Yeremi 9:17 - BII BILA

¹⁷ A keleŋa hunɔɔ mà hun kisu naa lan coo, mì mɛmɛan ma tol naa pulua-pulua, mì ma tol naa maa mamɛn o lahɔl.»

Yeremi 9:17 Referans Kwoze

Vana Kɔlkaloo 12:5

Siòònde biinin vannda le helɔɔ o fondala yesalan coo, mà buulan le balɔɔ o nɛilan coo. Yiinde muungunin nda o lebol ihumbu mɛɛ yɔmndo yandu peengela humbulan nuaa yɛ. Diallon lusulnin vannda mɛɛ sóónɔɔ lusulun mò del nuaa yɛ. Mɛɛ kullon deli o yɔmndo nuaa yɛ, lende ceendo hiawnin ni. Paale len, vana-vana kɔanin ciee-piɔ́m, calta ndɔla mɛɛlaalan la co lan ni. Vanaa caŋaa vanin pɔɔ hiiliaa o nɛilan coo.

2Dɛnnda lemasalan 35:25

Mí Yeremi soli condii biisiei le Yosia. Háá hau, vanaa solia n'condua, vanpiaandua a vanlaandua kpow a co vɔ condii ken solio o biisilan coo le loonɔnndo a Yosia o kɔɔ. Mí sɔɛi ken siŋnun namoo o lɛŋnde Israɛl-ten nin. Condun mun n co n'sɛvaa o sɛbɛla condun labiision nin.

Marke 5:38

Má tiiya o simlacinɔ Cɛi-Hala-o lo bɛɛ, mí Yeesu komal vɔkɔ-vɔkɔɔ, vannda va vaandianndo a caŋndan.

SƐBƐ YƆB-O 3:8

Màá vanaa dɔaw palɛi danga-a ndáà dɔw ɲumma man danga, mì mandea tindi N'Yalɛ́iyo-a ndáà mɛna man!

Matie 9:23

Yeesu tiiyaa o langbanɔ simlacinɔɔ lo bɛɛ, mó ca vanaa hɔŋaa masɛ̀ŋnda a sɛ́lɛ́ va vɔngaa-o. Mó dimul nda aa:

Yeremi 7:29

Mɛlɛka dimi aa: «Kiolun yiinde, mà viow, hel o pembon coo mà cɛɛŋun! Niaa vannda paalen nden hau, niaa tuulu ya kɔllo ni, i yeema lɛ niaa le, i kɛɛ niaa.

Cɛɛŋɔnnda Yeremi lan 2:5

Mí Maalii siŋnun maa yaamɔɔ naa. Mó tɛɛmbuu Israɛlla a cɛila lemasala ndalan kpow, mó tɛɛmbuu kpakila ndalan. Mó kui ŋɔɔcanndan a cɛɛŋɔnndan o Yuda lo cɛinin.

Esekiɛl 27:2

«Po vanacieo sei, soli condii biisiei kobio Tir coo!

Esekiɛl 32:16

Condii biisii bɛnda le solinndo-e co hee ni, cuavaa laandua vanaa-mangalaa-isɔɔa solinin ndi ni. A solinin ndi o lɛŋnde Esipte len a o sɛ́lɛ́ bɛndu co Esipte-o coo. Ya Maalii, ya co Mɛlɛka-o soo nuaa ni.»

Amɔs 5:1

«Òó niaa cuavaa Israɛlla, la yaŋ nilan o sɔɛi he, sɔɛi ya co hee dimio niaa coo-e. Condii dɛnɛ palɛi sɔɛi ken i co ni!

Misee 2:4

Paale len le hun tiiya pɛ, vannda diminin taloo a niaa o sondo, mà soli condii imɔnɛi aa: ‹Mbɔ̀ naa n cuu itambu! Yondola naalan a ɲɛm nan cuu naa hiɔlɔn. Yaamɔaa naa cii mun piɔvan. Le yɛɛ nda co yɛ naa mun hiɔlɔɔ o ba?›