Yeremi 7:26 - BII BILA

²⁶ Kɛ la tui ya diom te, la yeŋ lani le. Mí la tosa bolle kalalen, mí la tosa dɛnɛ vɔɔndo hiovɔɔ fuɲaa niaa mamaa coo.»

Yeremi 7:26 Referans Kwoze

Yeremi 16:12

Niaa yɛ, la co dɛnnda hiow vɔwlen ndan tosaa, la fuɲaa niaa tosa lan pɛɛn, vana-vana co kɛɔ nilan yaŋɔɔ o sɔɔn nun, le yiyannda niaala vɔɔnndan tolɔɔ kɔɔli.

2Dɛnnda lemasalan 30:8

La tosà nila kalulan maa fuɲaa niaa mamaa kan te. La tuisin tootoo Mɛlɛka o hɔl. La muungu o Fonda-Diandaa o dindi le lɔ́ɔ́-lɔ́ɔ̀-o nin. La tosál ndu Mɛlɛka Hala niaa baalaa, haliko mi kɔl ndɔ tuw bɛndoo faŋan niaa coo.

Matie 23:32

La siow niko dɛnɛ fuɲaa niaa mamaa kandu-o!

Yeremi 19:15

«Diom Mɛlɛka-Nɔ-Kpaayaa-Kpow-vo, Hala Israɛlla dimi-o co hoo ni aa: ‹I co dɛnɛ palaa yáà dimi le tuisio kobio ho coo-o tuisi, mò tol ndu a o ceen balu ndu-on coo, kani vanaa co lenin-nda kendu bɔɔ bollen, a kɛɛ le sɔɔn ya co nda dimullo-on biyɔɔ.›»

Yeremi 17:23

A tui ya diom te, a yeŋ ya lani le, má kindi nilan, a cɛl le nilan yaŋɔɔ ma sɔla pɛɛkoo le.

Yeremi 7:24

Kɛ a tui ya diom te, a yeŋ nilan te, má del yiyanndan a tuula vɔɔnnda va o kɔlta ndalan nin-ndan kɔɔli, má muungu kɔɔli, a hiw laci le pɛ.

Rɔmnda 2:5

Kɛ le tùú n co nila kalulan tosaa mà va kɛɔ dɛnnda lan bilaa biyɔɔ-o, kɔltuw bɛndu Hala-o hun toalnin nɔm coo o paale kɔltuwlen coo, paale yamɛi sandɛi Hala-e fulanin ceen-nden.

Dɛnnda kiilaa 7:51

Mí Etiɛn hiaw laci a sɔɛi, mó dimul nda aa: ‹Niaa vanaa bolii kalaa ha, niaa dii haa toma o kɔlta niaalan nin te-a, la kendu bɔɔ nilan! Fuɲaa niaa niaa vel ni. La co Hala Kɔl-Diandaa simullo lɔ́ɔ́-lɔ́ɔ̀!

Matie 21:38

Kɛ vanaa tósà baalaa o nakɔ n'rɛsɛnndo nin-nda cɔu po ndɔɔ, má dimulan aa: ‹Vana nɔ kɛ́ɔ-vo co hoo ni. La hun n diinun ndu, mí n loo kɛ́ ndɔɔ.›

Daniɛl 9:6

N yeŋnun vanaa nɔmaa baalaa le, vanaa-tɛɛngaa-diom Hala-a pɛɛn, á tɛɛngul masaa naa, simlacia naa, fuɲaa naa mamaa a yungu naa kpow sɔɔn nɔmndon-nda.

Yeremi 44:16

«Dimi pɛɛ aa o diola Mɛlɛka lan n co sɔɛi o naa lo ni, n yeŋnin nɔm lani le.

Yeremi 34:14

Mí yáà dimul nda maa nanu a vɔsilan laŋɔmmɛw, vana-vana bɛnda mò mal puapilɛ ndɔ Hebreenɔ ndóò pendu mí ndóò va cɛ ndɔɔ-o mò kɔɛnnun. Vana kon tosalnin nɔm vali lecɛo le vɔsilan laŋɔmpum. O kon kɔɔli, a mal ndu o kɔɛnnun. Kɛ fuɲaa niaa mamaa bii sɔɛi ken te, a yeŋnun bɛɛ ndi le.

Yeremi 29:19

Kani a yeŋnun sɔɔn nun te. Nduyɛ, o co lɛhau le ya co nda vanaa nia baalaa, vanaa-tɛɛngaa-diom Hala-a vimndo le, kɛ a yeŋnun te.» Sɔɛi fula Mɛlɛka o sondo-e co ken ni.

Yeremi 26:5

mì la cua sɔɔn vanaa nia baalaa balan tan tiɔn, vanaa-tɛɛngaa-diom Hala-a pɛɛn. O co lɛhau le ya co niaa nda vimndo le, kɛ la yeŋ nda lani le.

