Yeremi 9:23 - BII BILA

²³ Kɛ vana yeema pɛ le lisanndo, ndu lisan le kɔlkalu o sɔla mó sina ya-o, le sinaa maa ya co Mɛlɛka ni. O co kɛndɛi, dɛnɛ sandaa a sakpoyɛi tosaa o lɛŋnden coo-o, vanaa vaa lende hɛnan ya ni.» Sɔɛi fula Mɛlɛka o sondo-e co ken ni.

Yeremi 9:23 Referans Kwoze

Esai 5:21

Dɛnɛ palaa co vɛlɛ le vanaa cennun nda pila vanaa kɔlkalua a vanaa sinaa dɛnɛ-a!

Vana Kɔlkaloo 9:11

Mí dɔaw vɛlɛ dɛnndan lapum taasi o paalen bɛngu. O kiltan nin bɛɛ, vanaa hiow keleɲaa-a hiw laci lelan te. O cɔwvo nin bɛɛ, o co kuubaa le a yam cɔwvo kangalan te. Vanaa hiow kɔlkaloo-a sɔla baloo le kɔlkalu ndaa le, vanaa dɛnɛ sinaa sɔla bolofaa le dɛnɛ sinaa ndaa le, vanaa kɔlkalu bɛndu-a sɔla bɛɛlen le kɔlkalu nda bɛndoo le. Nda kpow, dɛnnda kɛndɛlan a dɛnnda vɔɔnndan la komal nda ni.

Rɔmnda 1:22

Nda pila va sangalanndo maa a kendu lakɔl, kɛ a siŋnun diɔmnda.

Esekiɛl 7:19

A viiviinin volin ndan o nɛilan coo, mà ce sianin ndan maa ɲɛ tumulɛi. Volin ndan a sianin ndan nɔlanin nda baŋa o paale kɔltuwle Mɛlɛka len coo le. A nɔlanin dembela ndalan pimi a mun te, a nɔlanin yeemɛi ndɛi solin a mun te. Kani ken yɔŋnun pow boŋaa ndaa ni, ken tosa ni má luɛi o pɔwlan nin.

Talelan 11:4

Bolofaa nɛŋi ɲɛ-ɲɛ o paale kɔltuwle Hala len coo le, kela sandaa baŋa vana o piɔ́mndo hɔl-ndɔ ni.

Condii lisai 62:10

Ɲaa yoomaa daama vanndacieea co ni, sɔɔn lacòòvan kínɛí n co nda o lasondo ni. Te vana heelu nda pɛ o kiloo coo, nda kpow, lusul ndaa tiiya maa lusul ihoeiyo le.

Tɔŋ miingua 8:17

Lelan, la caa, yɔŋii niaa hun dimi aa: ‹A yoomuma naan a á kpaayaa naa naa n sɔla bolofaa ho kpow ni›.

1Timote 6:10

Kani kaola n'volio co dumbule dɛnnda vɔɔnnda súú-súù ka ni. Nduyɛ, mɛɛ yeemɛi ken i bii vanaa pum háá, má mal laalan ndaa, mí sangala bɛndulan la luɛi o kɔlta ndalan nin.

Marke 10:24

Mí kɔndɔfillo bii kaandennda a sɔɔn mun. Kɛ mí Yeesu miinguu ndi dimi aa: «Cuavaa nia, o kendu le luɛyɔɔ o masale Hala len nin dɛ!

Sofoni 1:18

Volin ndan a sianin ndan nɔlanin nda ciindiaa o paale kɔltuwle Mɛlɛka len coo le few. Mɛlɛka loamnin lɛŋnden kpow a yinnde ndɔle paŋalaalen. Ì vanin sɔɛi kpundɛ bɛndu dɛ! Mɛlɛka co vanndacieea co o lɛŋnden coo-a kpow tɛɛmbuu.»

Esekiɛl 29:9

Lɛŋnde Esipte len le siŋnunnin lɛŋnde piɔlɛilen a bémbélan kposon. O kon vannda sinanin maa ya co Mɛlɛka ni, kani Faraɔnnɔɔ dimi aa ndu nɔ pee bɛndoo Nil ni, aa ndu toosiaa ndu ni.

Esai 10:8

Kani o dimi aa: ‹Vɛ̀ɛ̀ cuavaa lemasaa niaa o co maa masaa le nda co le?

Vana Kɔlkaloo 2:19

I sina vana súú ndu vanin te, ko vana kɔlkalu ni, ko diɔm sondo vesɛi ni, i sina le. Nduyɛ, ndu koma nɔnin hɔlten o baala nuu coo ni, o ya tosa a kpaaya nuu, mí tosa ndu a kɔlkalu nuu kpow o paalen bɛngu-o pɛɛn. Kon vɛlɛ bɛɛ, sanga fondoo fúú.

1Samiɛl 17:42

Koliat mɛɛndanndo David, mó tɛɛndan ndu, kani felengi pɔmbɔ-pɔmbɔ o va vɔ ni, yáwvo va ndu o ningilaa ningili, hɔlla va vɔ ndu a kɛndɛ válán.

