Yeremi 9:5 - BII BILA

⁵ Dɛnnda vɔɔnndan tuŋ nda co hiyanndo tosaa ni, còòlan keiyo dimio má hiaw, a kɛɛ le ya Mɛlɛka sinaa pɛ!» Sɔɛi fula Mɛlɛka-Nɔ-Kpaayaa-Kpow-vo o sondo-e co ken ni.

Yeremi 9:5 Referans Kwoze

Habakuk 2:13

Lelan Mɛlɛka-Nɔ-Kpaayaa-Kpow-vo co tosaa ni mì ɲɛ-sɔlaa vannda co ŋɔu o yin, mì vanaa bɔɔ-bɔɔ va sanga fondoo fúú.

Misee 6:12

Vanaa bolofaa co o kobio ho nin-nda kafalan kposon nda cal coo ni. Còòlan tuŋ vanaa co icali lenin-nda co keiyo hɔŋndo ni, huiyo kínɛí nda co vannda a diɛɛmuei nda lasondo ni.

Esai 57:10

La lo kɔlan tei mí la sanga yɔkɔɔ, kɛ la co dimio aa ‹N mellɔnin kɔlan ndan te.› La co vɔ yoomuan sɔlaa o bala niaalan nin, la bɛpɛla vɔ le.

SƐBƐ YƆB-O 15:5

Yɔŋ vɔɔn nɔmndo co nɔm viomɔɔ sɔɔn mun diomio ni, sɔɔn vanaa kɔlkalu vɔɔnda n co dimio ni.

1Timote 4:2

A delnin vanaa muuluannda a vanaa lacòòvaa kɔɔli, mà laasian. Vanaa kan yɛ, yiyannda ndalan la co maa mɛɛ ciliŋii tuwve i tɛɛmbuu ɲɔɔ nuaa yɛ.

Efɛsea 4:25

Lelan, la mal còòlan. Vana-vana dimul caan ndɔ toɲaa. Kani naa kpow, falun pilɔn naa n co vellaa-velle o dialun pilɔn nin ni.

Misee 6:3

O dimul nda aa: ‹Niaa vanaa nia, yɛɛ nɛ ya yɔŋ yɛ niaa? O yɛɛ nin ya saangiaa yɛ niaa? La mulul-lɔ ya!

Esekiɛl 24:12

Kɛ kindikindin kon kpow, sanga fondoo koni o co ni, sɔva co o piaa o kpɛɛnɛi ken nin-ndo nɔla mò faŋan a yinnden te.»

Yeremi 9:8

Sɔɛi fula Mɛlɛka o sondo-e co hee ni aa: «Vɛ̀ɛ̀ i bɛnda mì kpaa vannda ha le dɛnnda lan te? Vɛ̀ɛ̀ i mingul vannda ha mɛɛ dɛnnda ndalan la co yɛ le?»

Yeremi 9:3

Vana-vana bɛnda mò mandan a puapilɛ ndɔɔ, vana-vana co caan ndɔ toɲa dimul te, kani vana-vana co kafalan tosaa a vanndo pilɔɔ, vana-vana dimi sɔɛi kɛndɛ a caan ndɔ le.

Esai 5:18

Dɛnɛ palaa co le vanaa co a yiyaa a hakio o còòlan dimio-a! A co yɔŋ vɔɔndo nanɔɔ a yoei maa yoei soa nan ɲɛla ɲaanannda ndalan-nde-a.

Talelan 4:16

Kani nda nda, taa tosa dɛnɛ vɔɔndo le, a hínì ma lɔl te. Taa yɔl vanacieo le, kpenndaa nda kpennda lahɔl ni.

Condii lisai 140:3

Yiyannda tosaa dɛnnda vɔɔnndan kínɛí nda nɔ o lakɔl ni, lepalaa o lepala, a co vannda kuello a sɔngɔlan.

Condii lisai 64:3

Vion ya mì faŋan vanaa yɔŋ vɔɔnda ha ikɛi, a vɔkɔ-vɔkɔ vanaa co haa dɛnnda vɔɔnndan tosaa-a-o.

Condii lisai 50:19

Sɔɔn vɔɔŋun caanda kínɛí niaa co dimio ni, sɔɔn huiyaa n'vanndon kposon co vɛlɛ niaa o lasondo ni.

Condii lisai 7:14

o toosiaa ɲɛm cɔvun dii vana-on, o bɛɛndiaa kɔɔn nɛyaa-nɛyan leyinndon.

