Yeremi 7:6 - BII BILA

⁶ te la saangiaa miallo le, mì la saangiaa vííyo a vanalanɔ pɔnɔ ndɔ vi-o le, te la dii vana tɛɛmbuu isɔɔ loo le, te la mulin halaa celen kɔɔli le niaa pila dɛnɛ palaa tuisinndo coo le,

Yeremi 7:6 Referans Kwoze

Yeremi 13:10

Nduyɛ vanaa vɔɔŋaa co kɛɔ nilan yaŋɔɔ o sɔɛi nii, mà va yiyannda nda pila lan tosaa le yiinɔnndo a halaa celennda nda co ni, a co nda vɛlɛ vulan baŋɔɔ o labɛngunin le nda sooloo. Màá vanaa kalaa muungu maa yáwlen nden, le nɛŋi lɛ len ɲɛ-ɲɛ le len!

Tɔŋ miingua 8:19

Kɛ te la pɔɛɛnun pɛ Mɛlɛka Hala niaa, te la sooluu pɛ halaa fondoa, te la tosal pɛ nda vallo mì la baŋ vulan nda o labɛngunin, i co niaa ndi dimul hau, la vunin kpow.

Tɔŋ miingua 11:28

Kɛ te la bii tɔŋnda Mɛlɛka Hala niaa le, te la faŋan pɛ o nɛi ya pila cɔm niaa hau-vo coo, mì la holnun halaa celeŋaa niaa sina le-a, mɛɛ dangaa niaa hɛli lende ni.

Yeremi 2:34

Kooma vanaa tɛɛmbuu isɔɔ le-a ma suinun o domala niaalan kpengon. Nduyɛ, o co o diola niaa bɛŋi le niaa bii nda le.

Nsaki 1:27

Dina diandaa, o nɔ sɔŋ Hala Fuɲaa o hɔl too, ndu co le vííya a vanlaandua vii piaandua-a yilɔɔ le sangala ndalan ni, a vana pila mandanndo le dɛnnda nɔɔlɛila ceendo ho.

Malasi 3:5

I sɔɔnguunin niaa ikɛi le yamɛi kiolɔɔ, i keleŋanin mì kɔ tɛndal vanaa viamaa yavaa a vanaa suundɛiya seilen. I tɛndalnin vanaa mɛɛnian mɛɛniannda fondolan-nda seilen, mì tɛndal vɛlɛ vanaa kɛɛ le sala vanaa baalaa yɔngoo-a seilen. Nda koni kuunan ɲɛm vííya a ɲɛm vanlaandua piandaa ndaa vi-a coo ni. Nda kan koni yii mialla dúmbú le nda palaa ni. A nɔ isiòòn a ya le. Ya Mɛlɛka-Nɔ-Kpaayaa-Kpow-vo dimi lende ni.»

Yeremi 19:4

Kani a kɛɛ ya, má nɔɔliaa fondaa ho o halaa celennda sálàlan solullo, halaa nda pila, fuɲaa ndaa mamaa a masaa Yuda a sina le-a pɛɛn. Má pei fondaa ho a kooma vanaa tɛɛmbuu isɔɔ le-a.

Esai 59:7

Peelun ndan co kiltan le dɛnɛ vɔɔndo tosaa, a co keleŋaa le kɔlan vanaa tɛɛmbuu isɔɔ le-a diwvo. Yiyannda ndalan kpow la sendu le. Dɛnɛ tambɛiyo a ɲɛm tambɛiyon co o nɛila ndalan coo.

Tɔŋ miingua 27:19

Màá dangaa va vana kilul miallo, vííyo a vanalanɔ pɔnɔ ndɔ vi-o yamɛi lakafɛi-yo coo! Vannda kpow a cɛlnin aa: ‹Amiina!›

Tɔŋ miingua 24:17

La kilul miallo, te kon te vííyo yamɛi a kafalan te. La bii ɲɛ cuɛinan vanalanɔ pɔnɔ ndɔ vi-o o landei nin te.

Matie 27:25

Mí vannda kpow a muli aa: «Sɔɛi piɔ́m ndɔɔ va naa pila a cuavaa naa coo!»

Matie 27:4

Mó dimul nda aa: «I tosa yɔŋ vɔɔndo le vana tɛɛmbuu isɔɔ loo malɔɔ vannda o ba le ndu diyɔɔ.» Kɛ má mulul ndu aa: «O co sɔɛi naa le co ken te! Nɔm sina ken ni!»

