Yeremi 9:19 - BII BILA

¹⁹ Lelan niaa vanlaandua, la yaŋ nilan o diom Mɛlɛka-o, mì nila niaalan la tuei sɔɔn co ndu fulaa o sondo-on. La pɛɛku cuavaa niaa laandua caŋ biisio, la pɛɛkuan caŋ kalaa vellaa-velle aa:

Yeremi 9:19 Referans Kwoze

Yeremi 4:13

«Má cè vanaa tɛɛmbua kalaa hunɔɔ maa yumbuyumbu piɔɔ helaa bɛndu! Ɲɛla ɲaanannda cɔwla ndalan la keleŋa maa hoeyii fùkù-fùkù. Soa ndɔa hiow keleŋaa a kovɛa. Naa n kɔndu dɛnɛ fɔ́!»

Tɔŋ miingua 28:29

La vanin kɔlan a nɛiyo nuwviaa a paale kalalen mɛ̀ɛ́-mɛ̀ɛ́ vanaa sumɛiya kɔa a nɛiyo nuwviaa o ɲumndan nin nuaa yɛ. Ɲɛ-ɲɛ niaa vanin tosaa, o biinunnin bila niaa o ba le. Lepalaa-lepala, à vanin niaa delɔɔ coo a niaa ɲɔɔn poondiaa o laba, vana-vana venin le niaa baŋaa le.

Misee 2:10

La cɔn mì la kɔɛ! Kani lɛŋnden nden le co fonda pɛngia le, le cuu nɔɔliaa a hakila niaalan. Le hee, la sanganin taw-taw.›

Misee 2:4

Paale len le hun tiiya pɛ, vannda diminin taloo a niaa o sondo, mà soli condii imɔnɛi aa: ‹Mbɔ̀ naa n cuu itambu! Yondola naalan a ɲɛm nan cuu naa hiɔlɔn. Yaamɔaa naa cii mun piɔvan. Le yɛɛ nda co yɛ naa mun hiɔlɔɔ o ba?›

Cɛɛŋɔnnda Yeremi lan 5:2

Kɛ́ naa kɔɛnnun vanaa celennda o ba, cɛila naalan la cuu lakɔ mialla o ba.

Cɛɛŋɔnnda Yeremi lan 4:15

Mí vannda deŋul nda aa: ‹La faŋan naa ikɛi! La nɔɔla bɔɔ. La faŋan naa ikɛi! La pilan naa le dɛ!› Telen nda co kon ɲaanɔn, mà va kɔlan ba-ba fee-o, vanaa-mangalaa-isɔɔa diminin aa: ‹Haa cel-lɛnin o naa lo le lɔ́ɔ́ levil te.›

Yeremi 4:20

Sɔɔn dɛnɛ palan tuŋ nda co hiyanndo dimio ni, kani lɛŋnden kpow le cuu itambu, cɛila-kolala-toandaala nilan la tambu o lepilɔɔ, mí kuula nilan la tambu o biɔŋɔɔ lepilɔɔ.

Yeremi 2:14

Vɛ̀ɛ̀ cɛ nda pendu-o Israɛl co ni baa cɛ velun vana ndɔ bɛndoo o bɛngu coo-o? Kɛ le yɛɛ o del-lɛ niko lɛŋii celen o ba?

Tɔŋ lasálàá 20:22

La bíí tɔŋnda nilan a silala nilan kpow mì la kela lecoo. Te la kela lecoo le, mɛɛ la kɔ lonin icali o lɛŋnde Kanaan-nden nin te.

Tɔŋ lasálàá 18:28

Mɛɛ lelan, niaa, la nɔɔliaa lɛ len nɔɔliaa celen te, yɔŋii niaa bɛɛ sɛŋin mɛɛ vanaa va icali niaa laci lon-nda sɛŋin yɛ.

Tɔŋ lasálàá 18:25

Le kelala ndalan, mí lɛŋnde ndalen le siŋnun lɛŋnde nɔɔlɛilen, mí soaŋ lɛŋnde kalalen háá mí vanaa va lenin-nda sɛŋin.

Yeremi 7:15

I toawnin niaa polon, mì la faŋan ya o hɔl mɛɛ ya tow puapilɛa niaa yɛ, polale Efraim-nden pɛɛn.»

Yeremi 7:19

Sɔɛi fula Mɛlɛka o sondo-e co hee ni aa: «Mò va maa ya nda co pala ni? O co siɛmbula nda pila lan te nda co dovi kon te?»

Yeremi 7:29

Mɛlɛka dimi aa: «Kiolun yiinde, mà viow, hel o pembon coo mà cɛɛŋun! Niaa vannda paalen nden hau, niaa tuulu ya kɔllo ni, i yeema lɛ niaa le, i kɛɛ niaa.

Yeremi 15:1

Mí Mɛlɛka dimul-la aa: «Hali Moise nda Samiɛl a tɛɛlun bɛɛ ya le nda, i cɛlnin mì tuinun vannda iɲíí le. Tow nda mà faŋa nda ya o hɔl, a kɔ!

Esai 32:9

Niaa vanlaandua buulan te-a sei, la cɔn mì la yaŋ nilan o diom nuu! Niaa cuaambɔa laandua saalan isɔɔ le-a, la yaŋ-ndɔ nilan mì la tuei sɔɛi nii!

Esekiɛl 27:2

«Po vanacieo sei, soli condii biisiei kobio Tir coo!