Yeremi 7:29 - BII BILA

²⁹ Mɛlɛka dimi aa: «Kiolun yiinde, mà viow, hel o pembon coo mà cɛɛŋun! Niaa vannda paalen nden hau, niaa tuulu ya kɔllo ni, i yeema lɛ niaa le, i kɛɛ niaa.

Yeremi 7:29 Referans Kwoze

SƐBƐ YƆB-O 1:20

Yɔb ciiyo sɔɔn mun tueyɔɔ kpede, mó can tangban, mó sɛɛsiaa doma ndɔ bɛndoo ndu lekɔɔ, mó sendi tembello. O kon kɔɔli, mó del lɛŋ, mó baŋ vulan,

Misee 1:16

La suingin yiinde o lebol, la sendin tembeltan le poaa niaa niaa kaola-a taw-va. La sendin yungultan maa n'duàà, kani a kɔanin a poaa niaa o biyɔɔ nin niaa levil polon.»

Yeremi 6:30

A veelu nda aa: ‹Volin vɔɔnndon›, kani kɛɔ Mɛlɛka kɛɛ nda ni.

Yeremi 16:6

Vanaa bolofaa te kon te vanaa bala fondoa vunin o lɛŋnden nden nin, vana venin le nda kumbɔɔ le, vana venin le nda caŋ te. Vana-vana mɔnɛi biinin mò keŋnun vaasan lekɔɔ, te kon te mò sendin tembello le biisi ndaa le.

Dɛnnda kiilaa 2:40

Mí Piɛr dimul nda vɛlɛ sɔɔn celen taw, n pilan nda kɔltan mí n luei nda yoomuan-ndon. Mó sila nda aa: «La hiɔlun vanaa laasiannda ha!»

Matie 23:36

I co niaa toɲaa dimul, sɔɔn mun kpow n toalnin vanndacieea vaalio coo.»

Matie 16:4

Vanaa vɔɔnda a vanaa suundɛiya ha yeema le dɛnɛ kaamaa cɔu! Kɛ dɛnɛ kaamaa celen cɔmnunnin nda o dɛnɛ Yonas-o kɔɔli le.» O kon mó mɛi nda, mó kɔannun.

Matie 12:39

Mó mulul nda aa: «Vanndacieea paale haulen nden a vɔw bɔɔ! A lo o lediom coo a Hala le, a yeema le dɛnɛ kaamaa cɔu, kɛ a cinin o kɛ́-kɛ̀ faŋanndo o dɛnɛ kaama Yonas vana-tɛɛngaa-diom Hala-o kɔɔli le.

Matie 3:7

Nsaŋ ndóò cɔu maa Faliisia a Sadusea co hunɔɔ taw le yinɔɔ sɔlaa, mó dimul nda aa: «Niaa cuavaa hɔ̀ɔ̀lɔ́a ha! Nɛ̀ɛ́-nɛ̀ dimul-lɛ niaa le kɔltuw Hala co nin hoo kpɛɛlun-ndo ɲaanɔnndo?

Esekiɛl 28:12

«Po vanacieo sei, soli condii biisiei masaa Tir coo. Dimul ndu aa nuaa Maalii, o co Mɛlɛka-o dimi ni aa: ‹Nɔm va vana hiow vannda kpow tiwnɔnndo-o ni, nɔm óò nɔ kɔlkaloo taw-taw, nɔm óò hiow ba naŋɔɔ.

Esekiɛl 19:1

Nɔm yɛ, soli condii mɔnɛi simlacia Israɛlla coo,

Yeremi 48:37

Kani vanpiaandua kpow a sendin tembeltan a siaiyon. A keŋnun vaasan o balan, má vownun volɔɔla dɛnɛ palaalan.

Yeremi 47:5

Vannda sendinnin tembeltan Kaasa. Vannda meinin Askelɔn kpili-kpili. Niaa vanaa lonin yoomu-a yɛ, háá lɔ́ɔ́ kuɛɛ niaa va yɛnin vaasan kioŋnɔnndo lekɔɔ?

2Masaa 17:20

Mí Mɛlɛka kɛɛ cuavaa Israɛlla kpow, mó tuisi nda siɛmbulan, mó mal nda vanaa del vannda coo-a o ba. O mɛɛlulan mó toaw nda, má faŋan ndu o hɔl few-few.

Tɔŋ miingua 32:5

Hali vanndacieea nda laasian bɛɛ nuaa, ndu Hala, o nɔ dɛnɛ vɔɔn te few! Le laasian nda laasian-ndo, à co lɛ cuavaa ndɔ le. À cuu lɔngɔlian má tambu labɛɛ!

Esai 22:12

Lelan, o paale len coo, Maalii, Mɛlɛka-Nɔ-Kpaayaa-Kpow-vo ndóò tosanin mí niáà caŋ, mí mɔnɛi ndíì luɛi niaa, mí niáà sendin tembeltan, mí niáà vownun volɔɔla nɔɔlɛilan.

Yeremi 3:2

Heelu vɔ hɔlla o pembon coo mà tofa, kuɛɛ nɛ n kɛɛ yɛ nɔɔlian a piɔmnda sooloo? A co icali o nɛilan lekɔɔ nda cum maa Arabua kela o lɛŋnde veselɛilen nin-nda. A nɔɔliaa lɛŋnden a suunda nɔmndo a á kela nɔm vɔɔndo.

Yeremi 3:21

Diomndo co tueinɔnndo o pembon coo: ‹cuavaa Israɛlla co caŋndo a tɛɛlɔnndo ni, kani a mal nɛi kɛndɔɔ, má pɔɛɛnun ya Mɛlɛka Hala ndaa.

Yeremi 9:10

I minginin Yerusalɛm bémbélan kposon, mì siinguu ndu buulula tunaa yondoa. I tosanin mì kobilan Yuda la lo fondo, vana-vana venin lenin te.»

Yeremi 12:7

«I mal cɛi nuu, i faŋa balan o kɛ́ nuu. I mal vanaa yáà kaola haa taw-va yaamɔaa ndaa o ba.

Yeremi 14:19

«Vɛ̀ɛ̀ kɛɔ few-few n kɛɛ Yuda nuaa ni? Vɛ̀ɛ̀ nɛinɔnndo Siɔn nɛinun nin nɔm ni? Le yɛɛ n yɔŋul-lɛ naa yɔŋul singunin too? N va yiyanndo maa n sɔlanin kɔlɲuloo, kɛ dɛnɛ kɛndɛ bɛɛ. N va siongɔɔ kɔl, kɛ yɛlɛma bɛɛ!

Cɛɛŋɔnnda Yeremi lan 5:22

Vɛ̀ɛ̀ kɛɔ ko n cii naa nuaa le fɛɛn a fɛɛn ni? Vɛ̀ɛ̀ kɔllo ko n tuuluu a naa nuaa ni ma hiaw ba?»

Amɔs 5:1

«Òó niaa cuavaa Israɛlla, la yaŋ nilan o sɔɛi he, sɔɛi ya co hee dimio niaa coo-e. Condii dɛnɛ palɛi sɔɛi ken i co ni!

Yeremi 9:16

O Mɛlɛka-Nɔ-Kpaayaa-Kpow-vo dimi-o co hoo ni aa: «La keela kɔllo mì la veelu vanlaandua caa caŋndo-a, mì la dimul nda mà hin. La yɔɔ kiilaa vanaa hiow caŋndo caa-a kɔɔli, mà hin.