Yeremi 8:14 - BII BILA

¹⁴ «Le yɛɛ naa n co yɛ lou icali? N cuungian nɛɛ pilɛ, mì n kɔɛnnun o kobila kpakilan nin, mì n kɔ vunnun ndon! Kani le vuo Mɛlɛka Hala naa kɛsi naa ni, o co naa mɛmma bɔ̀tàán koesi, le tùú naa n cua hakio a ndu Mɛlɛka-o.

Yeremi 8:14 Referans Kwoze

Yeremi 23:15

Lelan o Mɛlɛka-Nɔ-Kpaayaa-Kpow-vo dimi a vanaa-tɛɛngaa-diom Hala-a kan-ndo co hoo ni aa: «I co nda mɔnɛi miɔɔ ma de ndi, mì koesi nda bɔ̀tàá. Kani nda vanaa-tɛɛngaa-diom Hala-a Yerusalɛm tosa ni, mí dɛnɛ vɔɔndo tiw o lɛŋnden nin kpede.»

Yeremi 9:15

I co nda sɛŋi vanaa-mangalaa-isɔɔa nda sina le-a tɛɛn, vanaa nda a fuɲaa ndaa sina le-a pɛɛn, o kon mì tol nda kɔɔli a mɔɛi cɔwve háá mi cii nda kpede.»

Cɛɛŋɔnnda Yeremi lan 3:19

I yiyan pɛ siɛmbula bii ya lan a kelan fondo ya kei-yo, ɲɔɔ lol-la o kɔl maa ɲɛ lolo.

Yeremi 35:11

Kɛ telen Nebukanɛsar masaa Babilɔn del lɛŋnden coo a cɔwvo-o, mí n ca maa o va fisa mí naa n kɔɛ Yeresalɛm, haliko mi n hɛlun vanaa cɔvaa Babilɔnnda a Aramiia. O telen kon mí n kɔ cal Yerusalɛm ciee.»

Matie 27:34

má yɔngu ndu mɔiyan ma pum le kolɔɔ, ma nda bingulan a ɲɛ lolɛiyo-an. Kɛ Yeesu dombio, mó kɛɛ, o kol man te.

Condii lisai 69:21

Yeowla lan la co ya kɔllo bulio, i del a nàá le le ken. I co cumndo le ɲiiye sɔlaa tuinɔnndo, kɛ i co vana sɔla le. I co lehɔl o nɛi le vanaa ɲɔɔlaa sɔlaa, kɛ i co vana saalɔn te.

2Samiɛl 20:6

O kon mí David dimul Abisai aa: «Dɛnɛ Seba, po Bikri-o hiawnin naa kindila a dɛnɛ Absalɔm tosa-o. Lelan sim vanaa cɔvaa co ya kandaa-a laci, mì la kɔɛ ndu kɔɔli, yɔŋii o kɔ luɛinun o kobila mayoomulan lapum nin, mò hɛlun naa.»

Tɔŋ miingua 29:18

O niaa tɛɛn, te vanndo pum tuei pɛ sɔɔn kpeman yiinun mun a mɛnanndo-on, mò kuundian o kɔl ndɔɔ nin, mò dimi aa: ‹Kɔlɲuloo vanin le ya, hali i vanin bɛɛ kelaa mɛɛ kɔl nuu yeema yɛ›, mò luei vana celen o suunda soolaa n'piɔmndo nin,

Sakari 2:13

Lelan, i heelu baa le vanaa-mangalaa-isɔaa kan soŋɔ̀ɔ́, Vanaa va nda o ba o cɛlen nin-nda yunganin nda mà hɛlu ɲɛm ndan. Kon tosanin ni mì la sina maa Mɛlɛka-Nɔ-Kpaayaa-Kpow-vo vem ya ni.

Habakuk 2:20

Mɛlɛka caando co lende le, o co o cɛi ndɔ diandaa nin, lɛŋnden kpow le bɛnda mì le mei ndu o hɔl.

Amɔs 6:10

Te vanndo pum cua pɛ vana vílɛ́i ndɔɔ le kɔlan ndu lomɔɔ, o ɲunanin vana co cɛinin di-o aa: Vɛ̀ɛ̀ vana celen co nɔm ikɛi lon? Vana kon mulinin aa: Vana co lɛ nanu le. Vanndo pilɔɔ diminin aa: N meinun kpili! O co telen vana pial Mɛlɛka ladio le co hoo le.

Yeremi 14:20

Mɛlɛka, n sina maa n cee tosa le, n sina vɔwle fuɲaa naa. Naa n cua hakio a nɔm ni.

Condii lisai 39:2

«I va dimio aa: Fɔ mì mandan o kela nuu nin, yɔŋii ya cua hakio a lediɛɛmu. Te vanaa kɔlvesɛiyo co vɔ pɛ ya o hɔl, mɛɛ mì bii sondo nuu.

Tɔŋ miingua 32:32

Rɛsɛŋun ndan maa rɛsɛnndon Sodɔm n co ni, lɛŋnde rɛsɛŋun ndan tɔlnun coo len maa Komɔr le co ni. Bɔ̀tàá co o rɛsɛŋun ndan mun nin, kpɔ̀nyɔ̀la ndɔlan lollo kélélé.

Tɔŋ lasálàá 10:3

Mí Moise dimul Aarɔn aa: «Le hee Mɛlɛka ndóò dimi ni aa mɛɛ mì vanaa co ndu sɔɔnguuo ikɛi-ya sina diondɔɔ ndɔɔ, nduyɛ mà biilu ndu vannda kpow o hɔl.» Mí Aarɔn mei kpili.

Esai 47:5

Lelan niaa Kaldea, la cal mì la mei kpili, la kɔ o ɲumndan nin! Kani a veelu lɛnin niaa aa: «Vanaa bɛndua co masɛi bollen nda» le.

Yeremi 3:25

N hinin a siɛmbula co naa lan, mi bɛɛ tambɛiyo va naa coo maa kola kuumbuan. Kani n cua hakio a Mɛlɛka Hala naa, naa a vanaa velu naa-a, kandɔɔ o felengiyɛi nɛi nin háá hau, n yeŋ Mɛlɛka Hala naa lani le.

Yeremi 14:7

«A toɲa, hakila naalan la co naa seilen solullo, kɛ Mɛlɛka, tosa ɲɛ pum le diola nɔmndan, kani n hui nin nɔm bɔɔ, naa n vɔw a nɔm ni.

Yeremi 9:14

diom ya Mɛlɛka-Nɔ-Kpaayaa-Kpow-vo, ya Hala Israɛlla dimi-o co hoo ni aa: «I co vannda ha bil loloo ke mà de, mì koesi nda bɔ̀tàá.