Yeremi 9:10 - BII BILA

¹⁰ I minginin Yerusalɛm bémbélan kposon, mì siinguu ndu buulula tunaa yondoa. I tosanin mì kobilan Yuda la lo fondo, vana-vana venin lenin te.»

Yeremi 9:10 Referans Kwoze

Yeremi 12:4

Háá telen kuɛɛ nɛ lɛŋnden le va yɛnin o dɛnɛ palaa nin, mì bil yondoo kpow va o vesɛiyo? Visia yondoa a yowva co cuuo le dɛnɛ vɔɔn vanaa co o lɛŋnden nden nin-nda. Kani a co dimio aa: «Yeremi cinin mɛɛlula naalan te.»

Osee 4:3

Lelan dɛnɛ palaa toalnin o lɛŋnden nden coo ni. Vanaa vanin icali lenin-nda kpow a ɲawnin. Visia yondoo nin a yowva coocoo bɛɛ a ɲawnin. Hali suvaa co o mɛmma ihɛllan nin-nda co hunɔɔ cuvɔɔ.»

Esekiɛl 33:28

I siinguunin lɛŋnde (ndalen) lɛŋnde piɔlɛilen a lɛŋnde veselɛilen. Yoomuma nda kɔngan, mà va heelɔnndo-an ma cuunin itambu. Pembon Israɛl n lonin fondo fúú, vana-vana ve lɛnin kei lecoo le.

Esekiɛl 29:11

Vanacieo ndu pilɛ bɛɛ ve lɛnin kei lon te, hali cɔloo ve lɛnin ndon te. Lende le lonin fondo ni háá vɔsilan belehiɔɔlu, vana venin icali lenin te.

Esekiɛl 14:15

Te i luei pɛ visia biyaa o lɛŋnde len nin, mà somi-somi vanndacieea, te lɛŋnde len le siŋnun pɛ lɛŋnde pɔmnden, mì vannda pew len a siòòŋii visia biyaa kan.

Yeremi 12:10

Vanaa mandaa n'cɔlua sɛ́lɛ́a a tɛɛmbuu nakɔ n'rɛsɛn nuu, a nɛw ciɛi nii kɛndɛ-kɛndɛi, má mingi ndi lɛŋnde veselɛile imɔnɔ len.

Yeremi 7:29

Mɛlɛka dimi aa: «Kiolun yiinde, mà viow, hel o pembon coo mà cɛɛŋun! Niaa vannda paalen nden hau, niaa tuulu ya kɔllo ni, i yeema lɛ niaa le, i kɛɛ niaa.

Cɛɛŋɔnnda Yeremi lan 2:11

Hɔlta nilan la sanga a mɛmɛan tuisio, niŋndo co ya ŋolɔɔ, Kɔllo laasian ya niŋ kpede le sanga bɛndu co kobi vanaa nia coo-o. Cuaambɔa a cɛlɛkpɛa a co vuo o nɛila kobio coo.

Cɛɛŋɔnnda Yeremi lan 1:16

Le kɔlɔɔ ho ya co caŋndo ni, mì hɔlta nilan la va mɛmɛan tuisio. Kani vana kon faŋan ya ikɛi polon, vana ɲɔɔlaa óò lueinin ya yoomuan-ndo. Poaa nia laasian kɔltan, kani yaamɔɔ hiow nda mayoomu.

Yeremi 23:10

«Lɛŋnden le pɛ a vanaa co suundaa-a. Le co o mɔnɛi nin le dangala pɛ len coo lan. Billo vesan o vɔ̀lɛ́la co o lɛŋnden nin-ndan kpede. Le kɔlan dɛnɛ vɔɔndo tosaa nda caa kiltan ni, le dɛnnda niŋ te lan nda fula diallon ni.

Yeremi 14:6

Sofɛlɛa yondoa co isisi o pembun puleeon coo, a co hoeiye cunndo cuaa maa n'tivoli, a co sangaa hɔlla keeliaa, kani bil kiɛi co lɛ le.»

Yeremi 8:18

I yeema mi faŋan mɔnɛi nii o hɔl, kɔl nuu co o mɔnɛi bɛnduei nin.

Yeremi 2:6

A ɲunan te aa: ‹Kuɛɛ nɛ Mɛlɛka co yɛ? Kuɛɛ o co yɛ, o soli naa Esipte-o, o sim naa laci le heeloo a naa o lɛŋnde veselɛilen nin-ndo, o lɛŋnde nɔ mamɛn te len nin, lɛŋnde bólta yingilaalen pɛɛn. O lɛŋnde veselɛilen nin, nɛɛ vana nɔla kei le-a, nɛɛ vanaciee nɔla calle le-a pɛɛn?

