Yonas 1:5 - BII BILA

⁵ Mí siòònde bii vanaa tɛɛngaa taw, mí vana-vana va hala ndɔɔ piɛiyo. Má va volɔɔla va o dɛ̀ndɔ̀ɔ́ nin-ndan solio, má va lan viovɔɔ o peelo, haliko mi dɛ̀ndɔ̀ɔ́ ndóò cɔɔlu muungu fefele. Tuma kon, Yonas ndóò tolnun o dɛ̀ndɔ̀ɔ́ tumndo, mó kɔ hinin, mó hiawnun o lɔan cundun.

Yonas 1:5 Referans Kwoze

1Masaa 18:26

Má bii naw tova ndáà cɔm nda-o, má toosiaa ndu. Kandɔɔ idiiyo háá a paale kálàlen, a va huuloo a yolan balɔɔ o fonda-loamaa-lasálà ndaa cɔwvo, má va Baal piɛiyo a dimio aa: «Baal mulul naa!» Kɛ kpɛkɛlɛ bɛɛ a tui le, a sɔla muli le.

Yeremi 2:28

Kɛ ya bɛɛ, i mululnin nda aa: ‹Kuɛɛ nɛ halaa niaa niaa toosiaa-a co yɛ? Taa nɔla pɛ, mɛɛ a cɔn niko mà faŋa niaa dɛnɛ palaa coo. Mɛɛ niaa nɔ kobilan yɛ koni niaa nɔ halaa ni, Éé niaa Yudaa!›

Esai 45:20

La cuungian nɛɛ pilɛ mi la hin, la sɔɔnguu diom pilɛ, niaa vanaa lo yoomu o vanaa-mangalaa-isɔɔa tɛɛn-nda! Vanaa co piɔmaa ndaa iyɔmnda vilio-a a nɔ kɔlkalu le. Kani hala nda co piɛiyo-o nɔla vana ciindiaa le.

1Samiɛl 24:3

Mó cuungiaa vanpiaandua vàálan tan yáá, a o hɛli o vanaa cɔwva Israɛl tɛɛn-nda, mó kɔa a nda le David nda langbaa ndɔa cɔwva nuwviaa o pow kpova cuinaa bandíláà va-o ikɛi.

Masaa kialaa n'yamaa 16:19

Mí Dalila hivi Samsɔn o lɔan ndu o vulan coo, mó veelu langbanɔɔ pum, mí langbanɔ kon kɔ sendi ndu kandela ŋɔmmɛwla va ndu o lebol-tan. O kon, mí Dalila kandu ndu nɔlaa, kani mí yoomuma ndɔan má kɔannun.

Dɛnnda kiilaa 27:38

Mɛɛ vana-vana pim, má vuu maalon o mɛnndan nin haliko mi dɛ̀ndɔ̀ɔ́ ndóò muungu fefele.

Matie 26:45

O kon kɔɔli, mó muungu nɛɛ kaandeŋaa ndɔa va-a, mó dimul nda aa: «La co vɔ o lɔan a pɛngio háá sisa? Telenndo cɛn tiiyaa, mì Po vanacieo del vanaa yɔŋ vɔɔnda o ba.

Matie 26:43

Ndóò muungoo, mó komal nda vɛlɛ o lɔan. Kani lɔan ma va nda o hɔl taw.

Matie 25:5

Nuyɛ, vana yil lanɔɔ sɛnɛi-yo yala hunɔɔ le. Mí nda kpow a yinda, má hiawnun o lɔan.

Yonas 1:16

O kon, mí siòònde bii vana-vana va o dɛ̀ndɛ̀ kon nin-nda a Mɛlɛka, má solul ndu sálàá, má cua ciɛ́ɔn o ndu lo kpéŋ-kpéŋ.

Yonas 1:14

O kon, má koŋul o Mɛlɛka lo, má dimi aa: «Éé Mɛlɛka! N co nɔm tɛɛlun, dii naa kpede le langbanɔɔ ho ndu pilɛ le. Handu vɛlɛ naa piɔ́m vana tɛɛmbuu isɔɔ a naa loo coo le, kani nɔm Mɛlɛka pila tosa ɲɛ hɛnan nɔm-ndo ni.»

Yonas 1:6

Mí vana va bolle vanaa tɛɛngaa-o sɔɔnguu ndu ikɛi, mó dimul ndu aa: «Nɔm sei, yee a connun o lɔan? Cɔn ma piɛi Hala nɔmndo, bɔɔle mò tuinun naa iɲíí, o kon n vinin te.»

Osee 7:14

A co veelu a kɔlta ndalan kpow le. Nda yɛ, a co somisominndo o kpelela ndala hinialan coo. A co diallon tɛɛndianndo le maalon a le mɔima sɛnɛiyan sɔlaa. Lende nda co ya kɔlan levil ni.

SƐBƐ YƆB-O 2:4

Mí Setana dimul Mɛlɛka aa: «Le sɔlaa vana yɔngu ni. Ɲɛ-ɲɛ vanacieo nɔ, o nɔla mò pisi ndu le kɛndia ndɔɔ.

Condii lisai 107:25

Ndóò sɔɛi lepilɛ kpé, mí hoeyii fùkù-fùkùei i can, mí mɛnndan ma hiilun yongban-yongban.

Condii lisai 148:8

Niaa yinnden, piɔɔ loeon deliaa, piɔɔ mɛmma n'kpungbaa, yumbuyumboo a hoeyii fùkù-fùkùei, niaa co sɔɔn ndɔn biyɔɔ-a pɛɛn,

Vana Kɔlkaloo 3:6

Telenndo co le nuwviaa, telenndo co le malɔɔ, telenndo co le mandaa, telenndo co le viovɔɔ.