Yeremi 8:6 - BII BILA

⁶ I co nilan yaŋɔɔ yékén o sɔɔn ndan: a co isɔɔ mɛɛ nda bɛnda le sɔɛi yɛ le. Vana-vana co dɛnɛ vɔɔn ndɔɔ malɔɔ le, a co ɲunaa aa: ‹Yɛɛ ya tosa yɛ hoo?› Mɛɛ nda co kpede, vana-vana muungu kiltan a yeemɛi maa so co ɲaanɔnndo a yeemɛi le kɔlan o cɔwvo-o.

Yeremi 8:6 Referans Kwoze

Condii lisai 14:2

Mɛlɛka co o halataala mò va tundɔnndo, le vanndacieea mɛɛndanndo lɛŋ, le sinaa te vana pum nɔ pɛ taasio, mó va ndu Hala nuwviaa.

Esekiɛl 18:28

Te o kumbi pɛ hɔltan mò mulul dɛnnda vɔɔnnda o va tosaa lan kɔɔ, o lonin yoomu lekɛ́ndɛi, o vinin te.

2Piɛr 3:9

Mɛlɛka tamala le sɔɛi o dimi-e peeloo maa mɛɛ vanaa pum a yiyan yɛ le. Biuvɔnndo o biwnun niaa ni, o yeema mì vana pilɛ bɛɛ lo le, kɛ o yeema mì vannda kpow a mangalan.

Malasi 3:16

O kon, mí vanaa nɔ siòòŋii Mɛlɛka-e-a dimulan vellaa-velle aa: ‹Se Mɛlɛka yaŋ nilan, mó tuɛi. O kon mí sɛbɔɔ sɛvan ndu o hɔl le loonɔnndo a sɔɛi ken, le vanaa nɔ siòòŋii Mɛlɛka-e, má va ndu bɛɛlen keo-va.›

Misee 7:2

Mbɔ̀ vanaa lo o lediom coo-a cuu o lɛŋnden nden nin! Vana sandaa co lɛ lenin te few. Nda kpow a cal mɛngɛlianndo le koovan sooluanndo, vana-vana co puapilɛ ndɔɔ yaŋɔɔlen kɛsullo.

Dɛnnda cɔɔmuanndan 9:20

Vanndacieea tɔ̀a dɛnnda palaala lan la dii le-a, nda mangalan mà mal dɛnnda nda va tosaa lan te. A pɛngi ɲinaa vɔɔnda a piɔmaa n'siania, a n'volia, a n'daɲaa, a lapowva a piɔmaa nda sɛl a yɔmnde-a sooloo le. Piɔmaa kan yɛ, a ci le, a tui le, a kpeŋan te.

Aasee 1:7

I co niaa ndi cɔɔlu dimul, ya Mɛlɛka-Nɔ-Kpaayaa-Kpow-vo: Niaa pila yiyan-ndɔ ɲɛ co niaa tosalanndo-o.

Aasee 1:5

Sisa, Mɛlɛka-Nɔ-Kpaayaa-Kpow-vo dimi aa: ‹Niaa pila yiyan-ndɔ ɲɛ co niaa tosalanndo-o.

Esekiɛl 22:30

I co vanndo nuwviaa o nda tɛɛn, le o nɔla mò cɔw kpakio, mò sim o tɛɛngei nin coocoo ya o hɔl le sɔɛi le lɛŋnden-ndo, yɔŋii lɛŋnden le tambu, mì le piɔl, kɛ i seelun-ndɔ vana vaa lende le.

Yeremi 5:1

«La balu o nɛilan Yerusalɛm coo, mì la mɛɛndian, mì la ɲuuniaa, mì la nuwviaa o bɛ́ɛ̀lan kpow. Te la saalun pɛ vanndo, hali o pilɛ kpé, o sandu-o, o yeema dɛnɛ sandaa-o, o kon, i mal Yerusalɛm haki.»

Esai 59:16

O ce maa vana-vana co buulan le dɛnɛ kon te, le hee, mó tambu kɔl, le tùú vana-vana co sondo vow loo. O kon, mí ba ndɔ ndu pila-o mala ndu, mó tiindan dɛnɛ sandaa ndɔɔ.

Esai 30:18

O va bɛɛ lende, Mɛlɛka co telenndo cumndo le niaa kɛndɛi tosallo, o cannin mò tuinun niaa iɲíí, kani Mɛlɛka ndu, Hala sandaa o co ni. Dɛnɛ kɛndɔɔ co le vanaa nɔ kɔlkɛsiaa o ndu nin-nda kpede!

SƐBƐ YƆB-O 10:2

I co Hala dimul aa: ‹Yaala vɔ ya le. Cɔm-ndɔ ya dɛnɛ ya tɛɛmbuu-o.

Yeremi 23:25

Ya Mɛlɛka, i tuei ɲɛ vanaa-tɛɛngaa-diom Hala-a co dimio-o. A co dimio maa o diola nilan nda co sɔɛi ni, kɛ còòlan fúú. A co dimio aa: ‹I sɔl lɔan, i ce vundulen.›

SƐBƐ YƆB-O 34:31

Te o va pɛ mì vanndo dimul Hala aa: ‹I cii sanga kelun le ya-o, i tosa lɛnin dɛnɛ vɔɔn te.

SƐBƐ YƆB-O 34:32

Cɔm ya hakila ya pɔɛɛnun ndan, te i tosa pɛ dɛnɛ sandaa lepɛŋndo, tɔkpɔnndo co hoo ni, i tosa lɛnin te.›

Esai 57:17

Le ɲɛm vannda poondiaa a kafalan-ndon mí tambu kɔl a nda, mí soaŋ nda, mí viannun o kɔl ni tambɛiyo nin, kɛ vanaa nila kalua nda co ni, a co hiovɔɔ laci a kɔlan o nɛi kɔl ndaa coo.

Yeremi 3:5

Ko a kɔl tambɛiyo ho o lonin lɔ́ɔ́-lɔ́ɔ̀ ni? Ko mandanndo n vanin sɔɛi he o kɔl le fɛɛn a fɛɛn ni?› Lende n va dimio ni, kɛ a co dɛnɛ vɔɔndo malɔɔ le, hiyanndo tuŋ n co kɔlan a ndu tosaa ni.»

Daniɛl 9:11

Israɛlla kpow, n tɛɛmbuu tɔŋ nɔmndo, mí n kɛɛ le sɔɛi nɔmnde biyɔɔ. Lelan dangaa a dɛnɛ palaa sɛvan o tɔŋ Moise, vana baala nɔmndo nin-ndo tol naa coo ni, kani n cua hakio a nɔm Hala.

Sofoni 3:7

O kon mí yiyan maa o laan nin, a kenin ya bɛɛlen, a cɛlnin silala nilan, o kon calta ndalan la tembunin te. Àá! Mbɔ̀ i soŋ nda bɔɔ!› Kɛ nda, idii púŋ nda laasiaa dɛnnda ndalan a yɔŋ vɔɔn nda tosa-o ni.