Yonas 2:2 - BII BILA

² Yonas lo suwvo o dembe, mó soli diomndo le Mɛlɛka Hala ndɔɔ piɛiyo. Mó dimi aa:

Yonas 2:2 Referans Kwoze

Condii lisai 120:1

Condii vannda keì solio nɛi-tɛɛn o kɔlan-nde. Telen ya va o mɔnɛi nin-ndo, mí koŋul Mɛlɛka o lani, mó mulul-la.

Condii lisai 34:6

Vanaa co tofaa o ndu lo co naŋɔɔ a ɲaaloo, siɛmbula mingi lɛnin nda hɔlla yifidii le.

Condii lisai 86:13

kani kaola n kaola ya-o co o bɔɔ, a baŋa ya, má soli ya ciee-piɔ́m.

Hebreea 5:7

Telen Krista va o ceendo coo-o, o va caŋndo kpélén a mɛmɛan tuisio Hala ndóò nɔla ndu baŋaa piɔ́mndo o ba-o o lani, mí Hala tuɛi ndu diom le tùú o lo o lediom coo-o.

1Samiɛl 30:6

Mí mɔnɛi bii David taw, kani vannda va ndu kɔngɔlanndo le ndu viiyo a powtan, le mɔnɛi va nda le poaa ndaa a le cuavaa ndaa laandua-e. Kɛ mí Mɛlɛka Hala ndɔɔ luei ndu yoomuan.

Matie 12:40

Kani mí Yonas tosa palɛi ndii yáá a lɔma leyàá suw bɛndoo o dembe, lende koni Po vanacieo bɛɛ tosanin palɛi ndii yáá a lɔma leyàá o puuloo bɛngu ni.

Condii lisai 116:3

Yooei piɔ́mnde ndíì cii ya nin kayakaya, ciee-piɔ́m ndóò cii ya nin miolɔɔ, mɔnɛi a somisominndo ndóò cii ya nin biyɔɔ.

Condii lisai 22:24

Niaa nɔ siòòŋii Mɛlɛka-e-ya, la lisa ndu! Niaa vanaa fula o polale Yakɔb len nin-nda kpow, la biilu ndu! Niaa fula Israɛl o ipulu-a kpede, la ɲiiya Mɛlɛka o hɔl!

Condii lisai 4:1

Condii David-e, í fula o condun simlacinɔ vanaa n'condua nin-nde. A ɲɛm-caan iyoon vana soli ndi ni.

Luke 22:44

Mí Yeesu buulan taw, mó piɛi a kpaayaa taw-taw, mí lalle muungu ndu maa makòó, mí i va delio lɛŋ maa matoŋtoŋ.

Esai 14:9

Hali ciee-piɔ́m hiilun o lɛŋnden bɛngu di-di le nɔm sɛɛnaa lon, o tindi vanaa vi-a, vanaa latɔ́ɔ́a o lɛŋnden coo nɔm laci, o cua masaa vanaa-mangalaa-isɔɔa kpede o kpɛŋɛla ndala lemasalan coo.

Condii lisai 65:2

Biiloo co le nɔm Hala co Siɔn-ndo. N peelunin ciɛ́ɔn naa n cua o nɔm ndo-on,

Condii lisai 61:2

Éé Hala, tuei cɛɛŋɔnnda nilan, yaŋnun piɛile nilen.

Condii lisai 16:10

Kani nɔm Mɛlɛka, a melnin ya kɔlan ciee-piɔ́m te, a cɛlnin mì ya vana lo lediom coo a nɔm-ndo tol o sɛiyo nin te.

Dɛnnda kiilaa 2:27

Kani nɔm Mɛlɛka melnin ya kɔlan ciee-piɔ́m te, a cɛlnin mì ya vana baala nɔm n kɛsi landɔ-o tol o sɛiyo nin te.

1Samiɛl 1:16

Ca ya maa vanalanɔ malnan te, kɔl nuu co o sangaa nin a o mɔnɛi bɛnduei nin ni. Lelan ya viow o piɛilen nin ni.»

Cɛɛŋɔnnda Yeremi lan 3:55

I lo o soondo nin ndon, mí veelu nɔm Mɛlɛka.

Esekiɛl 26:20

i tuisinin nɔm niaa vanaa co tolɔɔ o soon yingilaa nin-nda latulu, mì la kɔɛ vanaa hiow sindɛ-a ikɛi. I yaanin nɔm mà kɔ cal o lɛŋnden bɛngu di-di niaa vanaa co tolɔɔ o soon yingilaa nin-nda latulu, maa ɲɛm tambu sindɛ-on, yɔŋii vannda cal vɛlɛ nɔm nin. Nduyɛ, i mandanin biiloo le lɛŋnde vanaa kiyɛiya co nin-nden.

Esekiɛl 31:14

Kon tosan haliko yɔm oo yɔm co o mɛnndan kɔngɔ o bandu lɛ lende taw-taw le, bolle ndɔlen le hiaw lɛ yɔmii bɔɔla yukɔnnde bandei le. Kon tosan vɛlɛ haliko yɔm oo yɔm nɔ mɛnndan lebɛngu taw, ndu hindu lɛ mò hel coocoo lende le. Kani yɔmii ken faw i co imandaa le vuo, le tolɔɔ o puuloo bɛngu di-di vanndacieea vi-a tɛɛn nda vanaa co tolɔɔ o soon bɛndoo nin-nda latulu.»

2Dɛnnda lemasalan 33:12

Manase lo o sanga bɛndu kon nin, mó kindin le Mɛlɛka Hala ndɔɔ kɔllo ɲulullo, mó sɔlɔlan hakila ndɔlan Hala fuɲaa ndɔa mamaa o hɔl,

Luke 11:10

Kani vana-vana piɛi pɛ, ndu sɔla. Vana nuwviaa pɛ, o saalun. Vana lɔɔ pɛ dioo, a kumbil ndu.