Yeremi 7:22 - BII BILA

²² Kani lɔ́ɔ́ ya soli fuɲaa niaa mamaa Esipte-o, i ɲuna nda ɲɛ-ɲɛ le, i dimul nda isɔɔ-sɔɔ le ya sálàla loamaa te kon te sálàla celen solul te.

Yeremi 7:22 Referans Kwoze

Osee 6:6

Lou o lediom coo hiow ya hɛnan a sálàla n'cɔlulan. Hala sinaa co fisa a sálàla loamaalan solio.»

1Samiɛl 15:22

Mí Samiɛl ɲuna aa: «Vɛ̀ɛ̀ o sálàla loamaalan a o sálàla súú celen ndu solullo nin Mɛlɛka hini kɔl ni baa o sɔɛi ndɔɛi biyɔɔ nin? A toɲa, sɔɛi biyɔɔ hiow naŋɔɔ a sálàlan solio, Sɔɛi biyɔɔ co fisa a cɔlua macuɛiya sálàá solio.

Matie 9:13

La kɔ nuwviaa kɔlɔ sɔɛi he aa: ‹Vannda ɲííye tuinɔnndo hɛnan ya ni, o co sálàlan solio le.› Kani o co vanaa sandaa le ya hin veelu le, kɛ vanaa lahakia.»

Condii lisai 40:6

Mɛlɛka, Hala nuu! Dɛnnda kaamaalan a tuula n tuu le naa lan la co labɔɔ. Ɲɛ-ɲɛ sulan a nɔm te. Yáà yeema mì yáà cɔm vannda lan, mì yáà mingi lan dimi, kɛ la co sɛ́lɛ́, vana nɔla lan dimio kpow le.

Marke 12:33

Vana kaola ndu pɛ a kɔllo kpow, a kɔlkaloo kpow a á kpaayaa kpow, mì vana kon kaola vɛlɛ caanda maa ndu pila, kon hiow sálàla loamaalan kpow a sálàla súú-súù ka.»

Tɔŋ miingua 17:3

mò kɔ sooluu halaa celen, mò tundun tombun celen o labɛngunin, mò sooluu paalen, paangei, te kon te ɲɛm co o halataala-on, mɛɛ o tosa ɲɛ ya kuuna-o.

Yeremi 32:30

Kani kabi o cuaambɔyɛi ndɛi nin, dɛnnda hɛnan ya le lan kposon Israɛlla a Yudaa co tosaa ni. A toɲa, ɲɛ-ɲɛ celen Israɛlla co coo le, fɔ ya kɔllo tɛɛmbuuo.» Sɔɛi fula Mɛlɛka o sondo-e co ken ni.