Yeremi 9:15 - BII BILA

¹⁵ I co nda sɛŋi vanaa-mangalaa-isɔɔa nda sina le-a tɛɛn, vanaa nda a fuɲaa ndaa sina le-a pɛɛn, o kon mì tol nda kɔɔli a mɔɛi cɔwve háá mi cii nda kpede.»

Yeremi 9:15 Referans Kwoze

Yeremi 8:14

«Le yɛɛ naa n co yɛ lou icali? N cuungian nɛɛ pilɛ, mì n kɔɛnnun o kobila kpakilan nin, mì n kɔ vunnun ndon! Kani le vuo Mɛlɛka Hala naa kɛsi naa ni, o co naa mɛmma bɔ̀tàán koesi, le tùú naa n cua hakio a ndu Mɛlɛka-o.

Cɛɛŋɔnnda Yeremi lan 3:15

O pimi ya ɲɛ loloo, mó koesi ya mɔnɛi, mí bii ya maa mamɔi.

Condii lisai 80:5

Mɛlɛka, Hala-Nɔ-Kpaayaa-Kpow-vo, a piɛile vanaa nɔmnda co nɔm len-nden kpow, háá lɔ́ɔ́ kuɛɛ n lo yɛnin a kɔltuwvo ho?

Yeremi 23:15

Lelan o Mɛlɛka-Nɔ-Kpaayaa-Kpow-vo dimi a vanaa-tɛɛngaa-diom Hala-a kan-ndo co hoo ni aa: «I co nda mɔnɛi miɔɔ ma de ndi, mì koesi nda bɔ̀tàá. Kani nda vanaa-tɛɛngaa-diom Hala-a Yerusalɛm tosa ni, mí dɛnɛ vɔɔndo tiw o lɛŋnden nin kpede.»

Dɛnnda cɔɔmuanndan 8:11

Diola loei ken aa: Ɲɛ loloo, mí mɛnndan piɔwvo kundalan tan yáá, kundaa pilɛ lol kélélé, mí vannda taw a vu le lol mɛmma man ma lol kon-ndo.

Cɛɛŋɔnnda Yeremi lan 3:19

I yiyan pɛ siɛmbula bii ya lan a kelan fondo ya kei-yo, ɲɔɔ lol-la o kɔl maa ɲɛ lolo.

Yeremi 25:15

Kani muaa Mɛlɛka soo o ya lo ni, Hala Israɛlla pɛɛn aa: «Bii taala kólaa co ya hoo o ba o piaa cá a mɔima kɔltuwma nian-ndo, mà koesi vanaa-mangalaa-isɔɔa ya viamnin nɔm o nda lo-a kpow man.

Esai 2:22

Yɛɛ nɛ vanacieo co yɛ kpeekpei!» Yoomu co ndu o milin-ndo bendu le. Lelan, la pɛngi vanacieo kɔnganndo.

Esai 2:17

Siɛmbulan la biinin vanaa heelannda mì vanaa kuundiannda tol tootoo mɔlɔmɔlɔ. Mɛlɛka ndu pilɛ kpé sɔlanin heeloo ɲinkon ni!

Condii lisai 75:8

Kɛ Hala co Vana kialaa n'yamaa ni, o tuisi pɛ vana pilɛ tootoo, o heelu o pilɔɔ.›»

Condii lisai 69:21

Yeowla lan la co ya kɔllo bulio, i del a nàá le le ken. I co cumndo le ɲiiye sɔlaa tuinɔnndo, kɛ i co vana sɔla le. I co lehɔl o nɛi le vanaa ɲɔɔlaa sɔlaa, kɛ i co vana saalɔn te.

Condii lisai 60:3

Éé Hala! A mal naa má puusiaa naa. O co bɛɛ a kɔl tuwvo a naa, kɛ mingi naa simi.

Tɔŋ miingua 29:18

O niaa tɛɛn, te vanndo pum tuei pɛ sɔɔn kpeman yiinun mun a mɛnanndo-on, mò kuundian o kɔl ndɔɔ nin, mò dimi aa: ‹Kɔlɲuloo vanin le ya, hali i vanin bɛɛ kelaa mɛɛ kɔl nuu yeema yɛ›, mò luei vana celen o suunda soolaa n'piɔmndo nin,

Tɔŋ miingua 28:36

Mɛlɛka yaanin niaa a masa niaa pila suilinin mò va niaa coo-o latulu o vanaa-mangalaa-isɔaa niaa pila a fuɲaa niaa mamaa sina kabi le-a lo. Lon niaa kɔ sooluunin halaa celen ni, halaa iyɔmnda a halaa lapowva.

Yeremi 24:10

I tuisinin nda cɔwvo coo, yima fofolan a nàà n'kɔnyaa háá mà cuu o lɛŋnde ya yɔngu nda len nin, le ya yɔngu fuɲaa ndaa mamaa a nda pila len pɛɛn.»

Yeremi 44:27

I co nda tolɔɔ kɔɔli, o venin le nda dɛnɛ kɛndɛ tosal te, kɛ le o vɔɔndo caŋɛi. Yudaa co Esipte-a kpow a cuunin o mɔɛi cɔwve bɛngu, te kon te a yima fofolan. Hali vanndo ndu pilɛ o lonin yoomu le.

Yeremi 49:37

I vueinunnin Elamnda mà ɲiiya yaamɔaa ndaa a vanaa yeema le nda diyɔɔ-a o hɔl. I tuisinin nda dɛnɛ palaa coo a kɔltuw bɛndoo. I lonin nda kɔɔli a mɔɛi cɔwve háá mì cii nda kpede.» Sɔɛi fula Mɛlɛka o sondo-e co ken ni.

Esekiɛl 5:2

Te palɛi n bɛnda le tosaa o kobio tilaa nin-nde cuu pɛ, a cua yiiŋii ken kundaa o pilɛ o kundalan layàá coo, a lom ndi o yinnde biyaalen nin o kobio tɛɛn. O kon kɔɔli, a cua yiiŋii kunda diinndɔɛi o layàá coo, a balu kobio pindo a ndi kilio a mɔɛi cɔwve. A cii pɛ, a cua niko kunda mɛɛlaa iyiin kon, a saŋ ndu o hoeiye nin. Ya yɛ, i tisanin ndi kɔɔli a mɔɛi cɔwve.

Esekiɛl 5:12

O niaa tɛɛn, vanndacieea kundaa o pilɛ o kundalan tan yáá coo a vunin a nàà n'kɔnyaa. A ɲawnin mà vesa kokolo a yima fofolan. O niaa tɛɛn, kunda diinndɔɔ o layàálan coo vunin o mɔɛi cɔwve bɛngu o kobio balɔɔ pindo. I saŋnin kunda yàándɔɔ o hoeyun vanin hɔŋndo nɛɛ-nɛɛ ka-on nin, o kon mì tisa nda kɔɔli a mɔɛi cɔwve.