Yeremi 9:7 - BII BILA

⁷ Maa lebɛlɛn diɛɛmule ndalen le co le diyɔɔ ni, còòlan kínɛí la co nda o lasondo ni, sondo yeelɛiyo nda nɔ a caanda ni, kɛ o kɔlta ndalan nin, a co nda yaŋɔɔla nɛyɔnndan hendullo.

Yeremi 9:7 Referans Kwoze

Esai 1:25

Niaa Yerusalɛmnda, i co niaa mululɔn, mì teengiaa volin niaan sɔvɛiyon mɛɛ vana dindi ɲɔɔ a sodaa nuaa yɛ. I faŋanin nɔɔ niaa kpow.

Malasi 3:3

O calnin mɛɛ vana teengiaa volion le mun dindio-o cal-lɛ, mò dindi poaa Levii-a. O dindinin nda mɛ̀ɛ́-mɛ̀ɛ́ vana dindi sianion a volin humbon nuaa yɛ. O kon, mà va Mɛlɛka sálàlan solullo mɛɛ o kelun o tɔŋndo nin yɛ.

Yeremi 6:27

I kɛsi nɔm le vanaa nia kɔlɔɔ solio maa kpaki, haliko ma sina kela ndaa, mà soli nda kɔlɔ.»

Esai 48:10

La tofa vɔ, i vow niaa o kpɛɛnɛi teengiai nin, kɛ o co le niaa siinguu volin humbu le, I soli niaa kɔlɔ o tóndó bɛndu dɛnɛ palaa nin.

Sakari 13:9

I lueinin kunda yàándɔ lonin kon-ndo o yinnden nin, mì dindi ndu mɛɛ vana dindi volii humbuei yɛ. I dindinin ndu mɛɛ vana dindi sianiei yɛ. Vanaa kan a pialnin diola nilan o piɛilen nin, mì mulul nda. I diminin aa: ‹Vanaa nia co haa ni.› O kon nda bɛɛ diminin aa: ‹Mɛlɛka co Hala naa ni.›»

1Piɛr 4:12

Caaŋaa nia hɛnan ya-a, la dɔawnun kɔndɔfili le sanga tóndó leyin co niaa coo-o maa dɛnɛ bɛnda le tosan too le.

1Piɛr 1:7

Laalan niaa nɔ yɛ o Yeesu nin-ndo, ndu hiow baa kaloo a sianion. Lelan, le sinaa te la nɔ pɛ laalanndo o Yeesu nin lekɛ́ndɛi, mɛɛ mì sɔɔn dɛnɛ palaan kei niaa coo. O kon, paale Yeesu Krista cɔmnunnin-nden le tiiya pɛ, la sɔlanin candɔɔ, biiloo a bɛɛlen.

Yeremi 31:20

Efraim co po ni kaolaa ni, po ya handu kɔllo coo-o. Telen oo telen ya va pɛ ndu dɛnɛ palaa tuisio coo, kɔllo faŋan ya o ndu lo le. Yiyanndo tuŋ ya yiyan ndu coo ni. Kani kaolaa pila ya kaola ndu ni, ɲííye pila ya nɔ a ndu ni.» Sɔɛi fula Mɛlɛka o sondo-e co ken ni.

2Dɛnnda lemasalan 36:15

Mɛlɛka Hala fuɲaa ndaa mamaa va nda kiilaa vimndo lɔ́ɔ́-lɔ́ɔ̀ le nda sɔɔn tɛɛngullo, kani ndóò yeema le vanaa ndɔa a Cɛi-Diandaa ndɔɔ baŋaa.

2Samiɛl 13:26

Mí Absalɔm dimi aa: «Mɛɛ nɔm kɛɛ le kɔlan yɛ, cɛl mì Amnɔn puapilɛ ni liila naa.» Mí masaa ɲuna ndu aa: «Le yɛɛ n yeema yɛ mó kɔɛ lon?»

Condii lisai 55:22

Sɔɔn ndɔn sondon hiow lɛan yeelaa, kɛ cɔwvo co ndu o kɔl ni. Sɔɔn ndɔn co hili-hili hiovɔɔ cuɛiyan, kɛ maa mɔɔn cɔw n lɔwviaa vana ni.

Condii lisai 62:5

Vannda yeema mà faŋa ndu o fonda o co-o. Còòlan la hɛnan nda ni. A co duaalan dɔvɔɔ a lasondo, kɛ a co dangalan dɔvɔɔ o kɔl nin.

Condii lisai 120:4

Kɔɔn cɔvun luɛyaa mɛnndonndon a dɛngulta leyinnda sɔngɔɲɔnndan o cucunin niaa coo ni.

Esai 59:3

Kani bala niaalan la co lalɔngɔlɛilan a koovan, suon niaan n co n'nɔɔlɛiyon a dɛnnda vɔɔnndan, cɔcɔn niaan co còòlan dimio, mì diɛɛmui niɛi va ɲiimu-ɲiimu fondoo.

Yeremi 5:1

«La balu o nɛilan Yerusalɛm coo, mì la mɛɛndian, mì la ɲuuniaa, mì la nuwviaa o bɛ́ɛ̀lan kpow. Te la saalun pɛ vanndo, hali o pilɛ kpé, o sandu-o, o yeema dɛnɛ sandaa-o, o kon, i mal Yerusalɛm haki.»

Osee 4:1

«Niaa Israɛlla sei! La yaŋ nilan o sɔɛi Mɛlɛka-e he. Mɛlɛka co kɔɔsɔɔ a vanaa co o lɛŋnden nden nin-nda. Kani vannda co lɛ lo o lediom coo le. Vanakɛndɛyɛi co lɛ le, vana co lɛ Hala sina maa Hala o lɛŋnden nden nin te.