Yonas 1:9 - BII BILA

⁹ Mí Yonas mulul nda aa: «Hebreenɔɔ ya co ni, Mɛlɛka ya biilù ni, Hala co o halataala-o pɛɛn. Ndu toosiaa mɛmma ihɛllan a lɛŋnde kɔngɔlen ni.»

Yonas 1:9 Referans Kwoze

Nehemi 9:6

Nɔm pilɛ kpé co Mɛlɛka ni. Nɔm tosa halataala bɛndoo a loeon kpow ni, nɔm cɔw lɛŋnden a ɲɛm co lecoo-on kpow ni, mɛmma ihɛllan a ɲɛm co lenin-ndon kpow bɛɛ nɔm toosiaa ni. Nɔm yɔngu ɲɛm cɔwnun-ndon kpow yoomoo ni. Ɲɛm cɔwnun coocoo o halataala-on kpow n co vulan baŋɔɔ nɔm o labɛngunin.

Condii lisai 136:26

La mel Mɛlɛka co o halataalaa-o balika, kani kaola ndɔɔ nɔ lamɛɛlu le.

Nehemi 1:4

Lɔ́ɔ́ ya tuei sɔɔn mun-ndo, mí cal, mí koŋul, mí mɔnɛi bii ya le palɛi taw. Mí bii sumndo, mí piɛi Hala co o halataala-o.

Ɛsdras 1:2

«Nuaa Siris, masaa Pɛrse dimi ni aa: ‹Mɛlɛka, Hala co o halataala-o yɔngu ya masɛi co o lɛŋnden kpow coo-e. O vem ya le ndu Cɛiyo tengullo Yerusalɛm, o tàndá Yuda-o nin.

2Masaa 17:28

Mí vana-solia-lasálàá pilɛ o vanaa-solia-lasálàá ndáà bii Samari má kɔa a nda-a tɛɛn kɔa, mó kɔ va icali Betɛl le nda cɔmndo mɛɛ ndáà bɛnda le siòòŋii Mɛlɛka-e nɔu yɛ.

2Masaa 17:25

Ndáà kandɔɔ calle lon, a ve Mɛlɛka vo le, mí Mɛlɛka solul nda yàlàá, mí yàlàá kan kɔ diw nda.

O Kandɔɔ 14:13

Mí vana ɲaanun-ndo pum kɔ dimul Abram Hebreenɔ sɔɛi ken. Abram va icali o yálán Mamre Amoriinɔ-o ikɛi, Mamre kon va puapilɛ Ɛskɔl nda Anɛr-o ni. Langbaa yaa kan kpede, kpemaa va nda tɛɛn nda Abram-aa.

Dɛnnda cɔɔmuanndan 16:11

Má dimi sɔɔn tanan a Hala co o halataala-o, le ɲɛ nɛyaa va nda-o a le pavii ndɛi, kɛ a mel kela nda vɔɔndo mà mangalan te.

Dɛnnda cɔɔmuanndan 15:4

Mɛlɛka, nɛ̀ɛ́ tɔɔndan yɛnin mo kɛɛ diola nɔmndan biilu? Kani nɔm pilɛ kpé co o diandaa ni. Vanaa-mangalaa-isɔɔa kpow a hunnin mà baŋ vulan nɔm o labɛngunin, kani sandii nɔmnde cɔmnun vakpa.»

Dɛnnda cɔɔmuanndan 11:13

O telen kon kínɛí, mí lɛŋnden le ɲiiya taw, mí kobio kpengei pilɛi komba. Mí vanndacieea vàálan tan ŋɔmmɛw a sɔla piɔ́mndo o lɛŋnde ɲiiyaale len nin, mí siòòŋii bɛnduei bii vanaa tɔ̀a, má ke Hala co o halataala-o biiloo.

Filipea 3:5

Ndáà violɔɔ ya, má dii ya tooma o paale ŋɔmaandɔ len. Israɛlnɔɔ ya i co ni, fulaa o polale Bɛnyamɛn-nden nin. Hebreenɔ Hebreenɔɔ velu-o ya co ni.

