Yeremi 8:10 - BII BILA

¹⁰ Lelan, i co laandaa ndaa malɔɔ vanaa celen o ba, mì mal ciɛɔn ndan vanaa hialunin mun-nda o ba. Kani kandɔɔ a cuaambɔɔ, kɔ bii háá a kaasonɔɔ, nda kpow vana-vana co fafaláà le ɲɛ-sɔlaa. Kandɔɔ a vana-tɛɛngaa-diom Hala-o, kɔ bii a vana-solia-lasálàá, nda kpow a vow balan o kafalan nin.

Yeremi 8:10 Referans Kwoze

Esekiɛl 33:31

A co hunɔɔ sɛ́lɛ́ bɛndoo fili-fili o nɔm ndo, vanaa niaa kan pɛɛn, a co hunɔɔ calle nɔm o hɔl. A co nilan yaŋɔɔ o sɔɔn nɔmndon, kɛ a co kela lecoo le, kani a sondo yeelaa koni nda co sɔɛi ni, kɛ o kɔlta ndalan nin, tɔnɔ nda pila-o daama nda co nuwviaa ni.

Tite 1:11

Mɛɛ mì la kinda nda sondolan, kani a co yungulan kpede pesipesio a pɛɛkula bɛnda le lan le ɲɛm lakafan sɔlaa.

Sofoni 1:13

Bolofaa ndaa co nda puunɔn o laba a paa-kala, mì cɛila ndalan la siŋnun bémbélan. A cɔawnin cɛilan, kɛ a celnin lenin te. A solinin nakɔla n'rɛsɛnndan, kɛ a kolnin mɔima rɛsɛŋun mun te.›»

Amɔs 5:11

A vɛlɛ, la co vana bala fondoo nɛwvo o lebol, la co ndu malun ndɔn poondaa o ba a paa-kala. Lelan, cɛila niaa tangul tan a powtan-ndan, la luenin lenin te few. Rɛsɛŋun kɛndɛ-kɛndɛn niaa tɔl mun-ndon, la kolnin mɔima ndɔan te.

Esai 28:7

Kɛ nda bɛɛ laasian a mɔiyan kolɔɔ, mɔima nɛyaa-nɛyan ma co nda hɔlla hiŋndo. Kpòkóó dɛnɛ! Vanaa-solia-lasálàá a vanaa-tɛɛngaa-diom Hala-a co siɛɛliaa a mɔima kálà-kálàn o lahɔl tuŋ. Mɔiyan ma cii nda sɔɔsiaa kpede, mɔima nɛyaa-nɛyan ma cii nda mingi talaka-talaka. A co laasianndo o vunduan cɔu nin, a co kuuviaa o yaman kiolɔɔ nin.

Tite 1:7

Nduyɛ, le mɛɛ simlacinɔ vanaa laalannda bɛnda mò nɔ hɔlten baala Hala-o coo yɛ, o bɛnda mò va vana yaalan too: o va vana yonga le, o va vana nɛi kɔl itambu loo le. O va vana yɔngun mɔiyan-ndo le, o va vana lasɔngɔ le, o va vana hɔlte ɲɛ-sɔlaa le.

Misee 3:11

Vanaa ndɔa kialaa n'yamaa co luɛyɔɔninndo cɛlɔɔ o yaman nda co kiolɔɔ-o nin. Vanaa-solia-lasálàà ndaa co vannda pɛɛkoo le salaa sɔlaa kínɛí. Vanaa-tɛɛngaa-diom Hala-a ndaa bɛɛ, le volion koni nda co nin sɔɔn vaa siɔdii dimio ni. Nda yɛ, à co cɔnnɔnndo maa le Mɛlɛka nda co ni. A co dimio aa: ‹Mɛlɛka co naa ikɛi, dɛnɛ palaa kɛ́-kɛ̀ tulnin naa coo le.›

Misee 3:5

«Ɲɛ Mɛlɛka dimi le vanaa-tɛɛngaa-diom halaa lacòòvaa co vanaa ndɔa laasiaa-a-o co hoo ni: ‹Te vana ke nda dɔ́ɔ́ pɛ ɲɛ nda miaanun-ndo, à dimi yoongu kɔlɲuloo. Kɛ te vana ke nda mel nda ɲɛdiaa o sondo le, à ciŋilan vana kon a sɛɛngianndo.›

Cɛɛŋɔnnda Yeremi lan 4:13

Dɛnɛ palaa kon yɔŋnun le hakila vanaa-tɛɛngaa-diom Hala-a a dɛnnda vɔɔnnda vanaa-solia-lasálàá tosa lan. Nda diw vanaa sandaa o kobi kon nin ni.