Daniɛl 3:15

Nihau, la bɛɛndian! Te la tuei pɛ buloo, sɛ̀ŋnden, bangaa, koelelen, bondomaa, boosei a ɲɛm-caan súú-súù ka diom, la tundun, la sooluu piɔm ya cɔw-vo. Te la sooluu ndu le, a co niaa viovɔɔ o tóndó bɛndu leyinndo nin sisa. Nduyɛ, hala kuɛɛ baŋa yɛnin niaa ya o ba nɛ?»

1Korɛntea 1:31

maa mɛɛ o co o sɛvaa yɛ aa: «Vana-vana yeema pɛ le lisanndo, ndu lisan o Maalii nin.»

Filipea 3:8

Dɛnndan kpow la co macoaa ya o hɔl maa delɔɔ, le naŋɔɔ bɛndu ya ce o Maalii nuu Yeesu Krista sinaa nin-ndo. Le ndu, mí cɛl, mí ɲɛ-ɲɛ hialun ya, mí ca ɲɛm mun kpow maa bil nda viow o sállo coo-o, haliko tuŋ i sɔla Krista,

Filipea 3:10

I ya co kiltan kɔɔli-e co le ndu sinaa ni, mì sina kpaaya tindi ndu fulaa vanvílɛ́iya tɛɛn-ndo. O ya yeema-o co sangaa latulu a ndu, mì vel ndu o piɔ́m ndɔɔ nin ni,

SƐBƐ YƆB-O 32:13

Kɛ nduyɛ, la dimi le aa langbanɔɔ ho sina bɔɔ dɛnɛ, Hala pila kínɛí nɔla ndu hiovɔɔ ni, kɛ o co vanaciee le!

Talelan 3:5

Sɔɔnun Mɛlɛka o ba a kɔl nɔmndo kpow, tííndàn dɛnɛ sinaa nɔmndo le.

Talelan 21:30

Kɔlkalu co le, dɛnɛ sinaa co le, taasi co le, o sim Mɛlɛka o hɔllo.

Esai 20:5

O kon, siòòŋii bɛnduei a siɛmbulan la biinin vannda le lɛŋnde Etiopii le ndáà tiindan-nden a le lɛŋnde Esipte le nda va kuundianndo len.»

Esai 47:10

Kɔlvesɛi niaa niáà laalan ni, la va dimio aa: «Vana-vana co naa cɔ le!» Kɔlkalu niaa a dɛnɛ sinaa niaa hiŋ niaa hɔlla. La va dimio o kɔlta niaalan nin aa: «Naa koni mɛnnde sɔɔ toal o hɔl ni, vana celen co ɲɛ le fɔ naa!»

Yeremi 48:7

Nɔm Moab, a va baalaa n tosa-o tiindanndo mà va bolofaa nɔmndo tiindanndo. Kɛ nɔm bɛɛ, a biinunnin! Kɛmɔs hala nɔmndo kɔanin o biyɔɔ nin, a kɔanin a vanaa nɔmaa solia lasálàá a simlacia nɔmnda kpede latulu.

Yeremi 49:4

Niaa vanaa nila kalua Raba, le yɛɛ niaa co yɛ lisanndo a bólta niaalan, bólta niaala tɔlɔɔlan la naŋ nin taw lan? La va bolofaa niaa tiindanndo, mí la va dimio aa: ‹Nɛ̀ɛ́ tɔɔndan yɛnin mò hun del-la coo?›

SƐBƐ YƆB-O 41:15

Kpɔlikpɔlin co o yáw ndɔɔ coo-on co n'kàlà poŋ, vana kindila bɛɛ mun, n biŋin te.

Condii lisai 33:5

Dɛnɛ sandaa a sakpoyɛi o yeema ni. Vanakɛndɛyɛi ndɔɛi pɛ o lɛŋnden coo cá.

Condii lisai 34:3

Màá kɔl nuu kuundian o Mɛlɛka nin! Màá vanaa bala fondoa tuei mà dɔwnun ɲaale!

Condii lisai 44:9

N vanin nɔm Mɛlɛka sangalaa lɔ́ɔ́-lɔ́ɔ̀, n vanin diola nɔmndan lisaa le fɛɛn a fɛɛn.

Yeremi 31:34

Vana-vana pɛɛku lɛnin caanda le. Vana dimul-lɛnin puapilɛ ndɔɔ aa: ‹La sina Mɛlɛka› le. Kani nda kpede a sinanin ya, kandɔɔ a cuaambɔɔ kɔ tiiya a kaasonɔɔ dí. Sɔɛi fula Mɛlɛka o sondo-e co ken ni. Kani i malnin nda haki le sɔvun ndan, i loonun ndɛnin a hakila ndalan te.

Yeremi 48:14

«Niaa Moabua, le yɛɛ niaa co yɛ dimio aa: ‹Vanaa cɔvaa mayoomua kpeekpeyaa caa cɔwvo-a naa n co ni?›

Misee 6:8

Niaa vanndacieea sei! Kámáá a cɔm niaa dɛnɛ sandaa! À cɔm niaa ɲɛ Mɛlɛka yeema mì vanndacieea tosa-o. Ɲɛ kon co ni mì la kela kela sandaa, mì la kaola lou o diomnden coo, mì la kela ɲɛkɛndɛi o nɛila Hala niaa cɔm niaa lan coo.»