Yeremi 9:1 - BII BILA

¹ Màá yáà kɔnnun ko o lɛŋnde veselɛilen nin, mì yáà kɔ va o pangala vanaa kelaa pɛngi nin-ndan bɛngu, haliko mi yáà faŋan vanaa nia ikɛi, mì yáà kɔ calnun ndon polon. Kani mɛɛ nda co kpede, vanaa lakafaa nda co ni, vanaa suundaa kposon.

Yeremi 9:1 Referans Kwoze

Yeremi 13:17

Te la yeŋ nilan o kanalanndo ho le, i caŋnin o vionnɔnndo nin le yonga niaa bɛndoo. Hɔlta nilan la tuisinin mɛmɛan taw-taw, kani a co kɔlan a kunda cɔlua Mɛlɛka-a o biyɔɔ nin.

Esai 22:4

Lelan ya dimi ni aa: «La faŋa hɔlaa niaa ya kɔɔli, la mal-la mi caŋ taw-taw. La kindikindin le ya ɲɔɔloo le dɛnɛ palaa tol vanaa niaa co o kobi nuu nin-nda coo-o le.

Cɛɛŋɔnnda Yeremi lan 2:11

Hɔlta nilan la sanga a mɛmɛan tuisio, niŋndo co ya ŋolɔɔ, Kɔllo laasian ya niŋ kpede le sanga bɛndu co kobi vanaa nia coo-o. Cuaambɔa a cɛlɛkpɛa a co vuo o nɛila kobio coo.

Yeremi 6:26

«Cua laandu nuu, yiinun yala yuuloo o caŋ, mà pimbul o loolio nin, mà tosa biisio maa biisi pole pilɛ, mà tuisi mɛmɛan a mɔnɛi bɛnduei! Kani vana tɛɛmbua hunnin o telen n venin ndu kɔl too.

Yeremi 14:17

«Sɔɛi n dimulnin nda-e co hee ni aa: Paalen a ɲumndan mɛmɛan ma co ya tolɔɔ kongilan, kani dɛnɛ palaa vɔɔn-vɔɔndo tol vanaa nia coo, a yɔŋulun yɔŋulɔn nɛyaa bɛndu singu loo.

Esai 16:9

Le ken ya co caŋndo o tumnda n'rɛsɛnndan Sibma coo ni, maa vannda Yaesɛr. Niaa co Hɛsbɔn-nda a niaa co icali Eleale-a, i pɔɔliaanin niaa a mɛmɛma niaan! Kani vɔkɔ-vɔkɔ kɔlkɛndɛ niaa cuu o malun niaa kow-von a o tɔlɔɔla niaa kɛndu lan coo.

Condii lisai 119:136

Mɛmɛan ma co ya fulaa o lahɔl taw, kani vannda co tɔŋ nɔmndo biyɔɔ le.

Condii lisai 42:3

Yeemɛi Hala nuu i co ya, Hala yoomaa pɛɛn. Lɔ́ɔ́ kuɛɛ ya kɔa yɛnin mì kɔ fula ndu o hɔl?

Yeremi 4:19

«Éé ya, demboo! Kpòkóó ya, demboo! I co somisominndo a ɲɛ nɛyaa, kɔllo kindun ya véŋ-véŋ. I tiwba meiyo a hee le, kani i tuei bulula-hɔŋaalan diom, a yonda cɔwvo.

Yeremi 8:18

I yeema mi faŋan mɔnɛi nii o hɔl, kɔl nuu co o mɔnɛi bɛnduei nin.

Yeremi 9:18

Kani yeelan a somisominndan la co diomndo fulaa a ba Siɔn-ndo aa: «Kpòkóó dɛnɛ! Mbɔ̀ naa n tambu fɔ́! Siɛmbulan la tol naa kangalan, fɔ mi n mal lɛŋnden nden. Kani a cii calta naalan puusiaa!»

Condii lisai 55:7

I va yiyanndo aa te yáà sɔla pɛ kumbanndan maa poonpoon, i va cɔnɔn mì yáà kɔɛnnun nɛɛ celen.

Yeremi 3:10

O kon kpow nin, puapilɛ ndɔɔ Yuda lo o lediom coo loo muungu ya o ibuŋ a kɔl ndɔɔ kpow le, huiyo koni o va ya ni.» Ya Mɛlɛka soo nuaa ni.

Yeremi 5:7

«Yerusalɛm, vɛ̀ɛ̀ ya mal lɛ nɔm haki lende? Cuavaa nɔmnda kɛɛ ya, mà muungu mɛɛnianndo o ɲɛm co Hala loon. I va nda ɲɛm ndáà nɔ makoo-on yɔngoo, kɛ má yiinan sɛ́lɛ́ bɛndoo o cɛi suundaa nin.

Esekiɛl 22:12

Vannda co luɛyɔɔninndo biyɔɔ le vannda diwvo nanu. Nɔm pila co vannda ɲɔɔn dɔndaa le nɔm mingullo a tɔnɔɔ bɛndoo, a co vannda ɲɔɔn poondiaa o laba a kafalan, a co vana niaa co-o ɲɔɔn poondiaa o ba a paa-kala, ya Mɛlɛka, má pɔɛɛnun ya. Ya Maalii, ya co Mɛlɛka-o soo nuaa ni.

Osee 7:4

Nda kpow vanaa suundaa nda co ni. Maa cɛi loamaa bulu vana loamaa buloo hiw tuuloo-o nda co ni. Kandɔɔ tuma o lindà kpeyanndo-vo, háá mì kpeyan kalaa cuu helɔɔ, vana loamaa buloo tofa lɛ cɛi loamaa buloo le.