Yeremi 25:7

Kɛ la yeŋ ya lani le, Mɛlɛka dimi lende ni. Mí la tíŋ ya a sɔngɔɔ kangalan le tùú niaa sɛl piɔmnda le dɛnɛ niaa palaa-o.»

Yeremi 25:3

«Kabi o vɔsi tɔ́ a o yàándɔɔ o masale Yosia po Amon masaa Yuda len háá hau, vɔsilan bidiin a layàá co kon ni, i co niaa sɔɛi Mɛlɛka dimul-la-e tɛɛngullo, i co sondo mei le, kɛ la co tueyɔɔ le.

Yeremi 11:8

Kɛ a yeŋnun te, a muli lahɔl lon te, ma del yiyannda ndala vɔɔnndan kɔɔli. O kon mí peelu sɔɔn kpema kon kpow nda coo le tùú nda kɛɛ le lou o kpemaa coo-o, a sɔɔn kɛ́-kɛ̀ ya dimul nda kpede a cɛl le ndu biyɔɔ loon pɛɛn.»

Yeremi 6:17

I kɛsi kpalilla niaa ikɛi, la yaŋ diom buloo nilan. Kɛ mí la muli aa: ‹N yɛŋnin lani le.›

Esai 48:4

Kani yáà sina maa vanaa nila kalua niaa co ni, maa la kindi kɛsun niaan maa icilin, maa tendun niaan co n kala kpoke maa idaɲa.

Talelan 29:1

Vanndo kindi pɛ nilan, mò kɛɛ le sɔvun nda cɔm ndu-on yɛlɛmaa, o tambu o lepilɔɔ, toosiaa kɛ́-kɛ̀ ve lɛ le ndu le.

Nehemi 9:29

Má baŋ nda le tɔŋ nɔmndo biyɔɔ, kɛ má tosal nɔm nila kalulan, a yeŋ nilan o tɔŋnda nɔmndan te, má kɛɛ le silala nɔmndan biyɔɔ. Nduyɛ, silala lan, la co vanaa co lan biyɔɔ-a ciindiaa. Má tosal nɔm yongaa a nila kalulan, má kɛɛ le nɔm yaŋnɔnndo few-few.

2Dɛnnda lemasalan 33:10

Mí Mɛlɛka soaa o Manase lo a o vanaa ndu Mɛlɛka-a lo, kɛ a tui ndu diom te.

2Masaa 17:14

Kɛ a yeŋ lani le, má kindi nilan, mɛɛ fuɲaa ndaa mamaa ndáà tosa má kɛɛ le Mɛlɛka Hala ndaa laalanndo yɛ.

Esai 5:4

Yɛɛ nɛ ndóò lo yɛ vɛlɛ le tosaa o nakɔ nuu nin o ya tosa lenin too? Le yɛɛ nɛ ya va yɛ tiindanndo maa o co rɛsɛŋun kɛndɔn komɔɔ, kɛ mó koam rɛsɛŋun vɔɔnndon?

Yeremi 5:3

Mɛlɛka, vɛ̀ɛ̀ o co dɛnɛ sandaa le n yeema le? A cii nda lɔɔ, kɛ a co sinan te. Má tuu le nda ciiyo kpede, a tui silala nɔmndan te. Má kindi bolle a nɔm hiovɔɔ bandíláà coo, má kɛɛ le mangalanndo pɛ!

Yeremi 6:10

O nɛ̀ɛ̀ lo ya soo yɛ? Nɛ̀ɛ́-nɛ̀ ya kanalan yɛ mò yaŋnun ya? A buli lani le, lelan a tui isɔɔ le. Sɔɛi Mɛlɛka-e nda muungu mamɔɔ ni, i bii nda bɛɛ iyeema le.

Yeremi 35:15

O co lɛhau le ya co niaa vanaa nia baalaa, vanaa-tɛɛngaa-diom Hala-a vim-ndo, le niaa kɔlan dimullo aa: ‹Vana-vana mangala kela ndɔ vɔɔndo, mò tosa dɛnɛ kɛndɔɔ. La del halaa celennda kɔɔli le nda sooloo le. O kon la tiwba mi la cal o lɛŋnde ya yɔngu niaa a fuɲaa niaa mamaa len nin.› Kɛ la tui ya diom te.

Yeremi 35:17

Lelan, diom Mɛlɛka, Hala-Nɔ-Kpaayaa-Kpow-vo, Hala Israɛlla dimi-o co hoo ni aa: «Niaa vannda Yuda a niaa Yerusalɛmnda, i co niaa dɛnnda palaala ya dimul niaa lan kpow tuisi coo. Kani i soo o niaa lo, kɛ la yeŋnun te, mí veelu niaa, kɛ la cɛl te.»

