toawnin niaa polon, mì la faŋan ya o hɔl mɛɛ ya tow puapilɛa niaa yɛ, polale Efraim-nden pɛɛn.»

Esekiɛl 37:11

Mó dimul-la aa: Po vanacieo sei, paalan ndan, la co cuavaa Israɛlla kpow ni. Kani cuavaa Israɛlla co dimio aa: ‹Paala naalan la vesan, tiindan naa tambu. Mbɔ̀ naa n cuu fɔ́!›

Yeremi 15:1

Mí Mɛlɛka dimul-la aa: «Hali Moise nda Samiɛl a tɛɛlun bɛɛ ya le nda, i cɛlnin mì tuinun vannda iɲíí le. Tow nda mà faŋa nda ya o hɔl, a kɔ!

Esai 49:14

Vannda Siɔn va dimio aa: «Mɛlɛka mal naa, Maalii pɔɛɛnun naa pɔ́lì!»

1Masaa 9:7

i toawnin Israɛlla mì faŋa nda o lɛŋnde ya yɔngu nda le calle nin-nden nin, mì faŋa vɛlɛ hɔlla o Cɛi yáà dindi hoo o diola nilan-ndo coo. O kon kɔɔli, i tuisinin Israɛlla siɛmbulan, mì vanaa-mangalaa-isɔɔa kpede a mam nda.

1Masaa 8:48

tàà ɲɔɔlu pɛ nɔm a kɔlta ndalan kpow a á yoomu ndaa kpow, tàà lo pɛ o lɛŋnde nda kɔɛ a nda o biyɔɔ nin-nden nin mà muli hɔlla kpengii lɛŋnde n ke sindɛ fuɲaa ndaa len, kpengii kobi n hɛli hoo-o a kpengii Cɛi ya baŋ hoo o diola nɔmndan-ndo le nɔm tɛɛlɔnndo,

1Masaa 8:42

kani vannda tuɛinin diola nɔmnda bɛndulan, kpaaya nɔmndo a yoomuma nɔmndan tɔ́ɔ́, te o hin pɛ mò hun piɛi nɔm o Cɛiyo ho nin,

Yonas 2:7

Mi toal o mɛmma ihɛllan bɛngu, nɛɛ pembon cɛn tum-nda dí. Ciee-piɔ́m ndóò va nin sɔkɔma ndɔan kindaa ya kɔɔli le lɔ́ɔ́-lɔ́ɔ̀. Kɛ nɔm Mɛlɛka Hala nuu, ma kɔ soli ya o soon bɛndu kon nin.

Condii lisai 42:8

Peela pɔmbɔlan la co ŋolɔɔ, tindian ma co veelanndo iyongban-yongbannde, kon kpow co ya tolɔɔ coo ni.

Condii lisai 88:6

Fonda nuu co vanvílɛ́iya tɛɛn maa vanaa connun nin ihini o sɛiyo nin-nda. A cii nda pɔɛɛnɔn, a co lɛ bɛɛ nda yiyan coo le, kani sɛiyanndo luɛi niaa tɛɛn.

Condii lisai 88:7

A cii ya malɔɔ o soon yingilaa nin, o ɲumma kpingbi-an nin.

Cɛɛŋɔnnda Yeremi lan 3:54

Mí mɛnndan ma hel, mí mɛɛyaa lenin, mí dimi aa: ‹Mbɔ̀ ya yoomu nuu cuu fɔ́!›