Yeremi 7:30 - BII BILA

³⁰ Le tùú vannda Yuda tosa ɲɛ bɛnda ya Mɛlɛka o hɔl too, sɔɛi fula Mɛlɛka o sondo-e co hee ni aa: A luei dɛnnda ndala nɔɔlɛilan o cɛi ni diola nilan la co veelɔnndo nin-ndo nin, le ndu nɔɔliaa.

Yeremi 7:30 Referans Kwoze

Esekiɛl 7:20

Má kuundian le bolofaa sɔvɛ bɛndu ndáà nɔ-o, má cɔaw piɔmaa lamàà a ɲɛm ndan nɔɔlɛin mun. Lelan ya bɛɛ siinguunin ɲɛm mun ɲɛm nɔɔlɛiyon le laasian ndaa ni.

Yeremi 32:34

Má kɛsi ɲɛm lamáánndon o cɛi diola nilan la co veelɔnndo nin-ndo nin le ndu nɔɔliaa.

Daniɛl 9:27

O lɔ́ɔ́ pilɛ bɛngu, o yiinin kpema kàlà-kálàá a vannda taw. O tɛɛmbuunin sálàla n'cɔlulan a sálàla ɲɛm-vaalan o lɔ́ɔ́ táláá bɛngu. O telen kon bɛngu, o tosanin sɔɔn vɔɔŋun bɛndon háá telen kelun le mɛɛlula ndɔlan-ndo.›»

2Dɛnnda lemasalan 33:7

Má sel ndu piɔmndo, mó cua piɔm sialaa kon, mó kɔ luei ndu o Cɛi-Hala-o nin. Nduyɛ mí Mɛlɛka ndóò dimul David nda Salomɔn po ndɔ aa: «O Cɛiyo ho a o kobio Yerusalɛm nin ya vanin le lɔ́ɔ́-lɔ́ɔ̀ ni. Kobio ho ya hɛli o kobila polama Israɛlla tɛɛn ni, lon ya vanin vannda cɔmnɔnndo lɔ́ɔ́-lɔ́ɔ̀ ni.

2Masaa 21:7

Mó cua piɔmndo Astartee, mó kɔ luei ndu o Cɛi-Mɛlɛka-o nin. Nduyɛ, Cɛi kon Mɛlɛka ndóò dimul David nda Salomɔn po ndɔ ni aa: «O cɛiyo ho nin a o kobio Yerusalɛm nin, kobi ya hɛli kon o kobila polama tɔ́ a mamiɔmma Israɛlla tɛɛn-ndo diola nilan la vanin piɔlnɔnndo le fɛɛn a fɛɛn ni.

2Masaa 21:4

O kon kɔɔli, mó cɔaw fondala-loamaa-lasálàlan o Cɛi-Hala-o nin, nɛɛ Mɛlɛka ndóò dimi le cɔmnɔnndo ceen o kobio Yerusalɛm nin-nda pɛɛn.

Yeremi 23:11

Hali vanaa-tɛɛngaa-diom Hala-a a vanaa-solia-lasálàá a vow balan o laasiaa nin. Háá o cɛi nuu nin, foofola dɛnnda ndala vɔɔnndan la co lon.» Sɔɛi fula Mɛlɛka o sondo-e co ken ni.

2Dɛnnda lemasalan 33:15

Mó soli halaa celeŋaa a va o Cɛi-Mɛlɛka-o nin-nda a piɔm sialaa ndóò luei lon-ndo, mó pesipesi vɛlɛ máánnda ndóò cɔw o pembii Cɛi-Mɛlɛka-o coo lan, a la ndóò cɔw Yerusalɛm-ndan kpow, mó kɔ viaw lan o kobio kɔɔli.

2Masaa 23:12

Mó pesipesi fondala-loamaa-lasálàla va o cɛi coocoo Ahas-o coo lan, la masaa Yuda ndáà tangul tan pɛɛn, mó pesipesi vɛlɛ fondala-loamaa-lasálàla Manase ndóò tangul o bɛ́ɛ̀la tiɔnnda Cɛi-Mɛlɛka-o nin-ndan. Ndóò ciiyo lan pesipesio, mó kɔandu cundu kon, mó kɔ viaw ndu o bóllo Sedrɔn nin.

2Masaa 21:3

Mó mingi tombun Esekia fuɲa ndɔ ndóò puusiaa-on tangul, mó cɔaw fondala-loamaa-lasálàlan le Baal, mó cɔaw yɔm soolaa mɛɛ Akab masaa Israɛl ndóò tosa paandu yɛ, mó baŋ vulan ɲɛm pangelen co o halataala-on kpow o labɛngunin, mó sooluu mun.

2Dɛnnda lemasalan 33:3

Mó mingi tombun Esekia fuɲa ndɔ ndóò pesipesi-on tangul, mó cɔaw fondala-loamaa-lasálàlan le Baalla, mó cɔaw yɔmii soolɛi maa mɛɛ Akab va masaa Israɛl-lo ndóò tosa paandu yɛ. Mó baŋ vulan ɲɛm pangelen co o halataala-on o labɛngunin, mó sooluu mun.

Esai 66:4

Lelan ya bɛɛ, ɲɔɔ hɛnannin ya taw le dɛnɛ palaa ndaa. I tuisinin ɲɛ lueinin nda siòònde-o nda pila coo, kani i veelu kɛ vana pilɛ bɛɛ cɛl te. I soo, kɛ vana-vana yeŋ lani le. Nduyɛ má tosa ɲɛ co dɛnɛ vɔɔndo ya o hɔl-lo, mí ɲɔɔ hɛnan nda o dɛnɛ ya yeema loo tosaa nin.

Yeremi 16:18

I co nda sala dɛnnda ndala vɔɔnndan yɔngu bɛmbɛ lediin, kani a cii lɛŋnde nilen tɛɛmbuu, a cii kɛ́ nuu pei cá a piɔmaa ndaa lamàá-a.»

Yeremi 32:35

Má tangul tombon le Baal o bóllo Bɛn-Hinnɔm nin, le Molɛk poaa ndaa a cuavaa ndaa laandua sálà loamaa solullo. O co yɛ ya le dimul nda ken te, yiyan ni kue bɛɛ o ken te. O dɛnnda lamààla lan tosaa nda luei Yudaa o pɔwlan nin ni.

Daniɛl 11:31

O viamnin vanaa cɔwva mà hun nɔɔliaa cɛi-diandaa a kobi nda kunga a kpakio-o. A kuunanin sálà nda solul Mɛlɛka lepalaa-lepala-o, mà hun kɛsi mààla tɛɛmbualan ndon.

Esekiɛl 8:3

Mí ɲɛ kon siɛndi ɲɔɔ maa ba vanaciee, mó bii ya yiinde o lebol. Mí kɔl Hala-o faŋa ya o lɛŋnden coo, mí va lɛŋnden a halataalaa tɛɛn. Mó kɔa a ya Yerusalɛm o vunduma yilɛnndan nin, mó kɔa a ya háá o dio luɛyaa co lenin-ndo ikɛi, a kpengii ba luaŋ-ndo, nɛɛ piɔm paŋalaa va-a, o kpeeŋiaa paŋala Mɛlɛka-o-o pɛɛn.