Yeremi 8:22 - BII BILA

²² Vɛ̀ɛ̀ kooma cɛvaa ma co Kalaad le? Vɛ̀ɛ̀ vana dɔavaa ladanda co lɛ lon te? Le yɛɛ nɛ vanaa nia co niko siongɔ̀ɔ̀ sɔla le?

Yeremi 8:22 Referans Kwoze

Yeremi 46:11

Esipte taanin! Kɔ Kalaad, mà nuwviaa koovan le boolɔnnda nɔmndan. Kɛ nduyɛ, fondo fúú koni n nuwviaanin kooma súú-súù fee ni, ma kɛ́-kɛ̀ singinin nɔm te.

O Kandɔɔ 37:25

O kon kɔɔli, má cal le ɲɛdiaa dioo. Mɛɛ nda heelu hɔlla, má ca Ismaɛlla hunɔɔ nɔnnde bɛndulen nɛɛ levil, a va fulaa o tàndá Kalaad-o nin. Ɲɛm cun kɛndɔn pum va ɲɔɔmɛaa ndaa o lakɔɔ: kɔm, bom a mir. A va kɔlan a mun o lɛŋnde Esipte len nin.

Yeremi 51:8

Fɔ́ɔ́fɔ̀, mì Babilɔn del, mò piɔsi! La mɛli ndu yeelan coo. La sui ndu koovan o boolɔnndan, bɔɔle mò sengu.

Luke 8:43

Nduyɛ vanalanɔɔ pum va lon, naa pulɔn ivanalanɔyaa va ndu, ndóò cii nin vɔsilan tɔ́ a latiɔn. Ndóò cii nin ɲɛ ndɔ sɔlaa kpede pisi o dɔtɔlɔa lo, kɛ vana-vana tiwba ndu singio le.

O Kandɔɔ 43:11

O kon mí fuɲa nda dimul nda niko o mɛɛlulan aa: «Te mɛɛ tosaa celen co dɔ́ɔ́ le, mɛɛ i yeema mì la tosa ɲɛ pum: la cua ɲɛm vaan kɛndɛ-kɛndɛn co o lɛŋnde naalen nin-ndon, mì la vow o bɔlɔla niaalan nin, mì la yoo langbanɔ kon. La cua bom ɲɛ-pɔmbɔ a lɛan ɲɛ-pɔmbɔ, mì la cua ɲɛm cun kɛndɔn, mir, pistas a amanndeon.

Yeremi 9:1

Màá yáà kɔnnun ko o lɛŋnde veselɛilen nin, mì yáà kɔ va o pangala vanaa kelaa pɛngi nin-ndan bɛngu, haliko mi yáà faŋan vanaa nia ikɛi, mì yáà kɔ calnun ndon polon. Kani mɛɛ nda co kpede, vanaa lakafaa nda co ni, vanaa suundaa kposon.

Yeremi 14:19

«Vɛ̀ɛ̀ kɛɔ few-few n kɛɛ Yuda nuaa ni? Vɛ̀ɛ̀ nɛinɔnndo Siɔn nɛinun nin nɔm ni? Le yɛɛ n yɔŋul-lɛ naa yɔŋul singunin too? N va yiyanndo maa n sɔlanin kɔlɲuloo, kɛ dɛnɛ kɛndɛ bɛɛ. N va siongɔɔ kɔl, kɛ yɛlɛma bɛɛ!

Cɛɛŋɔnnda Yeremi lan 2:13

Yerusalɛm, yɛɛ nɛ ya dimul lɛnin nɔm vɛlɛ? Vana seelun velan dɛnɛ co nɔm coo-o nɛɛ celen te. Vɛ̀ɛ̀ kpeekpei ya ɲɔɔlu yɛnin nɔm, nɔm kobio Siɔn? Kani paw nɔmndo co o bɔɔ maa mɛmma ihɛl, nɛ̀ɛ́-nɛ̀ tiw yɛnin ba nɔm singio?

Kundalan 32:1

Cuavaa-imamaa Rubɛn-nda a cuavaa-imamaa Kad-a ndáà nɔ cɔlua taw-taw. Má ca maa tàndá Yaesɛr-o a tàndá Kalaad-o láà bɛnda le cɔlua mandaa.

Yeremi 6:7

Maa mɛɛ soon kólaa soli mɛnndan vasu-vasu yɛ, lende o soli dɛnɛ ndɔ vɔɔndo vasu-vasu ni. Vana tui sɔɛi celen ndon te, fɔ vannda saangiaa a dɛnɛ vɔɔndo tosaa, ɲɛ ya co cɔu lɔ́ɔ́-lɔ́ɔ̀-o co ɲɛ nɛyaa a boolɔnndan ni.

Yeremi 9:11

Ɔ́ɔ̀ vana nɔ kɔlkaloo le dɛnndan ndan bilaa biyɔɔ-o? Vana sondo Mɛlɛka-o dimul sɔɔn mun-ndo, o yonda mun! Le yɛɛ lɛŋnden le tambu yɛ, mí le ŋɔa maa lɛŋnde veselɛile vana-vana kei nin te len?

Yeremi 22:6

Diom Mɛlɛka dimi a cɛi lemasaa Yuda-o co hoo ni aa: ‹A naŋ bɛɛ ya o hɔl maa bundɛlan Kalaad, te kon te maa tul pembon Liban, kɛ i co nɔm mingi lɛŋnde veselɛilen, kobi vannda piow-vo.

Esekiɛl 27:17

Tàndá Yuda-o a lɛŋnde Israɛl-ten kpow le va yulalen tosaa a nɔm, a va hunɔɔ a kulun fula Minnit-on o lɔ́ɔ́ nɔmndo nin: ɔrse, lɛan, cuɛiyan a ansan.