Yeremi 7:25 - BII BILA

²⁵ Kandɔɔ o paale fuɲaa niaa mamaa fula Esipte len, háá hau, i co niaa vanaa nia baalaa, vanaa-tɛɛngaa-diom Mɛlɛka vimndo. Mì va nda vomɔɔ lepalaa-lepala kandɔɔ idii púŋ.

Yeremi 7:25 Referans Kwoze

Yeremi 25:4

Mɛlɛka pɛngi a niaa vanaa ndɔa baalaa, vanaa-tɛɛngaa-diom Hala-a vimndo le, kɛ la cɛl le nilan yaŋɔɔ mì la tuei le.

2Dɛnnda lemasalan 36:15

Mɛlɛka Hala fuɲaa ndaa mamaa va nda kiilaa vimndo lɔ́ɔ́-lɔ́ɔ̀ le nda sɔɔn tɛɛngullo, kani ndóò yeema le vanaa ndɔa a Cɛi-Diandaa ndɔɔ baŋaa.

Esekiɛl 2:3

Mó dimul-la aa: «Po vanacieo sei, ya co nɔm vomɔɔ o cuavaa Israɛlla lo ni, o vanaa-mangalaa-isɔɔa nila kalua lo ya co nɔm vomɔɔ ni, a simul-la kan nda pɛɛn. Nda a fuɲaa ndaa mamaa, vanaa nila kalua nda yɔŋnun a ya háá hau ni.

Yeremi 7:13

Le tùú niaa tosa dɛnnda lan kpow-vo, sɔɛi fula Mɛlɛka o sondo-e co hee ni. Le sɔɛi ya soo o niaa lo, mí soaa kandɔɔ idiiyo, mí la kɛɛ ya nilan yaŋɔɔ-o, le tùú ya veelu niaa, mí la kɛɛ le cɛlɔɔ-o,

Nehemi 9:26

Kɛ a kon kpow, a bii sɔɛi nɔmnde le, má tosa nila kalulan a nɔm, má mulul nɔm kɔɔ, má diw vanaa-tɛɛngaa-diom Hala-a nɔmnda, á va nda tolɔɔ kɔɔli le muungoo nɔm o ibuŋ-nda, má tosa dɛnnda nɔɔlɛilan taw.

Nehemi 9:30

A manda nda o vɔsilan taw bɛngu, mí vanaa-tɛɛngaa-diom Hala-a nɔmnda, à kɔl nɔmndo va nin-nda, va nda sɔɔn nɔmndon tɛɛngullo, kɛ a yeŋnun te. O kon nɔm bɛɛ mal nda vanaa súúla celen o ba.

Ɛsdras 9:7

Kandɔɔ o paale fuɲaa naa imamaa, háá hau, pɔwla naalan la co bɔɔ sɛ́lɛ́. Le hakila naa n tosa lan, mí naa pila, masaa naa a vanaa-solia-lasálàà naa n luɛi masaa co o lɛŋnden coo-a o ba bɛngu, mí n del o mɔɛi cɔwve bɛngu, má kɔa a naa o biyɔɔ nin, mí vannda punga ɲɛm naan, mí siɛmbulan la bii naa mɛɛ la co hau naa biyɔ̀ɔ́ nuaa yɛ.

Tɔŋ miingua 9:7

«La loonun a sɔɛi he, la pɔɛɛnun ndi le, la loonun maa la tɛɛmbuu Mɛlɛka Hala niaa kɔl taw o lɛŋnde veselɛilen nin. Kabi paale niaa faŋan Esipte len, háá tiiya niaa nanu, la pɛngi diom ndɔɔ sɛɛngiaa le few.

Luke 11:49

Lelan Hala dimi o kɔlkalu ndɔɔ nin ni aa: ‹I vimnin nda vanaa-tɛɛngaa-diom Hala-a nia a kiilaa nia. À diwnin a pum, mà tol a tiŋ yɛlen.›

2Dɛnnda lemasalan 24:19

Mó vim nda vanaa-tɛɛngaa-diom Hala-a le nda kanalanndo haliko mi ndáà muungu ndu o ibuŋ. Kɛ a yeŋ nda lani le.

