Yeremi 7:21 - BII BILA

²¹ O Mɛlɛka-Nɔ-Kpaayaa-Kpow-vo, Hala Israɛlla dimi-o co hoo ni aa: «La handu visin sálàla loamaala niaalan o sálàla niaalan coo, mì niaa pila del.

Yeremi 7:21 Referans Kwoze

Osee 8:13

O co fúú le nda kaola ya sálàlan solullo le, kani nda pila co visin mun dioo ni. Kɛ ya Mɛlɛka, sálàla lan la bii kɔl te. I pɔɛ́ɛ́nùn yɔŋnda ndala vɔɔnndan te, i soaŋnin nda le hakila ndalan. Haa, fɔ mà muungu Esipte!

Yeremi 6:20

Kpeku yɛɛ ya nɔ yɛ a ansan co fulaa Saba-o, te kon te a ɲɛm cun kɛndɛn fula o lɛŋii celen nin pɔ́-pɔ́-on? Sálàla loamaala niaalan la hɛnan ya le, sálàla niaalan la nɛŋi ya kɔl te.»

Esai 43:23

La solul-la sálàla loamaalan a saa téndéa niaa le. La ke ya lebɛɛ a sálàla niaalan te. I hiiluu niaa kɔl le ya sálàlan solullo kangalan te. I pala niaa a kpɛlɛkpɛlɛ le ya ansan lumndo le.

Yeremi 14:12

A biinin bɛɛ sumndo, i yeŋnin nda lani o ya ɲɔɔloo le. Hali a soli sálàla loamaalan a ɲɛm-kéan, i cɛlnin ndan te. Kɛ mɛɛ mì cii nda kpede a cɔwvo, a yima fofolan a á nàà n'kɔnyaa.»

Esekiɛl 33:25

Le hee, dimul nda aa nuaa Maalii Hala dimi ni aa: «La co vision dioo a koovan lenin, la co hɔlla mulio o piɔmaa niaa lo, mì la va nda sooloo. La co vanndacieea diwvo! Yee a kon kpow la co vɔ yiyanndo maa ɲɛ niaa pɛpɛ lɛŋnden nden le co ni?

Tɔŋ miingua 12:27

La bɛnda mì la soli sálàla niaala loamaalan, mì la heelu vision a koovan o fonda-loamaa-lasálà Mɛlɛka Hala niaa coo. Kooma cɔlua sálàá niaa ma bɛnda mì ma talan o fonda-loamaa-lasálà Mɛlɛka Hala niaa coo, vision mún, mì la de mun.

Condii lisai 50:8

O co le sálàla niaalan te ya co niaa kɔɔsallo le, sálàla loamaala niaalan la co ya o hɔl lɔ́ɔ́-lɔ́ɔ̀.