Yeremi 9:25 - BII BILA

²⁵ Esiptea, Yudaa, Edɔmnda, Amɔnnda, Moabua a vanpiaandua sendin kangbalan-nda kpow, á co icali o lɛŋnde veselɛilen nin-nda pɛɛn. Kani vanaa kan kpow a dii tooma le, Israɛlla bɛɛ kɔ̀ndéa nda co o kɔlta ndalan nin ni.»

Yeremi 9:25 Referans Kwoze

Amɔs 3:2

‹O yungula co o lɛŋnden coo lan kpow tɛɛn, niaa pilɛ kpé ya hɛli ni. Lelan, i co niaa hunɔɔ kɔɔsɔɔ ɲuna le dɛnnda niaala vɔɔnndan kpow.

Esekiɛl 28:10

Nɔm, a vunin maa vanaa dii tooma le-a, mialla co nɔm diyɔɔ ni. Kani ya soo lende ni. Ya Maalii, ya co Mɛlɛka-o soo nuaa ni.»

Rɔmnda 2:28

O co dɛnnda vana ca a lehɔltan te la tosa mì vana va Yuifinɔ le, o co vɛlɛ toomaa o diallon nin te cɔm ken te.

Rɔmnda 2:29

Kɛ Yuifinɔ kpeekpeiyo, ndu co vana co dɛnndan tosaa a kɔl ndɔɔ-o ni. Tooma kɔllo co tooma kpeekpeiyo ni, o fula Kɔl Hala-o o ba-o, o co ɲɛ co o sɛvaa-o le. O co n'vanndaciee o ba le candɔɔla vana kon la fula le, kɛ Hala o ba.

Tɔŋ lasálàá 26:41

A biinin bila maa ya bɛɛ mí simul nda, mí yaa nda o lɛŋii yaamɔaa nda nin. O kon, a sinanin maa a yɔŋnun vanaa lo lediom coo le. Le hee a tuisinnin, mà cɛl sanga tol nda coo le hakila ndalan-ndo.

1Samiɛl 14:6

Mí Yonatan dimul langbanɔ va ndu kon ɲɛm cɔwvon cuello-o aa: «Hun mì n sɔɔnguu vanaa dii haa tooma le-a macɛlu kpɛɛlun, bɔɔle mì Mɛlɛka mala naa mì n nɔla nda. Kani n va sɛ́lɛ́, n va sɛ́lɛ́ le, Mɛlɛka dimi pɛ le naa baŋaa, o baŋa naa.»

1Samiɛl 17:26

Mí David ɲuna vanaa cɔvaa va ndu ikɛi-ya aa: «Vɔngɔ yɛɛ nɛ nda dɔaw yɛnin vana diinin Filistinɔɔ ho, mò soli Israɛlla mɔnɛi-yo? Yɛɛ nɛ Filistinɔ dii ho tooma loo co yɛ, mó hun sim vanaa cɔvaa Hala yoomaa yeowlan?»

Yeremi 4:4

La dii toomaa le ya Mɛlɛka, la dii kɔlta niaalan tooma, niaa vannda Yuda a vanaa co Yerusalɛm-nda, yɔŋii kɔl ni tuwvo bii maa leyin, mì le saa, vana-vana nɔlanin nden ɲumi le, le dɛnnda vɔɔnnda niaa co tosaa lan.›

Esekiɛl 31:18

O yɔmnde Edɛn tɛɛn faw, a nɛ̀ɛ́-nɛ̀ n velan yɛ o biiloo a o bɔɔbɔɔyɛi nin? Nɔm yɛ, a co nɔm tuisi o puuloo bɛngu di-di niaa yɔmii ken Edɛn latulu. A yambunin nɔm vanaa dii tooma le-a tɛɛn niaa vanaa vi o mɔɛi cɔwve bɛngu-a! Lende dɛnɛ masaa Esipte a dɛnɛ vanaa ndɔa sɛ́lɛ́a vanin ni. Ya Maalii, ya co Mɛlɛka-o soo nuaa ni.»

Tɔŋ lasálàá 19:27

La kɛ́làn bollen te, la séndìn kangbalan te.

Yeremi 25:23

Vanaa co Dedan-nda, haa Tema, haa Bus, a vanaa-vanaa sendin kangbalan,

Yeremi 49:32

Yaamɔa biwnin ɲɔɔmɛɛa ndaa a cɔlua ndaa bana-banaa. Bolofaa cɔw nda cuanin-ndo vanin kon ni. I pialnin nda mà sɛŋin ba-ba fee, vanaa nɔ haa kangbala sendiaalan-nda pɛɛn. I tuisinin nda dɛnɛ palaa coo fulaa ba-ba fee.» Sɔɛi fula Mɛlɛka o sondo-e co ken ni.

Esekiɛl 44:7

Hali telen niaa co ya ɲɛdiaa nuu, visin macuɛiyon a kooma cɔlua sálàá niaa yɔngoo-o, la co vanaa súúla celennda, a kɔlta ndalan la mangalan haa le-a, a dii haa tooma le-a lueiyo o cɛi-kola-toandaa diandaa nuu nin. La nɔɔliaa cɛi biilaa nuu dɛ! La cii kpema co ya a niaa tɛɛn-ndo tɛɛmbuu a dɛnnda niaala nɔɔlɛilan kpede.