Yeremi 9:9 - BII BILA

⁹ I yeema mi caŋ, mi cɛɛŋun o pembon coo, mi soli condii biisiei o dɛngbɛla vesɛila co o lɛŋnden nin-ndan coo, kani la ŋɔɛ, vana-vana co lɛ kei lon te, vana tui lɛ cɔlua kundaa diom lon te. Yowva coocoo a visia yondoa piow lon few-few.

Yeremi 9:9 Referans Kwoze

Yeremi 5:29

Le hee Mɛlɛka dimi ni aa: ‹Vɛ̀ɛ̀ i bɛnda mì cɛɛlian vannda ha le? Vɛ̀ɛ̀ i mingùl vanaa súú vaa nuaa màá le?

Yeremi 5:9

Vɛ̀ɛ̀ i bɛnda mì kuuna dɛnnda vaa lende le? Vɛ̀ɛ̀ i bɛnda mì fula kɔl a vanaa vaa lende le nɛ? Sɔɛi fula Mɛlɛka o sondo-e co ken ni.

Esai 1:24

Lelan, diom Mɛlɛka-Nɔ-Kpaayaa-Kpow-vo, o co Hala Kpaaya Israɛlla-o dimi-o co hoo ni: «Dɛnɛ palaa co le niaa! Kani i co mɔnɛi solin a yaamɔaa niaa! I minginin màá yaamɔaa niaa coo!

Esai 10:3

Yɛɛ nɛ niaa tosa yɛnin o paale dɛnɛ palaalen coo? Vɛ̀ɛ̀ niaa yɔŋ yɛnin lɔ́ɔ́ dɛnɛ palaa cannin levil mò tol niaa coo-o? O nɛ̀ɛ́-nɛ̀ lo niaa ɲaanun yɛnin le malaa sɔlaa? Nduyɛ nɛ niaa mɛi yɛnin biilu niaa?

Esai 57:6

O powta kpɔlɔkaalan nin, a o kpolonndo nin, o niaa Israɛlla co ni. La tofa vɔ, ɲɛ co le niaa-o kpeekpei co kon ni. Powta lan niaa co sálàla mamɔilan cuuŋullo ni, lan niaa co sálàla kpeyanndan solullo, mi la va lan lomɔɔ ni. Vɛ̀ɛ̀ ya Mɛlɛka, mì kɔl nuu hini a dɛnnda vaa nuaa kpow?

Yeremi 4:25

Mí tofa, i ci lɛ vanaciee kɛ́-kɛ̀ le, mí yowva coocoo kpow a ɲaanun.

Yeremi 12:4

Háá telen kuɛɛ nɛ lɛŋnden le va yɛnin o dɛnɛ palaa nin, mì bil yondoo kpow va o vesɛiyo? Visia yondoa a yowva co cuuo le dɛnɛ vɔɔn vanaa co o lɛŋnden nden nin-nda. Kani a co dimio aa: «Yeremi cinin mɛɛlula naalan te.»

Yeremi 12:11

A toɲa, a siinguu lɛŋnde len lɛŋnde dɛnɛ palaalen. Le cuu itambu kpede ya o hɔl, le dɔwnun yɛɛvɛ kpede, vana-vana co muli le.»

Osee 4:3

Lelan dɛnɛ palaa toalnin o lɛŋnden nden coo ni. Vanaa vanin icali lenin-nda kpow a ɲawnin. Visia yondoo nin a yowva coocoo bɛɛ a ɲawnin. Hali suvaa co o mɛmma ihɛllan nin-nda co hunɔɔ cuvɔɔ.»

Yɔɛl 1:19

«Éé Mɛlɛka! Nɔm o lani ya co caŋndo nuaa ni. Kani yinnden le cii bil puiyaa lomɔɔ o dɛɛlala vesɛilan nin, le cii yɔmnde kpow lomɔɔ yondoo nin.

Amɔs 5:1

«Òó niaa cuavaa Israɛlla, la yaŋ nilan o sɔɛi he, sɔɛi ya co hee dimio niaa coo-e. Condii dɛnɛ palɛi sɔɛi ken i co ni!

Amɔs 5:2

Israɛlla del, à cen ndɛnin te few! A co ihini lɛŋ lɛngbɛn, vana-vana co nda cua isisi le.