Yonas 1:4 - BII BILA

⁴ Kɛ mí Mɛlɛka tuisi hoeyii fùkù-fùkùei o mɛmma ihɛllan coo, mí felenfelenndo can, mí dɛ̀ndɔ̀ɔ́ va le yomiyomio.

Yonas 1:4 Referans Kwoze

Amɔs 4:13

Kani la tofa vɔ! Vana cɔw pembon a hoeiye-o, vana cɔm vanacieo yiyannda ndɔlan-ndo, vana mangala ɲɛ-tengaa paale siaa ɲumndan-ndo, ó co kelaa o pembun co o lɛŋnden coo-on coo-o, diola ndɔlan aa Mɛlɛka, Hala-Nɔ-Kpaayaa-Kpow-vo.»

Condii lisai 135:7

O co piɔɔ helaa cuaa o lɛŋnden mɛɛlulan, o co taŋndan volio le piɔɔ tuisio. O co hoeyii o va mandaa-e solio.

Fulaa 10:19

O kon, mí Mɛlɛka cua hoeyii bɛndu-bɛnduei a ba paalen le del-lo, mí hoeyii ken kɔandu sóónɔa kan, mí i kɔ viow nda o mɛmma ihɛlma makpɛ̀ndɛ̀an nin. Hali sóónɔɔ ndu pilɛ o lo o lɛŋnde Esipte len nin te.

Kundalan 11:31

Mí Mɛlɛka yɔngu hoeiye fulaa o mɛmma ihɛllan coo, mí hoeyii ken hun a siasoa, mí i hun sɛŋi nda o dɔ́ɔ́ngɔ́ɔ̀ balɔɔ le kɔla paale pilɛ. A va a dengelannda coo. Cɔnɔnndo lɛŋ, helɔɔ nɛɛ nda mɛɛlu coocoo-a, ɲɔɔ va le dunndo lediin.

Fulaa 15:10

Kɛ nɔm Mɛlɛka, mɛɛ n hɔŋ hoeyii nɔmnde, mì mɛnndan ma kumbu nda kpow, má mɔɔva o mɛmma ihɛlma yingilan nin maa ciliŋii dingɛn.

Fulaa 14:21

Mí Moise siɛndi baa o mɛmma ihɛllan coo, mí Mɛlɛka cua hoeyii fùkù-fùkùi bɛndu-bɛnduei a ba paalen le can-ndo, mó cuu ndi o mɛmma ihɛlma man coo. Mí hoeyii ken lɔl hɔŋndo pii, mí i hiiluu mɛnndan yongban-yongban, mí i veesiaa man háá mí ma kiolu tɛɛn.

Fulaa 10:13

Mí Moise siɛndi tinda ndɔɔ o lɛŋnde Esipte len coo, mí Mɛlɛka cua hoeiye fulaa a ba paalen le can-ndo. Mí hoeyii ken niinu hɔŋndo o lɛŋnde Esipte len coo kpɛŋ, mí i lɔl vɛlɛ hɔŋndo pii. Idiiyo, mí hoeyii ken hun a sóónɔa taw.

Condii lisai 135:6

O co dɛnnda o yeema lan kpow tosaa, dɛnndan o halataala a laan o lɛŋnden coo, laan o mɛmma ihɛllan coo, a la co le bɛngu-an.

Yeremi 51:16

O dimi pɛ, mɛnndan ma diinun o halataala, piɔɔ bɛndoo hel o lɛŋnden mɛɛlulan, halataalaa voli, o kon piɔɔ sia, hoeiye fula o soon ndɔɔ nin.

Condii lisai 148:8

Niaa yinnden, piɔɔ loeon deliaa, piɔɔ mɛmma n'kpungbaa, yumbuyumboo a hoeyii fùkù-fùkùei, niaa co sɔɔn ndɔn biyɔɔ-a pɛɛn,