Yeremi 9:16 - BII BILA

¹⁶ O Mɛlɛka-Nɔ-Kpaayaa-Kpow-vo dimi-o co hoo ni aa: «La keela kɔllo mì la veelu vanlaandua caa caŋndo-a, mì la dimul nda mà hin. La yɔɔ kiilaa vanaa hiow caŋndo caa-a kɔɔli, mà hin.

Yeremi 9:16 Referans Kwoze

Esekiɛl 5:12

O niaa tɛɛn, vanndacieea kundaa o pilɛ o kundalan tan yáá coo a vunin a nàà n'kɔnyaa. A ɲawnin mà vesa kokolo a yima fofolan. O niaa tɛɛn, kunda diinndɔɔ o layàálan coo vunin o mɔɛi cɔwve bɛngu o kobio balɔɔ pindo. I saŋnin kunda yàándɔɔ o hoeyun vanin hɔŋndo nɛɛ-nɛɛ ka-on nin, o kon mì tisa nda kɔɔli a mɔɛi cɔwve.

Esekiɛl 5:2

Te palɛi n bɛnda le tosaa o kobio tilaa nin-nde cuu pɛ, a cua yiiŋii ken kundaa o pilɛ o kundalan layàá coo, a lom ndi o yinnde biyaalen nin o kobio tɛɛn. O kon kɔɔli, a cua yiiŋii kunda diinndɔɛi o layàá coo, a balu kobio pindo a ndi kilio a mɔɛi cɔwve. A cii pɛ, a cua niko kunda mɛɛlaa iyiin kon, a saŋ ndu o hoeiye nin. Ya yɛ, i tisanin ndi kɔɔli a mɔɛi cɔwve.

Tɔŋ miingua 28:64

Mɛlɛka saŋnin niaa o vanaa-mangalaa-isɔaa celen tɛɛn, kandɔɔ nɛɛ lɛŋnden le mɛɛlu-a kɔ bii háá nɛɛ le mɛɛlu kpengei pilɛi-ya. Lon niaa sooluunin halaa celen ni, a fuɲaa niaa mamaa a niaa pila sina le-a: halaa lapowva a halaa iyɔmnda.

Tɔŋ lasálàá 26:33

I saŋnin niaa vanaa-mangalaa-isɔɔa tɛɛn, lɛŋnde niaalen le lonin fondo, mì kobila niaalan la siŋnun pɔmndan.

Yeremi 44:27

I co nda tolɔɔ kɔɔli, o venin le nda dɛnɛ kɛndɛ tosal te, kɛ le o vɔɔndo caŋɛi. Yudaa co Esipte-a kpow a cuunin o mɔɛi cɔwve bɛngu, te kon te a yima fofolan. Hali vanndo ndu pilɛ o lonin yoomu le.

Yeremi 13:24

I co niaa sɛŋi maa pui, o hoeyii fula o lɛŋnde veselɛilen nin-nde sɛŋi-o.

Nsaki 1:1

Ya Nsaki, vana baala Hala-o a vana baala Maalii Yeesu Krista-o co sɛbɔɔ ho sɛvaa ni, le poloma tɔ́ a mamiɔmma co ma sɛŋianndan vanaa-mangalaa-isɔɔa tɛɛn-ndan, i yil niaa!

Sakari 7:14

Mí saŋ nda vanaa-mangalaa-isɔaa ndáà sina paandu le-a tɛɛn, mí lɛŋnden le koma tambuu nda kɔɔli. Vana ve lɛ cɔnɔn o lɛŋnde len nin le lakɔ inɛɛ le, vana ve lɛ vɛlɛ cɔnɔn inɛɛ le hunɔɔ o lɛŋnde len nin te. Lende nda tɛɛmbuu lɛŋnde kɛndɛle len ni, má siinguu len lɛŋnde imɔnɔle siɔŋɛilen.›»

Esekiɛl 20:23

Nduyɛ ɲin pum vɛlɛ, mí yáà heelu vɛlɛ baa coocoo, mí yáà mɛnalan nda le nda saŋɔɔ vanaa-mangalaa-isɔɔa tɛɛn a le nda sɛŋio o lɛŋii bɔɔ-bɔɔ nin.

Esekiɛl 14:17

Te kon te, te i tuisi pɛ cɔwvo o lɛŋnde len nin, mì dimi aa: «Màá mɔɛi cɔwve balu o lɛŋnden nden nin! Te i ɲumi pɛ vanndacieea a cɔlua lenin,

Esekiɛl 12:15

Tuma ya sɛŋinin nda vanaa-mangalaa-isɔɔa tɛɛn-ndo, telen ya saŋnin nda o lɛŋii bɔɔ-bɔɔ nin-ndo, a sinanin o kon maa ya co Mɛlɛka ni.

Esekiɛl 11:17

Le hee, dimul nda aa nuaa Maalii Hala dimi ni aa: ‹I faŋanin niaa nɛɛ nia co vanaa súúla celen nda tɛɛn-nda, mì cuungiaa niaa. I solinin niaa o lɛŋii niaa co a saŋnannda nin-nde nin, mì mɔɔsiaa niaa, mì yɔngu niaa lɛŋnde Israɛl-ten.

