Yonas 1:16 - BII BILA

¹⁶ O kon, mí siòònde bii vana-vana va o dɛ̀ndɛ̀ kon nin-nda a Mɛlɛka, má solul ndu sálàá, má cua ciɛ́ɔn o ndu lo kpéŋ-kpéŋ.

Yonas 1:16 Referans Kwoze

Condii lisai 107:22

La solul ndu sálàla malaalahakilan, la cɔm dɛnnda ndɔlan kpow a deŋi kɔlkɛndɔɔ.

Condii lisai 50:14

O co fisa mì la solul-la sálàla malaa balikalan, ya Hala niaa pɛɛn, mì la peelu ciɛ́ɔn niaa cua o ya lo-on, ya Hala-Hiow-Ɲɔɔn-Kpow-vo.

O Kandɔɔ 8:20

Mó cɔaw fonda-loamaa-lasálàá le Mɛlɛka sálàá solullo lecoo. Mó cua visia diandaa yɛ́-yɛ́a a yovaa diandaa yɛ́-yɛ́a, mó soli sálà loamaa a cɔlua kan o fonda-loamaa-lasálà kon coo.

Dɛnnda kiilaa 5:11

Mí siòòŋii bɛnduei bii vanaa laalannda kpow a vanaa-vanaa tuei dɛnnda lan.

Marke 4:31

Masale Hala len le co ko kpen a kulii mutarde. O ndi saŋɔɔ, ndi hiow dɔɔnanndo a kulun co o lɛŋnden coo-on kpow.

Yonas 1:10

Mó cɔm nda maa ɲaanɔnndo o co le Mɛlɛka vionnɔnndo ni. Mí siòònde cɔɔlu vɛlɛ vanaa kan biyɔɔ taw, má ɲuna ndu aa: «Le yɛɛ nɛ n tosa yɛ dɛnɛ vaa nuaa?»

Daniɛl 6:26

O kon kɔɔli, mí masaa Darius sɛval vannda súúlan kpow a vanaa-mangalaa-isɔaa yɛ́-yɛ́a va icali o lɛŋnden kpow coo-a aa: «Màá kɔlɲulu bɛndoo yɔngun niaa!

Esai 26:9

Yeemɛi co yoomu nuu biyɔɔ taw o ɲumndan nin le nɔm, kɔl ni co ya nin-ndo co nɔm nuwviaa idii a yeemɛi taw. Kani te yaman nɔmndon kiolu pɛ o lɛŋnden coo, vanaa co o ceendo coo-a sina dɛnɛ sandaa.

Vana Kɔlkaloo 5:4

O co fisa mà kɛɛ le ciɛ́i cuaa, a ndi cuaa ma kɛɛ le ndi peeloo.

Condii lisai 116:14

I peelunin ciɛ́ɔn ya cua o Mɛlɛka lo-on vanaa ndɔa kpow o hɔl.

2Masaa 5:17

O kon mí Naaman dimi aa: «Mɛɛ n kɛɛ ɲɛm ya ke nɔm-ndon yɛ, cɛl ma ke ya puuloo tùú milɛaa ŋiɔn a cua kpafii. Kani i yeema lɛ mì soli sálà loamaa, te kon te sálà kɔlɲulu le halaa celen te, fɔ le Mɛlɛka.

Masaa kialaa n'yamaa 13:16

Mí mɛlɛkanɔ Hala-o muli aa: «Hali i cum bɛɛ, i dinin ɲɛdiaa n co ya bɛɛndial-lo le. Kɛ taa yeema pɛ, a bɛɛndiaa sálà loamaa, a solul Mɛlɛka ndu.» Manoa ve sina maa mɛlɛkanɔ Hala-o le.

O Kandɔɔ 28:20

O kon, mó cua ciɛɔ́n o Mɛlɛka lo, mó dimi aa: «Te Hala lo pɛ ya ikɛi, te o kanda ya pɛ o kela ya co hoo-o nin, mò yɔngu ya ɲɛdiaa a ɲɛ cuɛinanndo,

Yonas 1:14

O kon, má koŋul o Mɛlɛka lo, má dimi aa: «Éé Mɛlɛka! N co nɔm tɛɛlun, dii naa kpede le langbanɔɔ ho ndu pilɛ le. Handu vɛlɛ naa piɔ́m vana tɛɛmbuu isɔɔ a naa loo coo le, kani nɔm Mɛlɛka pila tosa ɲɛ hɛnan nɔm-ndo ni.»

SƐBƐ YƆB-O 37:24

Lelan, vanndacieea bɛnda mà nɔ siòòŋii ndɔɛi. Kɛ o nɔ vanaa cennun nda pila vanaa kɔlkalua-a lehɔl coo le.»

Yeremi 5:22

Mí Mɛlɛka ɲuna aa: ‹Mɛɛ la nɔ siòòŋii ni le? Mɛɛ la nɔla ɲiiyaa ya o hɔl te? Ya kɛsul mɛmma ihɛllan pɛɛngulan a sióónndon ni, pɛɛngula fɛɛn-fɛɛnnda ma nɔla hiovɔɔ le lan pɛɛn. Mɛ̀ɛ́-mɛ̀ɛ́ ma va biiŋɔnndo, ma nɔ kpaaya má hiaw lan te, mɛ̀ɛ́-mɛ̀ɛ́ ma kuuliaa, ma hiw pɛɛngula lan te.