Yeremi 7:27 - BII BILA

²⁷ Nɔm Yeremi, taa cɔm pɛ nda sɔɔn mun kpow, mà yeŋ nɔm lani le, mà yondal nda ma cɛl nɔm diom te,

Yeremi 7:27 Referans Kwoze

Sakari 7:13

Mó dimi aa: Le tùú ya va nda veeloo má kɛɛ le nilan yaŋɔɔ-o, nda bɛɛ a veelunin ya, kɛ i yeŋnin nda lani le. Ya Mɛlɛka-Nɔ-Kpaayaa-Kpow-vo soo nuaa ni.

Yeremi 26:2

«Sɔɛi ya Mɛlɛka dimi-e co hee ni aa: kɔ sim o bɛ́ɛ̀ Cɛi-Hala-o nin, mà dimul vanaa-vanaa fula o kobila Yuda lan nin, mà hin le kaannden. Kɔ miinguu sɔɔn ya co nɔm dimul le nda tɛɛngullo-on, diomndo pilɛ bɛɛ faŋa lecoo le.

Yeremi 1:7

Kɛ mí Mɛlɛka mulul-la aa: «Dimi le maa cuaambɔɔ n co ni. Kani a kɔanin o vanaa ya co nɔm vomɔɔ o nda lo-a lo, mà tɛɛngul nda ɲɛ-ɲɛ ya dimulnin nɔm.

Esai 65:12

I co niaa yɔɔ o mɔɛi cɔwve bɛngu, Niaa kpede, la baŋnin vulan mà kili niaa bololan. Kani i veelu, la cɛl te. Mí soaa, kɛ la yeŋ lani le, mí la tosa ɲɛ co dɛnɛ vɔɔndo ya o hɔl-lo, mí la hɛli le ɲɛ hɛnan ya loo tosaa.

Esai 50:2

Lɔ́ɔ́ ya hin-ndo, le kɔlɔ yɛɛ vana ve nanu le? Tuma ya veelu-o, le yɛɛ nɛ vana cɛl te? Mò va maa o bingi ba nuu co, mì bumba niaa baŋa ni? Vɛ̀ɛ̀ i nɔ yoomuma bɔɔ le baŋaa le? Tofa vɔ, i kɔngɔlan pɛ, i veeliaa mɛmma ihɛllan, i veeliaa peelan kokolo, suwva vi le kolɔɔ iyeemaa, a sɛ le mɛmma lepɛŋndan.

Dɛnnda kiilaa 20:27

Kani i cɔm niaa tuula Hala lan kpow, i vin niaa ɲɛ-ɲɛ le.

Yeremi 1:19

A cɔlɔbanin nɔm, kɛ a nɔlanin nɔm ɲɛ-ɲɛ tosa le. Kani i co nɔm ikɛi le nɔm baŋaa.» Ya Mɛlɛka soo nuaa ni.