Esai 5:4

Yɛɛ nɛ ndóò lo yɛ vɛlɛ le tosaa o nakɔ nuu nin o ya tosa lenin too? Le yɛɛ nɛ ya va yɛ tiindanndo maa o co rɛsɛŋun kɛndɔn komɔɔ, kɛ mó koam rɛsɛŋun vɔɔnndon?

Yeremi 11:7

Kani kabi ya soli fuɲaa niaa mamaa Esipte háá hau, nuaa koni ya va nda baŋnɔnndo kɔɔli a sɔɛi ni, i va sɔɛi o nda lo mí va sɔɔn mun mingio dimio aa: La yaŋnun diom nuu!

Yeremi 25:3

«Kabi o vɔsi tɔ́ a o yàándɔɔ o masale Yosia po Amon masaa Yuda len háá hau, vɔsilan bidiin a layàá co kon ni, i co niaa sɔɛi Mɛlɛka dimul-la-e tɛɛngullo, i co sondo mei le, kɛ la co tueyɔɔ le.

Yeremi 29:19

Kani a yeŋnun sɔɔn nun te. Nduyɛ, o co lɛhau le ya co nda vanaa nia baalaa, vanaa-tɛɛngaa-diom Hala-a vimndo le, kɛ a yeŋnun te.» Sɔɛi fula Mɛlɛka o sondo-e co ken ni.

Yeremi 35:14

Mí Yonadab po Rekab-o ndóò kuuna cuavaa ndɔa mɔiyan kolɔɔ. Má bii sɔɛi ken ɲɛkɛndɛi, háá hau a cɛl le mɔiyan kolɔɔ le, kani ndáà yeema le kelaa o diom fuɲa nda mamaa coo. Nduyɛ ya Mɛlɛka, o co lɛhau le ya co sɔɛi o niaa lo le, kɛ la yeŋnun te.

Yeremi 35:15

O co lɛhau le ya co niaa vanaa nia baalaa, vanaa-tɛɛngaa-diom Hala-a vim-ndo, le niaa kɔlan dimullo aa: ‹Vana-vana mangala kela ndɔ vɔɔndo, mò tosa dɛnɛ kɛndɔɔ. La del halaa celennda kɔɔli le nda sooloo le. O kon la tiwba mi la cal o lɛŋnde ya yɔngu niaa a fuɲaa niaa mamaa len nin.› Kɛ la tui ya diom te.

Yeremi 44:4

Ya yɛ, i sanga niaa vanaa nia baalaa kpow vimndo a vanaa-tɛɛngaa-diom Hala-a le niaa dimullo maa la soli pelon o dɛnnda vɔɔnnda ya yeemiaa lan nin,

Osee 12:10

Ya yɛ, kabi o lɛŋnde Esipte len nin, ya co Mɛlɛka Hala niaa ni. I co vɛlɛ niaa kɛsi o cɛila-kolala-toandaalan bɛngu, maa o palɛi bɔɔŋian lakafoe coo.

Amɔs 2:11

I hɛli poaa niaa a pum le siŋnɔnndo vanaa-tɛɛngaa-diom Hala-a, mí hɛli poaa langbaa niaa a pum le nda pila sálàá solinndo le vali nuu tosaa. Niaa Israɛlla, vɛ̀ɛ̀ o co lende le i yɔŋnun te? Ya Mɛlɛka co niaa ɲunaa nuaa ni.

Malasi 3:7

Kaandɔɔ o paale fuɲaa niaa mamaa, la mal silala nilan. La cɛl le lan biyɔɔ le few. La muungu ya o ibuŋ mì ya bɛɛ mulul niaa hɔlla. Ya Mɛlɛka-Nɔ-Kpaayaa-Kpow-vo dimi lende ni. Kɛ la co dimio aa: ‹Vɛɛ nɛ naa n muungu yɛ nɔm o ibuŋ.›

Osee 11:7

Vanaa nia yeema le lo o lediom coo a ya Mɛlɛka le. A co nda veeloo fulaa coocoo, kɛ vana pilɛ bɛɛ co cɔnɔn te.