Yeremi 8:5 - BII BILA

⁵ Ɔ́ɔ̀ niko le kɔlɔ vannda ha Yerusalɛm, a luɛi nila kalulan tosaa-o? A co baŋnɔnndo o kafala ndalan coo, mà va kɛɔ le mangalanndo.

Yeremi 8:5 Referans Kwoze

Yeremi 9:6

Lelan, o Mɛlɛka-Nɔ-Kpaayaa-Kpow-vo dimi-o co hoo ni aa: «I co nda dindi a yinnden mì soli nda kɔlɔ. Kani mɛɛ celen tosaa co a vanaa nia le!

Yeremi 5:3

Mɛlɛka, vɛ̀ɛ̀ o co dɛnɛ sandaa le n yeema le? A cii nda lɔɔ, kɛ a co sinan te. Má tuu le nda ciiyo kpede, a tui silala nɔmndan te. Má kindi bolle a nɔm hiovɔɔ bandíláà coo, má kɛɛ le mangalanndo pɛ!

Sakari 7:11

Kɛ, má kɛɛ le sɔɔn mún biyɔɔ, má tosa nila kalulan, má baŋulu nila ndalan yɔŋii ndáà tuei sɔɔn kalan.

Hebreea 12:25

La caa dɛ! La kɛɛ diom vana co sɔɛi o niaa lo-o le. Kani vanaa kɛɛ sɔɛi vana va nda kanalanndo o lɛŋnden coo-o-a helun dɛnɛ palaa ndóò bɛnda le nda delɔɔ coo-o le. Konin te naa, vɛ̀ɛ̀ naa n hialun yɛnin, te n mulul pɛ diom vana fula o halataala le naa kanalanndo-o kɔɔ?

Nsaŋ 5:40

Nduyɛ, la yeema mì la hin o ya lo le cindaa sɔlaa le.

Osee 11:7

Vanaa nia yeema le lo o lediom coo a ya Mɛlɛka le. A co nda veeloo fulaa coocoo, kɛ vana pilɛ bɛɛ co cɔnɔn te.

Yeremi 5:27

Mɛɛ kesu mandaa n'yowvo và o piaa a yowva yɛ, lende cɛila ndalan la co lapiaa a ɲɛm lakafan ni. Le ken nda siŋnun vanaa kpaayaa a vanaa bolofaa ni.

Esai 44:20

Pultan vanaciee kon kɛsi kɔllo coo ni, kani kɔl ndɔ ba hivaa laasiaa ndu. Nduyɛ o ciindiaanin yoomu ndɔɔ le, o diminin vɛlɛ aa: «Còòlan lekɛ́ndɛi ya nɔ o ba nuaa ni le!»

Esai 30:10

A co vanaa ca siɔdii lacio-a dimullo aa: «La tofa ɲɛ-ɲɛ le dɛ!» A co vanaa-tɛɛngaa-diom Hala-a dimullo aa: «La dimul naa toɲaa o diom Hala-o tɛɛnguuo nin te, la dimul naa sɔɔn lisa naa-on, la tɛɛngul naa vunduma lacòòvan!

Dɛnnda cɔɔmuanndan 2:25

Kɛ nduyɛ, o niaa nɔ-o, la bii kon kpíŋ háá mi hin.

1Tesalonikea 5:21

kɛ la dɔw dɛnndan kpow taasi, mì la bii dɛnnda naŋ-ndan kpáŋ.

Osee 4:16

Israɛlla luɛi seesiɛi mɛɛ naw téndóó kɛɛ le kɔlan nuaa yɛ. Lelan Mɛlɛka tiwba mo bii nda biyɔɔ kɛndɔɔ mɛɛ vana yaa saa téndéa diólan o bil kɛndɛ-kɛndɔɔ nin yɛ le.

Yeremi 2:32

Vɛ̀ɛ̀ cua laandoo pɔɛɛnun pá ɲɛm ndɔn kɛɛmianndon? Vɛ̀ɛ̀ vanalanɔ nda fula kɔɔli le nɔu-vo pɔɛɛnun pá kolacoole ndɔlen? Nduyɛ, o co nin hau lɔ́ɔ́ levil mí vanaa nia pɔɛɛnun ya.»

Esai 1:20

Kɛ te la simul-la pɛ mì la siŋnun vanaa nila kalua, mɔɛi cɔwve co niaa cii diw kpede. Ya Mɛlɛka o sondo sɔɔn mun co fulaa ni.»

Talelan 4:13

Holnun pɛɛku n sɔla-o. Mál ndu mò hɛlun nɔm te, saa ndu kpíŋ, kani ndu co yoomu nɔmndo ni.

Yeremi 5:6

Lelan yàlá fula o bundɔɔ nin-ndo co nda diwvo ni, mì tun yondo fula o lɛŋnde veselɛilen nin-ndo va nda sɛɛsiaa. Tambillo co mɛngɛlaa o kobila ndalan sondoo, vana-vana fula dɔ́ɔ́ pɛ, o sɛɛsiaa ndu, kani nila kalula ndalan la co nin bɔɔ sɛ́lɛ́, dɛnɛ sandaa lepɛŋ ndaa vangalan nin bɔɔ.»

Yeremi 14:7

«A toɲa, hakila naalan la co naa seilen solullo, kɛ Mɛlɛka, tosa ɲɛ pum le diola nɔmndan, kani n hui nin nɔm bɔɔ, naa n vɔw a nɔm ni.

Daniɛl 9:11

Israɛlla kpow, n tɛɛmbuu tɔŋ nɔmndo, mí n kɛɛ le sɔɛi nɔmnde biyɔɔ. Lelan dangaa a dɛnɛ palaa sɛvan o tɔŋ Moise, vana baala nɔmndo nin-ndo tol naa coo ni, kani n cua hakio a nɔm Hala.

Yeremi 3:5

Ko a kɔl tambɛiyo ho o lonin lɔ́ɔ́-lɔ́ɔ̀ ni? Ko mandanndo n vanin sɔɛi he o kɔl le fɛɛn a fɛɛn ni?› Lende n va dimio ni, kɛ a co dɛnɛ vɔɔndo malɔɔ le, hiyanndo tuŋ n co kɔlan a ndu tosaa ni.»

Yeremi 6:17

I kɛsi kpalilla niaa ikɛi, la yaŋ diom buloo nilan. Kɛ mí la muli aa: ‹N yɛŋnin lani le.›

Yeremi 6:19

Lɛŋnden, yaŋnun. I co dɛnɛ palaa tuisi vannda ha coo, tɔnɔ yiyannda ndalan co kon ni. Kani a yeŋ nilan o tɔŋ nuu le, má kɛɛ sɔɔn nun.

Osee 11:5

Israɛlla muungu lɛnin Esipte le, kɛ masaa Asiri tosanin masalen nda coo ni, kani a kɛɛ le muungoo ya Mɛlɛka o ibuŋ.

Osee 13:2

Háá sisa, a co hiovɔɔ laci a hakilan tosaa, a co volin ndan teengiaa mà va piɔmnda cownɔnndo a mun. Piɔmaa nda pila co cɔvɔɔ-a kpow, vanaa caa cɔwva-a co nda cɔvɔɔ ni. Vannda co dimio a nda o kɔɔ aa: ‹Vanaa co sálàlan solio a vanndacieea-a nɔla ma kɔman piɔmaa co maa navaa téndé-a, mà sɔsa nda sondolan le nda sooloo.›