Yeremi 7:32 - BII BILA

³² Lelan, sɔɛi fula ya Mɛlɛka o sondo-e co hee ni aa: Paale co tiiya, vana-vana dimi lɛnin aa: ‹Tofɛt› le, te kon te aa: ‹Bóllo Bɛn-Hinnɔm› te, kɛ vannda diminin aa: ‹Ból diuvaa n'vanndo›. Tofɛt yɛ, lon nda vanin vanvílɛ́iya kumbɔɔ ni, kani fonda celen venin te.

Yeremi 7:32 Referans Kwoze

Yeremi 19:11

«Diom Mɛlɛka-Nɔ-Kpaayaa-Kpow-vo dimi-o co hoo ni aa: ‹Mɛɛ ya pɛl kpɛɛnɛi he nuaa yɛ ya pialnin vannda o kobio ho nin ni, i nɔla lɛ toosian te.› A kumbunin vanvílɛ́iya Tofɛt lon, kani fonda celen venin te.

Yeremi 19:6

Lelan, mí Mɛlɛka dimi aa: «Paale co hunɔɔ, fondaa ho veelun ndɛnin aa: «Tofɛt», te kon te «Bóllo Bɛn-Hinnɔm» te, kɛ o veelunnin aa: «Ból diuvaa n'vanndo».

2Masaa 23:10

Mí masaa Yosia tɛɛmbuu Tofɛt, fonda-loamaa-lasálà va o bóllo Bɛn-Hinnɔm nin-ndo, haliko vana-vana ndóò kɔa lɛ a hɔ́ɔ́ ndɔɔ lon le ndu sálàá solio o piɔmndo Molɛk le.

Yeremi 19:13

Cɛilan Yerusalɛm, a cɛila masaa Yuda la siŋnunnin ɲɛ nɔɔlɛiyo maa Tofɛt, cɛila kɛ́-kɛ̀ nda va lan sálàlan lomɔɔ o yindɔla ndalan coo le loeon, ma va halaa celennda ansan a sálàla mamɔilan solullo lan pɛɛn.»

Yeremi 7:31

Má tangul tombon Tofɛt, o Bóllo Bɛn-Hinnɔm nin le poaa ndaa a cuavaa ndaa lomɔɔ o yin. O co dɛnɛ ya dimul nda le tosa le co kon te, kabi bɛɛ yiyan kon del-la o kɔl te.

Tɔŋ lasálàá 26:30

La nɛinunnin ya háá mì tɛɛmbuu sooluula niaalan, mì pesi máánnda niaala niaa loam ansan coo lan, mì handu niaa a vílɛ́iya o piɔmaa niaa piɔsiɛiya coo.

Yeremi 19:2

Mà fula o dio Kpɛɛnɛn Piɔlɛiyo, mà kɔɛ o Bóllo Bɛn-Hinnɔm nin, mà yonda sɔɛi ya dimulnin nɔm-nde lon.

Yeremi 31:40

Ból vanvílɛ́iya a ból lapullo kpede, keiyo a fondala helaalan kɔlan fulaa a bóllo Sedrɔn, kɔlan tiiyaa háá o sɔngilen o Dio-soa a ba paalen le can-ndo kpow vanin le Mɛlɛka ni. Ɲɛ-ɲɛ faŋan ndɛnin lecoo le, ɲɛ-ɲɛ sungun ndɛnin le fɛɛn a fɛɛn te.»

Esekiɛl 6:4

Máánnda niaalan la tambunin, bonyun fuusan niaan piɔsinin mì diw vanaa niaa má deli o piɔmaa niaa hɔl-ndɔ.