Yeremi 29:17

O Mɛlɛka-Nɔ-Kpaayaa-Kpow-vo dimi-o co hoo ni aa: ‹I co nda kuel a cɔwvo a á yima fofolan, mì kuel nda vɛlɛ a nàà n'kɔnyaa. Mì mingi nda maa voosun siovɛi, n vana nɔla dioo loon, le tambii bɛndui n tambu-e.

Yeremi 25:27

Mí Mɛlɛka dimul-la le nda dimullo aa: «Mɛlɛka-Nɔ-Kpaayaa-Kpow-vo, Hala Israɛl-lo dimi aa: «La kol mì ma bii niaa, mì la kuisi man. La deli lɛŋ a man mì la bumba le cɔnɔnndo telen niaa canin vanvílɛ́iya cɛɛlɔnndo o mɔɛi cɔwve bɛngu-o.»

Yeremi 24:10

I tuisinin nda cɔwvo coo, yima fofolan a nàà n'kɔnyaa háá mà cuu o lɛŋnde ya yɔngu nda len nin, le ya yɔngu fuɲaa ndaa mamaa a nda pila len pɛɛn.»

Condii lisai 106:27

Mó toaw cuavaa ndaa imamaa, má sɛŋin nɛɛ-nɛɛ ka, má kɔ vu vanaa-mangalaa-isɔɔa tɛɛn.

Nehemi 1:8

Loonun a sɔɛi n dimul Moise vana nɔm baalaa-e, yandi. Má dimul ndu aa: ‹Te la cua pɛ hakio, i sɛŋinin niaa vanaa súúla celennda tɛɛn.

Tɔŋ miingua 32:26

Mí dimi aa i yeema mì saŋ nda fásàn. I yeema mì ɲumi diola ndalan vanndacieea tɛɛn.

Tɔŋ miingua 28:36

Mɛlɛka yaanin niaa a masa niaa pila suilinin mò va niaa coo-o latulu o vanaa-mangalaa-isɔaa niaa pila a fuɲaa niaa mamaa sina kabi le-a lo. Lon niaa kɔ sooluunin halaa celen ni, halaa iyɔmnda a halaa lapowva.

Tɔŋ miingua 28:25

Mɛlɛka malnin niaa yaamɔaa niaa o ba, mà nɔla niaa. Te la kei pɛ o nɛiyo ndu pilɛ coo le kɔlan nda cɔlɔbaa, la ɲaanunnin nda, mì la sɔɔndian o nɛilan tan ŋɔmmɛw. Dɛnɛ niaa kon lueinin masɛi co o lɛŋnden coo-e kpow siòònde.

Tɔŋ miingua 4:27

Mɛlɛka saŋnin niaa vanaa-mangalaa-isɔaa celen tɛɛn, mì la lo vuo háá mì la dɔɔnan vanaa kan tɛɛn, à Mɛlɛka yaanin niaa tɛɛn a paa-kala-a pɛɛn.

Yeremi 8:19

Caŋnda vanaa nia la co sɔɛi o lɛŋnde levil-ten nin aa: «Vɛ̀ɛ̀ Mɛlɛka co lɛ Siɔn te? Vɛ̀ɛ̀ masa ndɔɔ co lɛ icali lon te?» «Le yɛɛ nda tɛɛmbuu yɛ ya kɔllo a piɔmaa ndaa, má tɛɛmbuu ya kɔllo a diɔmun mialla?»

Vana Kɔlkaloo 12:5

Siòònde biinin vannda le helɔɔ o fondala yesalan coo, mà buulan le balɔɔ o nɛilan coo. Yiinde muungunin nda o lebol ihumbu mɛɛ yɔmndo yandu peengela humbulan nuaa yɛ. Diallon lusulnin vannda mɛɛ sóónɔɔ lusulun mò del nuaa yɛ. Mɛɛ kullon deli o yɔmndo nuaa yɛ, lende ceendo hiawnin ni. Paale len, vana-vana kɔanin ciee-piɔ́m, calta ndɔla mɛɛlaalan la co lan ni. Vanaa caŋaa vanin pɔɔ hiiliaa o nɛilan coo.

Yeremi 7:29

Mɛlɛka dimi aa: «Kiolun yiinde, mà viow, hel o pembon coo mà cɛɛŋun! Niaa vannda paalen nden hau, niaa tuulu ya kɔllo ni, i yeema lɛ niaa le, i kɛɛ niaa.

Esekiɛl 27:2

«Po vanacieo sei, soli condii biisiei kobio Tir coo!

Amɔs 5:16

Lelan, nuaa Mɛlɛka, Hala-Nɔ-Kpaayaa-Kpow-vo, ó co Maalii-o dimi ni aa: ‹Vannda somisominnin o fondalan kpede, o nɛila bɛndulan kpow coo, vannda vanin koŋullo aa: Kpòkóó mɔnɛi! Má cè dɛnɛ palaa dɛ! A veelunin vanaa vàá o dɛnɛ biisio, mà veelu vanaa caa caŋndo-a le kɔlan condun biision solio o caŋndo nin.

Misee 2:4

Paale len le hun tiiya pɛ, vannda diminin taloo a niaa o sondo, mà soli condii imɔnɛi aa: ‹Mbɔ̀ naa n cuu itambu! Yondola naalan a ɲɛm nan cuu naa hiɔlɔn. Yaamɔaa naa cii mun piɔvan. Le yɛɛ nda co yɛ naa mun hiɔlɔɔ o ba?›