Esekiɛl 18:6

o co n'kúlù dio o pembon coo loo, o co lahɔl heelu le piɔmaa cuavaa Israɛlla sooluu loo, o co lanɔ pilaa luɛyɔɔ nin too, o co vanalanɔɔ sɔɔnguu ikɛi telen vanalanɔ kon co o paangii ndɔɛi nin-ndo loo,

Cɛɛŋɔnnda Yeremi lan 4:13

Dɛnɛ palaa kon yɔŋnun le hakila vanaa-tɛɛngaa-diom Hala-a a dɛnnda vɔɔnnda vanaa-solia-lasálàá tosa lan. Nda diw vanaa sandaa o kobi kon nin ni.

Yeremi 26:23

Má kɔ bii ndu Esipte lon, má kɔa a ndu o masaa lo. Mí Yehoyakim dii ndu, mó viaw dialun ndɔn o soon nda kumbu nin vanaa celen nin-ndo nin.

Yeremi 26:15

Kɛ nduyɛ, te la dii ya pɛ vana tɛɛmbuu isɔɔ loo, niaa, kobio ho a vanaa co lenin-nda kpow sɔɛi ken co va o lebol ni. Kani lekɛ́ndɛi, Mɛlɛka vem ya o niaa lo ni, le niaa sɔɔn mun dimullo mì la tuei mun.»

Yeremi 7:5

Te la kela pɛ kela kɛndɔɔ, mì la bɛɛndiaa dɛnnda niaalan, te la tosal pɛ vannda a pilɛn-pilɛnnda dɛnɛ sandaa,

Yeremi 2:30

I diw poaa niaa, kɛ sangan fondo fúú, kani a bii sila nuu le. Mí la diw vanaa-tɛɛngaa-diom Hala-a niaa maa yàlàá kɔltuw.

Condii lisai 106:38

Má soli kooma vanaa tɛɛmbuu isɔɔ le-a sálà, koma poaa ndaa a ma cuavaa ndaa laandua pɛɛn, a nda solul piɔmaa va o lɛŋnde Kanaan-nden nin-nda sálàlan-nda. Mí lɛŋnde len le luɛi o màálan bɛngu a kooma ndan.

2Masaa 24:4

a le kooma vanaa ndóò diw mí ndóò pei Yerusalɛm a man-ndan. Nduyɛ vanaa kan ndáà tɛɛmbuu isɔɔ le. Mɛlɛka cɛl le haki kon malɔɔ le few.

2Masaa 21:6

Mó soli vɛlɛ bɛɛ po ndɔɔ sálà, mó loam ndu o yin. Mó va yavalan vomɔɔ, mó handu vanaa soaa a vanvílɛ́iya-a a mandea súúlan kpow. Lende o va kɔlan a hiyanndo a dɛnnda nɛinun Mɛlɛka lan tosaa ni, mí Mɛlɛka tuulu kɔllo a ndu.

Tɔŋ lasálàá 25:17

La hiŋ pilacieaa niaa hɔlla le, la nɔ́ siòòŋii Hala niaa. Ya co Mɛlɛka ni, Hala niaa pɛɛn.

Yeremi 5:28

A luɛi cuɛiyan, má celul celoo pila. À nɔ lapɛɛngu o dɛnɛ vɔɔndo tosaa nin te. À kilu yaman sandaa le. À suu le vííya dí ndaa yɔngu le, te ndáà soaa pɛ le nda, vííya va dí ndaa sɔla. À cue sɔɛi vanaa bala fondoa balan latiɔn te.›

Yeremi 7:9

La co vuilen, vannda diwvo, suundaa, la co mɛɛniannda fondolan, la co Baal sálàlan solullo, la co kɔlan halaa celen kɔɔli, a niaa sina le-a!

Yeremi 35:15

O co lɛhau le ya co niaa vanaa nia baalaa, vanaa-tɛɛngaa-diom Hala-a vim-ndo, le niaa kɔlan dimullo aa: ‹Vana-vana mangala kela ndɔ vɔɔndo, mò tosa dɛnɛ kɛndɔɔ. La del halaa celennda kɔɔli le nda sooloo le. O kon la tiwba mi la cal o lɛŋnde ya yɔngu niaa a fuɲaa niaa mamaa len nin.› Kɛ la tui ya diom te.

Esekiɛl 22:7

O nɔm nin, vannda co fuɲaa ndaa a kalaa ndaa tɛɛndanndo. O nɔm ndo, vannda co mialla delɔɔ coo, a co vííya a vanlaandua piaandaa ndaa vi-a saangiaa le nda tɔnɔɔ solio o n'dial.

Tɔŋ lasálàá 19:33

Te miallo hin pɛ le calle o lɛŋnde niaalen nin, la sáángiàà ndu le tɔnɔɔ sɔlaa o sanga ndɔ kon nin te.

Talelan 23:10

Fáŋà powta nda handu sindɛ o pɛɛngulan-ndan ma dɔɔnial vííyo lɛŋnde ndɔlen te.