Yeremi 32:32

Israɛlla a Yudaa tɛɛmbuu ya kɔllo a dɛnnda vɔɔnnda nda tosa lan. Nda pila, masaa ndaa, simlacia ndaa, vanaa-solia-lasálàà ndaa a vanaa-tɛɛngaa-diom Hala-a ndaa, vannda Yuda a vanaa co Yerusalɛm-nda.

Yeremi 5:31

Vanaa-tɛɛngaa-diom Hala-a co sɔɛi o diola hala fondoo, vanaa-solia-lasálàá nda co tɔnɔ ndaa nuwviaa tuŋ. Ɲɛ hɛnan yɛ vanaa niaa-o co kon ni. Kɛ nduyɛ o mɛɛlulan, vɛɛ niaa yɔŋ yɛnin?›»

SƐBƐ YƆB-O 31:10

màá laa nuu cul caaŋaa celen, mì vanpiaandua celen a sina ndu vanalanɔ!

Esai 57:17

Le ɲɛm vannda poondiaa a kafalan-ndon mí tambu kɔl a nda, mí soaŋ nda, mí viannun o kɔl ni tambɛiyo nin, kɛ vanaa nila kalua nda co ni, a co hiovɔɔ laci a kɔlan o nɛi kɔl ndaa coo.

Yeremi 14:18

Te i kɔɛ pɛ yondoo nin, vanvílɛ́iya tuŋ ya saalun ni, a cɔwvo co diwvo-a. Te i kɔɛ pɛ ciee, vanvílɛ́iya tuŋ ya ca ni, vanaa-tɛɛngaa-diom Hala-a a vanaa-solia-lasálàá co kelanndo o lɛŋnden nin, ɲɛ-ɲɛ bɛɛ a co bila biyɔɔ le.»

Yeremi 17:11

Maa sɔɔ kuumbun o pelta o dow le lan coo-o vana co bolofaa sɔlaa o kafalan nin-ndo co ni. O tiiya pɛ o yoomu ndɔɔ tɛɛn, o mɛi bolofaa kalaa, o mɛɛlulan, o hiŋnun bollen.»

Yeremi 22:17

Kɛ nɔm yɛ, tɔnɔ nɔmndo daama n nɔ hɔlten coo ni. A co vanaa tɛɛmbuu isɔɔ le-a diwvo, mà va delɔɔcoo a kafalan tosaa.»

Yeremi 38:22

a kɔanin a vanlaandua co vɔ o cɛi lemasaa Yuda nin-nda kpow o simlacia masaa Babilɔn-ndo, o kon mà solul nɔm condei aa: «Bàà lekɛ́ndɛi nda bii nɔm o mɛnndan nin ni, caaŋaa nɔmaa kan pɛɛn. Nɔm óò ciiyo pelon lueiyo o loolio nin, má kialun nɔm kɔɔli.»

Yeremi 42:1

O kon, mí simlacia vanaa cɔwva kpow a sɔɔnguu, handɔɔ Yohanan po Karea-o a Yesania po Hosaya-o a vannda kpow coo, kandɔɔ a cuaambɔa kɔ bii a kaasonnda,

Misee 2:4

Paale len le hun tiiya pɛ, vannda diminin taloo a niaa o sondo, mà soli condii imɔnɛi aa: ‹Mbɔ̀ naa n cuu itambu! Yondola naalan a ɲɛm nan cuu naa hiɔlɔn. Yaamɔaa naa cii mun piɔvan. Le yɛɛ nda co yɛ naa mun hiɔlɔɔ o ba?›

Habakuk 1:6

I co vannda vomɔɔ fulaa Babilɔn, kani nda nɔ iɲíí le, a nɛi vɛlɛ kɔl fula le. A kei kan vannda delɔɔ coo, mà poondiaa ɲɛm ndan-nda pɛɛn.

Yeremi 14:14

Mí Mɛlɛka mulul-la aa: «Vanaa-tɛɛngaa-diom Hala-a kan co dimio aa o diola nilan nda co sɔɛi ni. Còòlan fúú. O co ya le vem nda le, i dimul nda ɲɛ-ɲɛ le, sɔɔn fondon fúú nda co dimio a siɔdii lacio o kɔɔ ni, sɔɔn nda pila toosiaa le vannda palaa-on daama ni.