Yeremi 9:12 - BII BILA

¹² Mí Mɛlɛka dimi aa: «Le tùú nda kɛɛ tɔŋ ni yáà yɔngu nda-o biyɔɔ-o, le tùú nda kɛɛ ya nilan yaŋɔɔ, má kɛɛ le diom nuu biyɔɔ-o.

Yeremi 9:12 Referans Kwoze

Osee 14:9

Éé niaa cuavaa-imamaa Efraim-nda! Kpeku yɛɛ nɛ ya nɔ yɛ vɛlɛ a piɔmnda? Ya, i mululnin niaa mì landu niaa hɔlla coo. Maa yɔm siprɛs puiyaa ya vanin le niaa ni, ya o ba kɔmnde niaalen le vanin fulaa ni.

Condii lisai 107:43

Vana-vana nɔ pɛ kɔlkaloo, o canin dɛnnda lan, mò sina kaola Mɛlɛka nɔ le ndu-o.

Condii lisai 107:34

mò mingi lɛŋnde tɔlɔɔlan la naŋ nin-nden lɛŋnde ihɛlten, te vanaa co o lɛŋnden coo-a kela pɛ kela vɔɔnndo pɛɛn.

Tɔŋ miingua 32:29

Bau te ndáà nɔ pɛ kɔlkaloo, ndáà biinin dɛnɔɔ ho bila, ndáà dɔawnin ɲɛ co nda cumndo-o taasi.

Dɛnnda cɔɔmuanndan 1:3

Dɛnɛ kɛndɔɔ co le vana co sɛbɔɔ ho dimio-o, a le vanaa co sɔɔn fula mun Hala o ba, mì n va n sɛvaa o sɛbɔɔ ho nin-ndon tueyɔɔ ma va mun biyɔɔ-a. Kani telenndo sɔɔnguu kpɛɛlun.

Matie 24:15

«Tuma niaa canin mì dɛnɛ nɔɔlɛi tɛɛmbua bɛndoo, ò Daniɛl vana-tɛɛngaa-diom Hala-o dimi sɔɛi ndɔɛi-yo, kɛsin o fonda diandaa-o, (vana co sɛbɔɔ ho dimio-o bɛnda mò bii bila),

Esekiɛl 14:23

A ɲululnin niaa kɔltan lɔ́ɔ́ niaa canin káà ndaa a dɛnnda ndalan-ndo. O kon, la biinin bila maa o co fondo fúú le ya tuisi Yerusalɛm sangala lan kpow coo le. Sɔɛi fula Maalii o sondo-e co ken ni, Mɛlɛka pɛɛn!»

Esai 42:23

O niaa tɛɛn, nɛ̀ɛ́-nɛ̀ yaŋ yɛnin nilan o sɔɔn mun? Nɛ̀ɛ́-nɛ̀ yeema yɛnin mò sim kpɛ́, mò yaŋ nilan le siɔdii lacio?

Yeremi 9:20

«Kani piɔ́mndo hel o diola naala pɔmbɔlan, mó luɛi o cɛila naala sɔvɛlan nin. O co cuaambɔa biwvo o nɛilan coo, a felengia co o bɛ́ɛ̀lan-nda.»

Yeremi 23:10

«Lɛŋnden le pɛ a vanaa co suundaa-a. Le co o mɔnɛi nin le dangala pɛ len coo lan. Billo vesan o vɔ̀lɛ́la co o lɛŋnden nin-ndan kpede. Le kɔlan dɛnɛ vɔɔndo tosaa nda caa kiltan ni, le dɛnnda niŋ te lan nda fula diallon ni.

Yeremi 23:16

O Mɛlɛka-Nɔ-Kpaayaa-Kpow-vo dimi-o co hoo ni aa: «La yaŋnun sɔɔn vanaa-tɛɛngaa-diom Hala-a kalaa le, huiyo fúú nda co niaa ni. Sɔɔn nda co niaa dimullo-on, nda pila co mun yiyanndo ni. O co ya Mɛlɛka o ba le n fula le.

Yeremi 23:22

Te ndáà va pɛ nɛɛ ya va sɔɛi-ya, a va vanaa nia sɔɔn ya dimi-on tɛɛngul, mì ndáà faŋa nda o nɛi nda vɔɔndo coo, mì ndáà mal dɛnnda vɔɔnnda nda co tosaa lan.»

Yeremi 23:28

Vana-tɛɛngaa-diom Hala sɔl pɛ lɔma ndɔ, ndu cɔm vannda lɔma o sɔl-lan! Kɛ te i yɔngu ndu pɛ yoongoo pum, o bɛnda mò tɛɛnguu ndu lende kpafii!» Vana tuu billo a kullon te. Mɛlɛka dimi lende ni.

Yɔɛl 1:11

Vanaa vàá co a mɔnɛi, vanaa tɔalaa n'rɛsɛnnda co ŋɔɔcianndo le maalon a le ɔrse, kani ɲɛ-ɲɛ va o ciɛɔn nin le kovɔɔ, o cuu itambu kpede.

Sofoni 3:6

Mɛlɛka dimi aa: ‹I tɛɛmbuu vanaa-mangalaa-isɔɔa, mí koombiaa calta vanaa ndaa cɔwva. Nɛila ndalan o kobio tɛɛn la yimbu. Vana-vana co lɛ kei lecoo le. I pesi kobila ndalan, vana co lɛ lenin te. Hali vanndo ndu pilɛ, o co lɛ icali lenin te few.

Osee 4:10

A vanin dioo, kɛ a venin pum te. A vanin suundaa, kɛ a venin n'cuaw violɔɔ le, kani a mulul-la kɔɔ, ya Mɛlɛka.