Yeremi 8:1 - BII BILA

¹ O kon mí Mɛlɛka dimi aa: «O telen kon, a solinin paala masaa Yuda o sɛila ndalan nin, mà soli paala simlacia ndaa, paala vanaa-solia-lasálàá, paala vanaa-tɛɛngaa-diom Hala-a a paala vannda Yerusalɛm.

Yeremi 8:1 Referans Kwoze

Esekiɛl 6:5

I mɛlinin Israɛlla a vílɛ́iya o piɔmaa ndaa hɔl-ndɔ, mì sɛŋi paala ndalan o máánnda ndalan balɔɔ pindo.

Amɔs 2:1

Nuaa Mɛlɛka soo ni aa: «Le yɔŋnda vɔɔnnda yàála vannda Moab a tosa lan, le yɔŋnda vɔɔnnda nda tosa háá tan hiɔɔlu lan, ɲɛ ya kelu le nda tuisio coo-o, i faŋannin lecoo le! Kani a lom paala masa Edɔmnda kpúlúká, mí la siŋnun pultan.

Esekiɛl 37:1

Mí ba kpaaya Mɛlɛka-o toal-la coo, mí kɔl Mɛlɛka-o cua ya o yiyanndo nin, mó kɔ kɛsi ya o bóllo tɛɛn, ból kon va o piaa cá a paalan.

2Masaa 23:20

Mó kili vanaa-solia-lasálàá soolaa n'tombua va lon-nda kpow bololan o fondala-loamaa-lasálàla lan coo. O kon, mó loam paala vanndacieea lecoo. O kon kɔɔli mó muungun Yerusalɛm.

2Masaa 23:16

Yosia ndóò mulinndo, mó ca sɛila va o pembei coo lan, mó viam vannda le kɔlan hunɔɔ a paala va o sɛila lan nin-ndan, mó loam ndan o fonda-loamaa-lasálàá coo, mó nɔɔliaa ndu mɛɛ diom Mɛlɛka ndóò dimi-o va yɛ, o vana-tɛɛngaa-diom Hala-o-o ndóò yonda-o pɛɛn. Sɔɔn ndóò dimi-on kpeekpei n yɔŋnun mún ni.

1Masaa 13:2

Mí vana-tɛɛngaa-diom Hala kon yonda o fonda-loamaa-lasálàá coo mɛɛ Mɛlɛka dimul ndu le yondaa yɛ, mó dimi aa: «Fonda-loamaa-lasálàá! Fonda-loamaa-lasálàá! Nuaa Mɛlɛka dimi ni aa: ‹Hɔ́ɔ́ piaandoo pum vialunnin o yungu David-o nin, o nɔnin diolan aa Yosia. O solinin vanaa co sálàlan solio o máánndan coo-a sálà nɔm coo, a co haa cuɛima cun kɛndɛan lomɔɔ nɔm coo-a pɛɛn, vannda loamnin vɛlɛ paala vanndacieea nɔm coo.›»

2Masaa 9:37

Ɲɛ tɔ̀ co lo-o saŋnunnin yondoo nin Yisreɛl lon maa puulu sál. Vana nɔlanin bɛɛ dimio le aa Yesabɛl co hoo ni.›»

Condii lisai 53:5

Hala dimi aa: «Vanaa co kan dɛnnda vɔɔnnda lan tosaa-a kpow a nɔ kɔlkalu le. Á co kan yungu nuu dioo mɛɛ vana dia ɲɛdiaa nuaa yɛ-a, à co bɛɛ ya Hala piɛi le.»

Yeremi 14:16

Vanaa nda co siɔdii laci kon dimullo-a yɛ, a delinin o nɛilan Yerusalɛm coo a cɔwvo a á yima fofolan. Vana-vana venin le laandaa ndaa, poaa ndaa, te kon te cuavaa ndaa laandua kumbɔɔ le. Lende ya cuiŋinin dɛnɛ nda vɔɔndo nda pila coo ni.

Esekiɛl 6:4

Máánnda niaalan la tambunin, bonyun fuusan niaan piɔsinin mì diw vanaa niaa má deli o piɔmaa niaa hɔl-ndɔ.