Yeremi 8:7 - BII BILA

⁷ Hali yow yɔɔyaa cɔcɔɛi vilɛiyo sina telen ndɔɔ, piinndo, lɛɛfɛnndo a yow yɔɔyaa kɛsii vilɛiyo, a sina telen nda hun-ndo. Kɛ vanaa nia sina silala Mɛlɛka lan te.»

Yeremi 8:7 Referans Kwoze

Esai 1:3

Nawvo sinà vana nɔ ndu-o, sofɛlɔɔ sinà hèé vana ndɔ bɛndoo. Kɛ Israɛlla nda sinà ɲɛ-ɲɛ le, yungu nuu bii ɲɛ-ɲɛ bila le.

Esai 5:12

O kafola ndala diaalan coo, bangalan, bondomalan, dundulan, sɛ̀ŋndan a mɔiyan tuŋ vana ca ni. Kɛ a nɔ kpeku a dɛnɛ Mɛlɛka-o le, a co dɛnɛ Mɛlɛka tosa a bala ndɔlan-ndo cɔ le.

Condii kɛndɛ-kɛndɛi 2:12

Billo co yandɔɔ o lɛŋnden coo, telenndo tiiya le condon solio. Piindo co caŋndo, vana tuɛi ndu diom o ciɛɔn naan nin.

Esai 27:11

Lɛɛndun mun vesa pɛ, vannda yimi ɲaandan mun, vanlaandua hin le mun lomɔɔ. Kani vanaa nɔ kɔlkalu le-a nda co ni, lelan, vana toosiaa nda-o nɔnin iɲíí a nda le, vana cɔw nda-o tosal-lɛnin nda ikɛndɛ le.

Sakari 5:9

Mɛɛ ya heelu hɔlla le tofaa, mí ca vanlaandua hunɔɔ o hoeiye nin nda ŋiɔn. Hoeiye va hɔŋndo o kumbannda ndalan bɛngu, kumbannda ndala lan, velanndo lan pila a kumbannda yovaa yɔɔyaa. Má heelu kambɛi kon coocoo, halataala a lɛŋnden tɛɛn.

Yeremi 4:22

«Diɔmnda vanaa nia co lekɛ́ndɛi ni, a sina ya le, cuavaa kindu kɔl te-a nda co ni. Ɲɛ-pɔmbɔ bɛɛ a nɔ kɔlkalu le, le dɛnɛ vɔɔndo tosaa daama nda kendu kɔl ni, kɛ a sina dɛnɛ kɛndɔɔ tosaa le.»

Yeremi 5:6

Lelan yàlá fula o bundɔɔ nin-ndo co nda diwvo ni, mì tun yondo fula o lɛŋnde veselɛilen nin-ndo va nda sɛɛsiaa. Tambillo co mɛngɛlaa o kobila ndalan sondoo, vana-vana fula dɔ́ɔ́ pɛ, o sɛɛsiaa ndu, kani nila kalula ndalan la co nin bɔɔ sɛ́lɛ́, dɛnɛ sandaa lepɛŋ ndaa vangalan nin bɔɔ.»

Habakuk 1:4

Lelan, vannda co lɛ tɔŋndo biyɔɔ le, sandei cuu few. Vana kɔlvesɛiyo co vana sandu-o kafalan tosallo, mì yaman lacòòvan va kiolɔnndo.