Esekiɛl 20:30

Lelan dimul cuavaa Israɛlla aa nuaa Maalii Hala ɲuna ni aa: «Vɛ̀ɛ̀ o co lɔngɔlianndo le niaa co nuaa maa fuɲaa niaa le? Vɛ̀ɛ̀ o co balan te niaa vow nuaa o laasianndo nin a suundaa nɔɔlɛi nda va tosaa-o nin te?

Sakari 7:11

Kɛ, má kɛɛ le sɔɔn mún biyɔɔ, má tosa nila kalulan, má baŋulu nila ndalan yɔŋii ndáà tuei sɔɔn kalan.

Malasi 3:7

Kaandɔɔ o paale fuɲaa niaa mamaa, la mal silala nilan. La cɛl le lan biyɔɔ le few. La muungu ya o ibuŋ mì ya bɛɛ mulul niaa hɔlla. Ya Mɛlɛka-Nɔ-Kpaayaa-Kpow-vo dimi lende ni. Kɛ la co dimio aa: ‹Vɛɛ nɛ naa n muungu yɛ nɔm o ibuŋ.›

Tɔŋ miingua 8:20

Te la tosa pɛ lende, la cuunin vu maa vanaa-mangalaa-isɔɔa Mɛlɛka Hala niaa toawnin niaa laci-a, kani la biinin diom ndɔɔ le.»

1Masaa 14:9

Nɔm, a tosa dɛnnda vɔɔnndan hiovɔɔ vanaa tosa masalen nɔm tase-a coo, kani a cownun halaa celen, a co piɔmaa n'cilinnda-a le ya kɔllo tɛɛmbuuo, ma mulul-la kɔɔ.

1Masaa 14:22

Vanaa fula o polale Yuda len nin-nda ndáà tosaa ɲɛ hɛnan Mɛlɛka loo, má tɛɛmbuu Mɛlɛka kɔllo a hakila ndalan hiovɔɔ o la fuɲaa ndaa mamaa va tosaa lan coo.

2Masaa 17:15

A yondal Mɛlɛka ndóò yondal nda kon-ndo kpede, má kɛɛ silala ndɔlan a kpema ndóò yiilu fuɲaa ndaa mamaa-o. Má mulin halaa fondoa sooloo. Lelan mí nda pila siŋnun vanaa fondoa, má del vanaa-mangalaa-isɔaa va icali nda ikɛi-ya kɔɔli o kelala ndalan nin, vanaa Mɛlɛka ndóò kuuna nda le delɔɔ kɔɔli-a pɛɛn.

2Dɛnnda lemasalan 33:23

Kɛ, ndu Amon cɛl le Mɛlɛka bɛɛlen keo maa Manase fuɲa ndɔ le, mó tosa hakilan hiovɔɔ la fuɲa ndɔ tosa lan coo.

Yeremi 3:13

Sina tɛɛmbuu nɔmndo daama. Kani ya Mɛlɛka Hala nɔmndo n simul ni, má laasian kɔlan nɛɛ-nɛɛ ka halaa celen kɔɔli o yɔmii puiyɛi kpow bɛngu. A yeŋ ya nilan te few.› Ya Mɛlɛka soo lende ni.

Yeremi 9:13

Le tùú nda del yiyannda ndala nda pila lan kɔɔli, má kɔa halaa Baal-la kɔɔli, maa mɛɛ fuɲaa ndaa mamaa pɛɛku nda yɛ-o,

Yeremi 22:21

Telen n ve a buulan kɛ́-kɛ̀ loo, mí soaa o nɔm ndo, kɛ má mulul-la aa o co kpeku nɔm te. Lende n co tosaa kabi o cuaambɔyɛi nɔmnde nin ni, a yeŋ ya lani le few.

Yeremi 32:23

Má hun cal o lɛŋnde len nin. Kɛ a tui nɔm diom te, a kela o tɔŋnda nɔmndan coo le, a tosa dɛnnda nɔm óò dimul nda le tosaa kpow lan te. Le hee n cuu dɛnnda palaalan ndan kpow ni!

Esekiɛl 12:2

«Po vanacieo sei, o vanaa nila kalua tɛɛn n co icali nuaa ni. Vanaa kan nɔ hɔltan, kɛ a ci le, a nɔ nilan, kɛ a tui le, kani vanaa nila kalua nda co ni.

Esekiɛl 12:3

Lelan, nɔm po vanacieo, bɛɛndiaa volɔɔlan maa vana nda co kɔlan o biyɔɔ nin-ndo, mà kɔɛ nda o hɔl ipala déŋ mɛɛ vana kɔa o biyɔɔ nin yɛ. Faŋan nda o hɔl o fonda n co icali-o, mà kɔɛ o fonda celen, maa vana nda co kɔlan o biyɔɔ nin-ndo.

Osee 11:7

Vanaa nia yeema le lo o lediom coo a ya Mɛlɛka le. A co nda veeloo fulaa coocoo, kɛ vana pilɛ bɛɛ co cɔnɔn te.