Yeremi 8:3 - BII BILA

³ Piɔ́mndo vanaa tɔ̀a lonin yoomu o polale vanaa vɔɔŋaa kan kpow tɛɛn-nda hiawnin yeema a yoomoo, nɛɛ ya sɛŋinin nda o fondala yɛ́-yɛ́lan-nda pɛɛn.» Sɔɛi fula Mɛlɛka-Nɔ-Kpaayaa-Kpow-vo o sondo-e co ken ni.

Yeremi 8:3 Referans Kwoze

Dɛnnda cɔɔmuanndan 9:6

O palɛi ken bɛngu, vanndacieea nuwviaanin piɔ́mndo, kɛ a seelunnin ndu le. Yeemɛi piɔ́mnde vanin nda, kɛ mì piɔ́mndo ɲaanun nda, mò kɔɛnnun polon.

Yeremi 29:14

O Mɛlɛka-Nɔ-Kpaayaa-Kpow-vo dimi-o co hoo ni aa: «I tosanin mì la saalun ya, mì mingi niaa o niaa lo. I co niaa nuwviaa o lɛŋii kɛ́-kɛ̀ a o fondala kɛ́-kɛ̀ yaa tow niaa, mì mingi niaa o niaa lo nanu, nɛɛ niaa va paandu mí yaa niaa o biyɔɔ nin-nda.» Sɔɛi fula Mɛlɛka o sondo-e co ken ni.

Yeremi 23:8

Kɛ a vanin mɛnanndo aa: «Le Mɛlɛka yoomaa, o soli Israɛlla o lɛŋnde maluaŋ-nden nin a o lɛŋii kɛ́-kɛ̀ ndóò tow nda nin, mó mingi nda o lɛŋnde ndalen nin-ndo!›»

Yeremi 23:3

O kon mì ya pila nuwviaa a tɔ̀a lo-a o lɛŋii yáà sɛŋi nda-e nin kpow, mì mingi nda o hèé ndaa nin. I vangalanin nda lon mà kui taw.

Tɔŋ miingua 30:4

Hali la va bɛɛ a sɛŋiannda nɛɛ lɛŋnden le mɛɛlu-a, Mɛlɛka Hala niaa kɔanin, mò kɔ soli niaa lon, mò mingi niaa cuungiaa.

Yonas 4:3

Lelan, Mɛlɛka cua yoomu nuu, kani piɔ́mndo hiow nihau ya hɛnan a yoomoo.»

Daniɛl 9:7

Nɔm Maalii, a sandu. Naa vanaa fula Yuda, Yerusalɛm a Israɛl kpow-va, siɛmbulan la bii naa maa o paalen-nden nin. Siɛmbulan la co le naa vanaa co a sɛŋiannda o lɛŋnde nin macɛlu a levil-la. Kani le sandii naa lepɛŋnde, má toaw naa, mí n sɛŋin o lɛŋii ken nin.

Tɔŋ miingua 30:1

«Lɔ́ɔ́ dɛnnda lan kpow la keinin niaa coo-o, duaa a danga ya kɛsi niaa laci-o, te la cua pɛ sɔɔn mun balan tan tiɔn nɛɛ Mɛlɛka Hala niaa toawnin niaa vanaa-mangalaa-isɔɔa tɛɛn-nda,

Dɛnnda cɔɔmuanndan 6:16

Ma va pembon a powta kpovalan dimullo aa: «La del naa coo mì la ven naa, haliko vana co icali o kpɛŋɛ lemasaa nin-ndo ca naa le, kɔltuw Saa téndóó komal naa le.

Yeremi 40:12

O kon mí Yuifia kpow a fula o fondala nda va a sɛŋian-nda, má kɔa Mispa o Kedalia lo o tàndá Yuda-o nin. Má kɔ soli cuɛiyan a mɔiyan taw, má kiandu vɛlɛ tɔlɔɔlan taw.

Yeremi 29:28

Ɲɔɔ viw vɔ bɛɛ le, mó sɛval naa n co Babilɔn nanu-a sɛbɔɔ, mó dimi lenin aa: «La tangul cɛilan mì la luɛi lenin. La soli nakɔlan mì la de kɔmnde ndalen.»

1Masaa 19:4

mí ndu pila niinu kɔlan kpɛŋ o lɛŋnde veselɛilen nin, mó kɔ cal o yɔmndo pum bɛngu, mó yeema piɔ́mndo, mó dimi aa: «Hee ndi hiow bɔɔ ba, Mɛlɛka! Lelan cua yoomu nuu, kani i co fisa a fuɲaa nia le.»

Yeremi 6:9

Mɛlɛka-Nɔ-Kpaayaa-Kpow-vo dimi aa: «Israɛlaa tɔ̀a cɔwviannin mɛɛ vana cɔwviaa rɛsɛnndon nuaa yɛ, mà cɔɔlu balan keela mɛɛ vana kiandaa n'rɛsɛnndo keela balan o lɛvon yɛ.»

Amɔs 3:1

«Niaa cuavaa Israɛlla, la yaŋ nilan ɲɛkɛndɛi o sɔɛi he, sɔɛi Mɛlɛka dimi hee niaa coo-e, ì ó dimi hee yungula o soli Esipte lan kpede coo-e. Nuaa o dimi ni aa:

Misee 2:3

Lelan Mɛlɛka dimi ni aa: ‹I co kpundɛ bɛndoo tuisi vanaa kan coo. La nɔlanin kɛsei solio lebɛngu le. La cue lɛnin bollen lɔ́ɔ́-lɔ́ɔ̀ o kelaa nin te, kani telen dɛnɛ palaa co o nɛi.›

Tɔŋ lasálàá 26:33

I saŋnin niaa vanaa-mangalaa-isɔɔa tɛɛn, lɛŋnde niaalen le lonin fondo, mì kobila niaalan la siŋnun pɔmndan.

Yeremi 44:2

«Diom Mɛlɛka-Nɔ-Kpaayaa-Kpow-vo, Hala Israɛlla dimi-o co hoo ni aa: ‹Kámáá la ce dɛnnda palaala yáà tuisi Yerusalɛm a kobilan Yuda kpow coo lan te! Kobila lan kpow la tambu hau, vannda piow lan.

Yeremi 44:6

O kon mí kɔl ni tuwvo saŋnun o kobilan Yuda a o nɛila bɛndulan Yerusalɛm coo maa leyin, hau kobila lan la siŋnun pɔmndan, vannda piow lan mɛɛ niaa sina yɛ.