Yeremi 9:4 - BII BILA

⁴ Vana-vana co caan ndɔ kafalan tosallo, vana-vana dimi toɲa le. Caa pila nda caa còòlan dimio ni, o kon nda co kɛɔ le muungoo ya o ibuŋ ni.

Yeremi 9:4 Referans Kwoze

Yeremi 6:28

Nda kpow vanaa nila kalua nda co ni, vanaa muuluannda, a kendu nilan maa n'daɲa, maa n'cilin, nda kpow a laasian.

Matie 10:21

Vanndo lɔalunin puapilɛ ndɔɔ le ndu diyɔɔ, mì fuɲaa lɔlu po ndɔɔ. Cuawva simulnin vanaa velu nda-a mà tosa mì vanaa velu nda kan-nda sɔla piɔ́mndo.

Tɔŋ lasálàá 19:16

La cóngù vanaa niaa co vanaa pilɛa-a le. La hɛ́ɛ́ndùù vanaa niaa co-a sɔɔn coo háá mà sɔla piɔ́mndo le. Ya co Mɛlɛka ni.

Yeremi 12:6

Kani hali vanayan nɔmndon, hali a niaa co yungu pilɔɔ-a co nɔm huiyo. A co vannda kɛsio kundalan le nɔm cumullo, a co sina le. Lelan a va bɛɛ nɔm sɔɔn kɛndɔn dimullo, laalan nda le.»

Talelan 25:18

Vana tɛndal caanda seile lakafalen-ndo co ko maa kpélénkpélén, maa mɔɛi cɔw, te kon te maa kɔɛi siɛmbiaa.

Talelan 10:18

Dɛnɛ muuluanndo o co le nɛyɔnndo vonɔɔ ni. Vana sɔɔn pɔmbɔɔ ndu, o pe lebol te.

Condii lisai 15:3

Ó congu vana loo, ó tosal caanda dɛnɛ vɔɔn too, ó tɛɛmbuu vana nda cal latulu-o lebɛɛ loo.

O Kandɔɔ 32:28

Mí langbanɔ kon ɲuna ndu aa: «Vɛɛ n nɔ yɛ diolan?» Mí Yakɔb mulul ndu aa: «Diola nilan Yakɔb.»

1Tesalonikea 4:6

Vana-vana pílàn puapilɛ ndɔɔ tana le, vana-vana tɛɛmbuu puapilɛ ndɔɔ labɛɛ o sɔɛi he nin te. Maa mɛɛ naa n dimul niaa sɔɛi ken kpéŋ-kpéŋ yɛ, Mɛlɛka tuisinin vannda sangaa coo le hakila vaa lende.

Luke 21:16

Hali fuɲaa niaa, kalaa niaa, puapilɛa niaa, vanayan niaan a caaŋaa niaa malnin niaa yaamɔaa niaa o ba. A diwnin vanaa pum niaa tɛɛn.

Matie 10:17

La mandan a vannda, kani a lɔalunin niaa o fondala kialaa n'yamalan, mà lɔɔ niaa o cɛila ndala lekaanndan nin.

Esekiɛl 22:9

Vanaa co vannda sɔɔn handɔɔ coo le nda diwvo-a a co nanu, vannda pum co kùlon dioo.

Talelan 6:19

sei lacòòvaa tɛnda seilen a còòlan-ndo a vana mɛli sɔngɔlan puapilɛa tɛɛn-ndo.

Talelan 6:16

Dɛnndan tan ŋɔmpum la nɛinun Mɛlɛka ni, la co bɛɛ laŋɔmmɛw.

Condii lisai 101:5

I kpaanin vanaa congu caaŋaa ndaa o vionnɔnndo nin-nda. I tiwnin ba kelaa naa vanaa tofa caanda tofa vɔɔndo-a le, te kon te naa vanaa yongaa.

Esai 59:13

N co Mɛlɛka dúmbóó yiiyo, n co ndu dɛnnda lacòòvalan tosallo, n co faŋanndo Hala naa kɔɔli, n co kɔnndan polon. N co sɔɔn kɔlvesɛiyon dimio mì n va nila kalulan tosaa, n co sɔɔn lacòòvan yiyanndo mì n va mun dimio o kɔltan nin.

Yeremi 9:8

Sɔɛi fula Mɛlɛka o sondo-e co hee ni aa: «Vɛ̀ɛ̀ i bɛnda mì kpaa vannda ha le dɛnnda lan te? Vɛ̀ɛ̀ i mingul vannda ha mɛɛ dɛnnda ndalan la co yɛ le?»

Malasi 2:10

«Vɛ̀ɛ̀ o co fuɲa pilɔɔ kpé le naa kpow n nɔ le? Vɛ̀ɛ̀ o co Hala pilɔɔ kpé le cɔw naa le? Kɛ le yɛɛ nɛ niko, mì n va naa pila paalianndo, mì n va kpema fuɲaa naa mamaa solio o báà nin?

Talelan 4:16

Kani nda nda, taa tosa dɛnɛ vɔɔndo le, a hínì ma lɔl te. Taa yɔl vanacieo le, kpenndaa nda kpennda lahɔl ni.

Talelan 4:17

Kani a ɲɛdiaa kɔlvesɛiyo nda dɔawnun balo ni, mɔima delɔɔcoo-an nda kol ni.

Esai 9:16

Lelan, Maalii hininin kɔl a felengia piaandua ndaa le, o nɔnin iɲíí a víyaa ndaa a vanlaandua piaandaa ndaa vi-a le, kani nda kpow vanaa sendu le-a, a vanaa kɔlvesɛiya nda co ni. Nda kpow a co sɔɔn vɔɔnndon solinndo o lasondo. Kɛ a kon kpede, kɔltuw Mɛlɛka-o ɲulul-lɔ le, ba ndɔɔ co vɔ o heelaa tuŋ.