SƐBƐ YƆB-O 11:3

Bàà sondo nɔm yeelɛiyo kuunanin caanda sɔɛi ni? Vɛ̀ɛ̀ mì nɔm lo caanda mamɔɔ, nɔm vana tuisi nɔm lasiɛmbu le?

O Kandɔɔ 19:11

O kon, má suumiaa vanaa va isisi o dio-a kpede. Kandɔɔ a felengia, kɔ bii a kaasoŋaa yuuvɛiya, mí vana-vana suma. A nɔla lɛ dio cɛiyo saalɔnndo le.

Condii lisai 52:3

Nɔm vana kpaayaa ho sei! Le yɛɛ n co yɛ lisanndo le dɛnɛ vɔɔn n tosa hoo-o? Vanakɛndɛyɛi Hala-e vanin le lɔ́ɔ́-lɔ́ɔ̀.

Yeremi 7:28

o kon a dimul nda aa: «Vanaa yeŋnun diom Mɛlɛka Hala ndaa le-a niaa co ni, vanaa yeema mi vana sila nda le-a pɛɛn. Dɛnɛ sandaa ɲum mò fula niaa o lasondo few-few.»

Yeremi 12:6

Kani hali vanayan nɔmndon, hali a niaa co yungu pilɔɔ-a co nɔm huiyo. A co vannda kɛsio kundalan le nɔm cumullo, a co sina le. Lelan a va bɛɛ nɔm sɔɔn kɛndɔn dimullo, laalan nda le.»

Yeremi 12:13

Niáá saŋ maalon, mi la va yɔɔn booson kovɔɔ. La co sangaa bɛndoo pila, kɛ la co tɔnɔ oo tɔnɔ sɔla le. Siɛmbulan la bii niaa a ɲɛ niaa co kovɔɔ-o, ken tosan le tùú Mɛlɛka tambu kɔllo a niaa taw-vo.

Yeremi 13:23

Vɛ̀ɛ̀ Etiopiinɔɔ nɔla divɔ̀ɔ̀ yáw ndɔɔ mangala? Vɛ̀ɛ̀ tambillo nɔla pá pooɲia yáw ndɔɔ mangala? Lende koni o co ni, la hiw nin dɛlio a dɛnɛ vɔɔndo, la tiw lɛ ba mulinndo mi la tosa dɛnɛ kɛndɔɔ le.

Yeremi 51:58

Diom o dimi vɛlɛ-o co hoo ni aa: «Kpaki tongɛi Babilɔn-ndo sungunnin, mì diola ndɔla vilɛilan la ŋɔɛ. Fondo fúú koni vannda sanganin ni, mì nda pila saangian le yinnden.»

Yeremi 51:64

O kon a dimi aa: ‹Nuaa Babilɔn co hunɔɔ lo ni pɛ, yukpɛɛ bɛɛ o cuenin bollen o dɛnɛ palaa Mɛlɛka tuisinin ndu coo-o bɛngu le.› Sanga fondoo fúú vanndacieea co ni.» Nanu sɔɔn Yeremi-on mɛɛlu ni.

Malasi 2:10

«Vɛ̀ɛ̀ o co fuɲa pilɔɔ kpé le naa kpow n nɔ le? Vɛ̀ɛ̀ o co Hala pilɔɔ kpé le cɔw naa le? Kɛ le yɛɛ nɛ niko, mì n va naa pila paalianndo, mì n va kpema fuɲaa naa mamaa solio o báà nin?

Masaa kialaa n'yamaa 2:10

Mí vanaa nda va lambi pilɔɔ-a kpow diam fuɲaa ndaa ciee-piɔ́m, mí lambi celen koma can nda kɔɔli, ndáà sina Mɛlɛka le, ndáà sina vɛlɛ ɲɛ Mɛlɛka tosal Israɛlla-o le.

Talelan 12:5

Yiyannda vanaa sandaa la co lɔ́ɔ́-lɔ́ɔ̀ le dɛnɛ sandaa tosaa ni, vanaa kɔlvesɛiya yɛ, kafalan kínɛí la hun nda o kɔl le tosaa ni.

Yeremi 4:22

«Diɔmnda vanaa nia co lekɛ́ndɛi ni, a sina ya le, cuavaa kindu kɔl te-a nda co ni. Ɲɛ-pɔmbɔ bɛɛ a nɔ kɔlkalu le, le dɛnɛ vɔɔndo tosaa daama nda kendu kɔl ni, kɛ a sina dɛnɛ kɛndɔɔ tosaa le.»