Yeremi 7:34 - BII BILA

³⁴ I kuunanin kɔlkɛndɔɔ a ɲaaloo o kobila Yuda lan nin a o nɛilan Yerusalɛm coo, mì kuuna condun cuaa laandua soli le vanaa nda yeema-a-on a n poaa piaandua bɛɛ soli le a nda yeema-a-on, kani lɛŋnden le muungunin bémbélan kposon.»

Yeremi 7:34 Referans Kwoze

Dɛnnda cɔɔmuanndan 18:23

Vana ci lɛnin ɲɛ-tengaa fitina lon te, diom vana cua lanɔɔ sɛnɛi-yo te kon te vana cal o nɔu sɛnɛi-yo tuinun ndɛnin ndon te. Kani yulaa ndɔa va vanaa bɛndua o lɛŋnden coo ni, mí vanaa-mangalaa-isɔɔa kpow a luɛi o pɔwlan nin a kueile nɔmnden.

Osee 2:11

Lelan, i co malun nun poonda o telen koavaa, mì puu mɔima nian o telen mamɔiyo. I co vɛlɛ kola ni toosian a yiiŋii saa-o a kola keese ni va ndu siɛmbulan kumbɔɔ-o yuunda.

Esekiɛl 26:13

I kpaanin vɔkɔ-vɔkɔ n'condu nɔmndo, vana tui lɛnin bangala nɔmndan diom te.

Yeremi 25:10

I co vɔkɔ-vɔkɔ lakafo niaa, yoondiaala kɔlkɛndɛla niaalan a condun felengia co nɔlan kilaa sɛnɛi-ya cii, mì ɲumi diom lasunndo o cieon nin a ɲɛ-tengaa fitinaa.

Yeremi 16:9

Kani o ya Mɛlɛka-Nɔ-Kpaayaa-Kpow-vo, Hala Israɛl-lo dimi-o co hoo ni aa: ‹I co vɔkɔ-vɔkɔ lakafo ndaa ɲumi, mì ɲumi yoondiaala ɲaalela ndalan a condun felengia co nɔlan kila sɛnɛiyo-a. La va vɔnin icali mì la ce ken ciŋ.›»

Esai 1:7

Lɛŋnde niaalen le tambu, kobila niaalan la ŋɔɛ kpow a yinnden, mialla co yondola niaalan tɛɛmbuuo niaa pila o hɔl, a co lan laasiaa a lan tɛɛmbuuo a labɛɛla, maa vanaa luɛi a paa-kala le ɲɔɔn tɛɛmbuuo-a.

Tɔŋ lasálàá 26:33

I saŋnin niaa vanaa-mangalaa-isɔɔa tɛɛn, lɛŋnde niaalen le lonin fondo, mì kobila niaalan la siŋnun pɔmndan.

Misee 7:13

Lɛŋnden le dɔawnunnin yɛɛvɛ le kela vɔɔn vanndacieea co lecoo-a.

Yeremi 4:27

Kani diom Mɛlɛka dimi-o co hoo ni aa: «Lɛŋnden kpow le dɔawnunnin yɛɛvɛ, kɛ i tɛɛmbuunin nden kpede le.

Esai 3:26

Diola luɛyaala kpakio Siɔn la dɔawnunnin ɲinkon yɛɛvɛ, mì dɛnɛ palaa tol tan coo. Kobi kon tambunin mì vanaa co lenin-nda cal lɛŋ vɔyɔn!»

Yeremi 33:10

Diom Mɛlɛka dimi-o co hoo ni aa: «Niaa vannda Yuda, la co dimio aa: ‹Lɛŋnden nden le vesa, vanaciee co lɛ lenin te, visia co lɛ lenin te.›» A toɲa, vanndacieea a visia co lɛ o tàndá Yuda-o a o nɛila Yerusalɛm-ndan coo le. Kɛ nduyɛ, vana hun tuɛinin vɛlɛ

Esai 6:11

O kon mí ɲuna aa: «Háá telen kuɛɛ nɛ, Maalii?» Mó muli aa: «Háá telen kobilan la tambunin, mì vanaciee ve lɛ icali lenin too, háá telen cɛilan la lonnunnin fondo mì lɛŋnden le lo yolɛ, mi le siɔŋ-ndo,

Condii lisai 78:63

Mí yinnden le loam langbaa felengia, vana-vana condu lɛ le felengia laandua le.

Yeremi 22:6

Diom Mɛlɛka dimi a cɛi lemasaa Yuda-o co hoo ni aa: ‹A naŋ bɛɛ ya o hɔl maa bundɛlan Kalaad, te kon te maa tul pembon Liban, kɛ i co nɔm mingi lɛŋnde veselɛilen, kobi vannda piow-vo.

Yeremi 27:17

La yaŋnun nda le, la tosal masaa Babilɔn baalaa, mì la baŋa yoomu niaa. Le yɛɛ niaa cɛl-lɛnin mì kobio ho muungu bémbélan?›»

Yeremi 44:6

O kon mí kɔl ni tuwvo saŋnun o kobilan Yuda a o nɛila bɛndulan Yerusalɛm coo maa leyin, hau kobila lan la siŋnun pɔmndan, vannda piow lan mɛɛ niaa sina yɛ.

Cɛɛŋɔnnda Yeremi lan 5:14

Kaasoŋaa kɔlkalua co lɛ lakɔ o fonda dimia nsɔɔ le, felengia piaandua bɛɛ co lɛ n'condu soli le.

SƐBƐ YƆB-O 3:7

A toɲa, màá máà va ɲumma nɛŋi makoo-mako lean, haliko vana-vana óò yonda yonda a kɔlkɛndɛ lenin te!

Yeremi 4:26

Mí tofa, mí ca lɛŋnde Karmɛl-ten le muungu lɛŋnde veselɛilen, kobila ndɔlan kpow la tambu a kɔltuw Mɛlɛka-o.

Yeremi 33:11

yoondiaala kɔlkɛndɛlan, a kponyolan, vana hun tuɛinin vɛlɛ condun vanaa co nɔlan kilaa sɛnɛi-ya a vanaa vanin hunɔɔ a sálàla malaa balikalan o Cɛi-Hala-o nin-nda. A vanin dimio aa: La biilu Mɛlɛka-Nɔ-Kpaayaa-Kpow-vo, kani Mɛlɛka naŋ, ɲíí ndɔɛi co le lɔ́ɔ́-lɔ́ɔ̀!› A toɲa, i minginin lɛŋnden nden mɛɛ le va o tasendɔ yɛ, diom Mɛlɛka dimi-o co kon ni.»

Esekiɛl 7:11

Dɛnɛ vɔɔndo cɛn mó siŋnun siondoole kɔlvesɛi len. Ɲɛ-ɲɛ lo lɛnin o nda tɛɛn te. Ɲɛ-ɲɛ lo lɛnin o bɔɔluu vɔkɔ-vɔkɔ ndaa nin te, ɲɛ-ɲɛ lo lɛnin o sɛ́lɛ́ nda kaakuu kon tɛɛn te! Vana co koŋul nda coo le.

Osee 2:13

I tɛɛmbuunin kɔlkɛndɛ ndɔɔ, mì kuuna kafola ndɔlan, kɔlkɛndɛ ndɔ paangun sɛnɛiyo, kafola ndɔla paale pɛngiaalan a cuungiannda ndɔla kɔlkɛndɛlan kpow.