Dɛnnda kiilaa 27:23

Kani mɛlɛkanɔ Hala nɔ ya baa coo-o, o ya co baalaa tosallo-o sɔɔnguu ya ikɛi cɛi icɔl,

Dɛnnda kiilaa 14:15

«Le yɛɛ nɛ niaa co yɛ ho tosaa? Naa bɛɛ, vanndacieea daama naa n co maa niaa ni. Yoongu Kɛndɔɔ naa hin niaa tiiyallo ni, haliko mi la mal piɔmaa fondoa sooloo, mì la mulul Hala nɔ yoomoo o ba-o hɔlla, o cɔw halataalaa, lɛŋnden, mɛmma ihɛllan a ɲɛm co lenin-ndon kpow-vo.

Osee 3:5

O kon kɔɔli, a muungunin mà nuwviaa Mɛlɛka, o co Hala ndaa-o, mà nuwviaa vɛlɛ David masa ndaa. A sɔɔnguunin Mɛlɛka a dɛnɛ ndɔ kɛndɔɔ ikɛi a ɲiiyaa.»

Daniɛl 2:44

O paale masaa kan, Hala co o halataala-o kɛsinin masale tembunin le fɛɛn a fɛɛn te len. Masale len le hiwnin vanaa súú celen o ba le. Le pesipesinin masɛi tɔ̀ɛi mí le tɛɛmbuu ndi, mí len pila le lo lecoo le fɛɛn a fɛɛn.

SƐBƐ YƆB-O 1:9

Mí Setana mulul Mɛlɛka, mó dimi aa: «Mò va maa fúú Yɔb nɔ siòòŋii nɔm Hala-e ni?

Nehemi 2:4

O kon mí masaa ɲuna ya aa: ‹Yɛɛ nɛ co yɛ niko bahavɛi nɔmndo?› Fɔ́ɔ́fɔ̀, mì piɛi-yɔ fɔlɔn Hala co o halataala-o.

Ɛsdras 5:11

Má mulul naa aa: ‹Vanaa baalaa Hala cɔw halataalaa a lɛŋnden-ndo-a naa n co ni, Cɛi-Hala cɔwnun sindɛ nin pá-pá-o naa n co mingio tangullo ni, ò masa bɛndoo pum Israɛl ndóò cɔw mí ndóò cii kpede-o.

O Kandɔɔ 39:14

mó yonda coocoo, mó veelu vanaa va nda o ba cɛinin-nda, mó dimul nda aa: «La ce dɛnɛ nɛ vannda! A cuu naa Hebreenɔɔ le naa bɛ̀ɛ̀lan tɛɛmbuuo. Kpuvaa o hun kpuva ya ni le hinilan a ya, kɛ mí yonda coocoo.

Fulaa 1:15

O Hebreea lo, vanlaandua sokoa-vialaa pum va lon nda ŋiɔn: o pilɛ diolan Sifra, o pilɔɔ Púa. Mí masaa Esipte dimul nda aa:

Fulaa 2:13

Diimandɔɔ pilɔɔ vɛlɛ, mó muungu o fonda kon, mó komal Hebreea nda ŋiɔn cɔlɔbaa. Mó ɲuna vana nɔ dí loo aa: «Le yɛɛ n co yɛ puapilɛ nɔmndo lɔɔ?»

O Kandɔɔ 1:10

Mí Hala ke kɔngɔ vesɛi fula-o diolan aa lɛŋnden, mó ke mɛmma diinun man nɛɛ pilɛ-an diolan aa mɛmma ihɛllan. Mí Hala ca maa ɲɔɔ naŋ.

O Kandɔɔ 24:7

Mɛlɛka Hala co o halataala-o, o faŋa ya yungu nuu ikɛi a o lɛŋnde nilen nin-ndo, o soo o ya lo mó cuel-la kpemaa, mó mɛnan maa o co cuavaa nia imamaa lɛŋnde ya co len nin-nden yɔngu-o, o co nɔm mɛlɛkanɔ ndɔɔ vomɔɔ laci, haliko ma nɔla le lanɔɔ yilɔɔ lon, mà hin a ndu le po nuu.