Yeremi 9:21 - BII BILA

²¹ Dimul nda maa sɔɛi fula Mɛlɛka o sondo-e co hee ni aa: «Vanvílɛ́iya delinin mɛɛ kɔmbɔɔsio co o tiuvaa lɛŋ yondoo nin nuaa yɛ, mɛɛ yasalan la deli vanaa koavaa kɔɔli yɛ, la vana-vana co cɔwviaa le lan.»

Yeremi 9:21 Referans Kwoze

Yeremi 6:11

I co o piaa cá a kɔltuw Mɛlɛka-o, i nɔla ndu mandanndo o kɔl te. «Cuiŋi ndu cuaambɔa co o nɛilan coo-a coo, a kundala cuaa felengia coo. Kani a kɔanin a nda kpow o biyɔɔ nin: caa piaandua a vanlaandua, vanaa yuuvɛiya a vanaa yuuva nin taw-va.

Yeremi 15:7

O kobila co o lɛŋnden nin-ndan kpow, mí hul nda a fɛlɛ ni hɛyaa, mí hoeiye sɛŋi vanaa nia nɛɛ-nɛɛ ka, mí luei vanaa nia mulé le tuŋɔɔ ya tuŋ nda cuawva-o, kɛ a mangala kela ndaa le.

2Dɛnnda lemasalan 36:17

O kon, mí Mɛlɛka viam masa va Babilɔn-ndo, mó kuel nda a cɔwvo. Mó diw langbaa felengia ndaa o Cɛi-Diandaa ndaa nin, vana-vana helun te, kandɔɔ a langbaa felengia, vanlaandua felengia, kɔlan biyɔɔ a vanaa yuuvɛiya, mí Mɛlɛka mal nda ndu o ba kpow.

Esai 40:30

Poambɔa kpasua sanga ma vi diallon, hali vanaa hiow dɛnndan caa-a a nɔla mà del lɔ́ɔ́ lepum,

Yeremi 6:21

Lelan Mɛlɛka dimi ni aa: «I handunin powta boŋaalan vannda ha laci, lon fuɲaa nda poaa ndaa boŋinin ni, mì vanaa cal nɛɛ pilɛ-a a canyan n va boŋio lon latulu mà cuu.»

Yeremi 18:21

Lelan tuisi poaa ndaa yima fofolan coo, mà cii nda pila o mɔɛi cɔwve bɛngu. Màá hɔ́aa ndaa laandua hiɔlun nda, mì piaandaa ndaa cuu vu! Màá nàà n'kɔnyaa cii piandaa ndaa, mì poaa ndaa piaandua cuu o cɔwvo!

Yeremi 44:7

Lelan diom Mɛlɛka-Nɔ-Kpaayaa-Kpow-vo, Hala Israɛlla dimi-o co hoo ni aa: «Le yɛɛ niaa pila co yɛ dɛnɛ vɔɔn bɛndu vaa nuaa tosalanndo? La yeema mi vanpiaandua, vanlaandua, felengia a cɛlɛkpɛa o tàndá Yuda-o nin kpow cuu vu o lepilɔɔ? Vɛ̀ɛ̀ la yeema mi vana pilɛ bɛɛ lo yoomu o niaa tɛɛn te?

Yeremi 50:30

Lelan langbaa felengia ndɔa delinin o bɛ́ɛ̀lan, mì vanaa ndɔa cɔwva cuu paale len.» Sɔɛi fula Mɛlɛka o sondo-e co ken ni.

Yɔɛl 2:9

A keleŋa tiw o kobio nin cɔ́-cɔ́, a co kiltan o kpakio coo, a co helɔɔ o cɛilan coo, a co luɛyɔɔ o diola pɔmbɔlan maa n'vui.

Amɔs 6:9

Te n'van tɔ́ ndáà lo paandu yoomu o cɛiyo pum nin ni, o laan nin, nda kpow a cuunin vu.

Yeremi 7:33

Dialun vílɛ́in vannda ha vanin ɲɛdiaa yowva coocoo a visia yondoa ni, vana-vana venin ndon le nda kpeeŋiaa le.

Yeremi 8:2

Mà tɛ̀i lan o paalen, o paangei, mì loeon bɛɛ n lɔɔ lan. Kani ɲɛm mun ndáà yeema ni, má del mun kɔɔli, má yiinun a mun, má baŋ mun vulan o labɛngunin. Lelan, vana kondunin paala kalalan te, vana minginin ndan kumbɔɔ le, lon la co lo ni háá mì la siŋnun kɔmbɔɔsio o foofo kon coo.

Amɔs 5:2

Israɛlla del, à cen ndɛnin te few! A co ihini lɛŋ lɛngbɛn, vana-vana co nda cua isisi le.

Sofoni 1:17

I tuisinin dɛnɛ palaa vanndacieea coo mà va kɔlan a nɛiyo nuwviaa maa vanaa sumɛi. Kani a cua hakio a ya Mɛlɛka. Kooma ndan ma sɛŋinnin maa cundu, mì nda pila tiw a vílɛ́iya maa bil.