Yeremi 7:33 - BII BILA

³³ Dialun vílɛ́in vannda ha vanin ɲɛdiaa yowva coocoo a visia yondoa ni, vana-vana venin ndon le nda kpeeŋiaa le.

Yeremi 7:33 Referans Kwoze

Yeremi 12:9

Vɛ̀ɛ̀ vanaa va le ya-a siŋnun yow kɛndɛ-kɛndɛ yovaa biyaa co hoo hinullo-o ni? ‹La kɔ mɔɔsiaa visia yondoa kpow, mì la hin a nda le ɲɛdiaa!›

Tɔŋ miingua 28:26

Vanaa vunin o niaa tɛɛn-nda siŋnunnin balo yowva coocoo kpow a balo visia o lɛŋnden coo kpow. Kani vana venin le nda tovɔɔ lecoo le.

Esekiɛl 39:4

O kon, nɔm pila, vanaa nɔmaa cɔwva kpow a vanaa vanin a nɔm latulu-a, la delinin a vílɛ́iya o pembon Israɛl coo. I yɔngunin yovaa biyaa, yovaa súú-súù ka a visia yondoa dialun niaan mà dɔwnun balo a mun.

Yeremi 34:20

I malnin nda yaamɔaa ndaa o ba, vanaa yeema le nda diyɔɔ-a pɛɛn! Mì vanvílɛ́yaa ndaa siŋnun balo yowva coocoo a visia o lɛŋnden coo.

Yeremi 25:33

Paale len, cɔn o lɛŋnden kpengei kɔ bii o lɛŋnden mɛɛlulan, vanaa vunin-nda sɔlanin caŋ te, a sɔlanin cɔwviaa le, a sɔlanin kumbɔɔ le, lende nda lonin a malaa ni, mà sɛ o lɛŋnden coo.

Yeremi 22:19

A kumbunin ndu maa sofɛlɛ. A nannin kɔɔle ndɔlen mà kɔ viow len o kobio kɔɔli polon.»

Yeremi 19:7

O fonda kon ya tɛɛmbuunin tuula Yerusalɛm ndan a tuula Yuda lan ni. Mì tosa mì yaamɔaa ndaa diw nda o cɔwvo, mì yɔngu duàá a tivolla dialun ndan, mà de mun.

Yeremi 16:4

Nàà piɔ́mndo biinin nda mà vi, vana venin le nda caŋ te, a sɔlanin kumbɔɔ le. Lende nda lonin ni mà siŋnun kɔmbɔɔsio lɛŋ. Cɔwvo a yima fofolan ma diwnin nda ni, mì duàá a tivolla de dialun ndan.»

Yeremi 9:22

O Mɛlɛka dimi-o co hoo ni aa: «Vana kɔlkaloo lisan le kɔlkalu ndɔɔ le, vana mayoomoo lisan le yoomuma ndɔan te, vana bolofaa lisan le bolofaa ndɔɔ le.

Esai 18:6

Kon kpede malnunnin le yovaa biyaa co o pembon coo-a, a le visia yondoa co o lɛŋnden coo-a. Yovaa biyaa tosanin vɔɔlen lecoo, mì visia yondoa tosa sialten lecoo.

Yeremi 14:16

Vanaa nda co siɔdii laci kon dimullo-a yɛ, a delinin o nɛilan Yerusalɛm coo a cɔwvo a á yima fofolan. Vana-vana venin le laandaa ndaa, poaa ndaa, te kon te cuavaa ndaa laandua kumbɔɔ le. Lende ya cuiŋinin dɛnɛ nda vɔɔndo nda pila coo ni.

Yeremi 15:3

O nɛila hiɔɔlula lan coo ya co nda simul ni, ya Mɛlɛka dimi lende ni, a vunin o mɔɛi cɔwve bɛngu, mì tunnda sasu nda, mà yɛɛ nda lándán. O mɛɛlulan, mì duàá a tivolla de nda kpede.

Esekiɛl 29:5

I co nɔm viovɔɔ a suvaa co kan o peela nɔmndan nin-nda kpede o lɛŋnde veselɛilen nin. I viow nɔm pɛ, a kɔ del lɛŋ o pollo nin, vana-vana kɔ cɔwviaanin nɔm te, vana-vana kɔ koondiaanin nɔm le nɔm kumbɔɔ le. I malnin nɔm visia yondoa a yowva coocoo o sondo mà de nɔm.

Tɔŋ miingua 8:20

Te la tosa pɛ lende, la cuunin vu maa vanaa-mangalaa-isɔɔa Mɛlɛka Hala niaa toawnin niaa laci-a, kani la biinin diom ndɔɔ le.»

Yeremi 9:21

Dimul nda maa sɔɛi fula Mɛlɛka o sondo-e co hee ni aa: «Vanvílɛ́iya delinin mɛɛ kɔmbɔɔsio co o tiuvaa lɛŋ yondoo nin nuaa yɛ, mɛɛ yasalan la deli vanaa koavaa kɔɔli yɛ, la vana-vana co cɔwviaa le lan.»