Diom Mɛlɛka dimi-o co hoo ni aa: La tosa dɛnɛ sandaa mì la kela o toɲaa coo. La baŋa vana nda co saangiaa-o vana co ndu saangiaa-o o ba. La pala miallo le, la pala vííyo a vanalanɔ pɔnɔ ndɔ vi-o le, la del nda coo mì la tosal nda lakafa le. La pɛngi vanaa tɛɛmbuu isɔɔ le-a diwvo o fondaa ho.
mò tosal vana ikɔɔ dɛnɛ kɔlvesɛi le, mò mel kuee te kon te dɔndɔɔ le ndu mingul a tɔnɔ bɛndu le, mò bii tɔŋnda nilan, mò kela o silala nilan coo, hɔ́ɔ́ vaa lende vinin le haki fuɲa ndɔ-o le. A toɲa, o viawnin yoomu lekɛ́ndɛi.
Lelan a diminin aa: «La yɔngu naa silaa, la kiolu isɔɔ o kɔl niaa nin! La kumbu naa a vunduma niaan a paale kalalen mɛɛ ɲumndan ma kumbu vana yɛ. La vion vanaa nda co tovɔɔ-a, la yii vana co o ɲaanɔnndo nin-ndo dúmbú le!
Yungu David-o! Diom Mɛlɛka dimi-o co hoo ni aa: ‹La va dɛnɛ sandaa tosaa kandɔɔ idii. La soli vanaa nda co saangiaa-a vanaa co nda saangiaa-a o ba, yɔŋii kɔl ni tuwvo bii maa leyin, vana nɔlanin nden ɲumio le, le dɛnnda vɔɔnnda niaa co tosaa lan.
Vɛ̀ɛ̀ a yeema ma cɔm maa masaa n co ni, mà tosa baalaa a yɔm sɛɛdreo haliko ma va teengen? Fuɲa va dioo a kolɔɔ maa caanda. Kɛ o va dɛnɛ sandaa a sakpoyɛi tosaa, ɛɛ nduyɛ, ɲɛ-ɲɛ va kɔlan o kɛndɛ ndu o ba.
Sɔɔn mun Mɛlɛka ndóò dimul sindɛ vanaa-tɛɛngaa-diom Hala-a le vannda tɛɛngullo ni. Tuma kon, vannda va icali Yerusalɛm taw, a vannun nila ɲulu a kobila balu Yerusalɛm-ndan, a o tàndá co a ba too-o nin, haa vannun vɛlɛ icali nila ɲulu o tàndá ladɛɛlaa nin.