Esai 49:19

O fondala nɔmndaa tambu mí láà lonnun fondolan nin, o lɛŋnde nɔmndee tambu len-nden nin, cuavaa nɔmnda pianin ma hiow fondaa polon, vanaa va nɔm tɛɛmbuuo-a kɔannunnin polon.

Esai 41:15

«Tofa vɔ, i siinguu niaa maa ɲɛ ɲaanan soa nan-ndo, o sɛnɛiyo, o nɔ ciliŋun siɛɛmbian n tivaa kpow-vo. La pesinin pembun bɛndon mi la vɔɔciaa mun, la siinguunin pembun pɔmbɔn maa ifoeen.

Yeremi 50:3

Kani lɛŋnde pilɛ le cɛn a ba luaŋ-ndo mì le va Babilɔn hinullo. Lɛŋnde len le co Babilɔn mingi pɔmndo, vana cel-lɛnin ndon te, vanndacieea a visia ɲaanunnin, mà faŋan ndon.»

Esekiɛl 27:2

«Po vanacieo sei, soli condii biisiei kobio Tir coo!

Yɔɛl 1:13

«Niaa vanaa-solia-lasálàá, la vownun volɔɔla biisilan mì la caŋ taw. Niaa co sálàlan solio o fonda-loamaa-lasálàá coo-a, la hiiliaa hiko-hiko a caŋndo. Niaa co baalaa tosaa le Hala nuu-a, la hun lɔl a volɔɔla biisilan lekɔɔ. Kani sálà co lɛ hunɔɔ o Cɛi-Hala niaa nin te, sálà mamɔi co lɛ hunɔɔ lenin te.

Yɔɛl 1:19

«Éé Mɛlɛka! Nɔm o lani ya co caŋndo nuaa ni. Kani yinnden le cii bil puiyaa lomɔɔ o dɛɛlala vesɛilan nin, le cii yɔmnde kpow lomɔɔ yondoo nin.

Amɔs 5:1

«Òó niaa cuavaa Israɛlla, la yaŋ nilan o sɔɛi he, sɔɛi ya co hee dimio niaa coo-e. Condii dɛnɛ palɛi sɔɛi ken i co ni!

Amɔs 5:16

Lelan, nuaa Mɛlɛka, Hala-Nɔ-Kpaayaa-Kpow-vo, ó co Maalii-o dimi ni aa: ‹Vannda somisominnin o fondalan kpede, o nɛila bɛndulan kpow coo, vannda vanin koŋullo aa: Kpòkóó mɔnɛi! Má cè dɛnɛ palaa dɛ! A veelunin vanaa vàá o dɛnɛ biisio, mà veelu vanaa caa caŋndo-a le kɔlan condun biision solio o caŋndo nin.

Misee 2:4

Paale len le hun tiiya pɛ, vannda diminin taloo a niaa o sondo, mà soli condii imɔnɛi aa: ‹Mbɔ̀ naa n cuu itambu! Yondola naalan a ɲɛm nan cuu naa hiɔlɔn. Yaamɔaa naa cii mun piɔvan. Le yɛɛ nda co yɛ naa mun hiɔlɔɔ o ba?›

Yeremi 2:15

Yàlàà cuawva co kuuliaa ndu coo, a co diomnda ndalan solio, a co lɛŋnde ndɔlen tɛɛmbuuo a labɛɛla. O cii kobila ndɔlan lomɔɔ mí vannda piaw kpede.

Yeremi 12:11

A toɲa, a siinguu lɛŋnde len lɛŋnde dɛnɛ palaalen. Le cuu itambu kpede ya o hɔl, le dɔwnun yɛɛvɛ kpede, vana-vana co muli le.»

Cɛɛŋɔnnda Yeremi lan 5:18

ndu co le tùú Siɔn tambu, mó siŋnun bɛ̀mɛ́lta kàá-o ni.

Esekiɛl 6:6

Nɛɛ-nɛɛ niaa co icali, kobila lan la piɔlnin vɔ́-vɔ́, fondala soolaala niaalan la tambunin háá mì máánnda niaala yɔŋ vɔɔnnda lan la piɔsi. Piɔmaa niaa yomiyominin mà cuu kpow, bonyun fuusan niaan cuinunnin mì ɲɛm niaa cɔw mun-ndon ɲum pɔ́lì.

Misee 3:12

Le dɛnnda niaala lan, Siɔn vaanunnin maa iciɛɛ, Yerusalɛm siŋnunnin bémbélan kposon, mì pembii Cɛi-Hala-o i siŋnun yondoo.»