Yeremi 7:20 - BII BILA

²⁰ Lelan diom Maalii Hala dimi-o co hoo ni aa: «I co kɔl ni tuwvo a nɛyɔn co ya nin-ndo pɛngɛla o fonda kon coo, mì tuisi ndu vanndacieea a cɔlua coo, mì tuisi ndu yɔmnde, yondoo a o kulun co lɛŋ-ndon coo maa leyin, mì le lo ŋɔu, le ɲumnin te.»

Yeremi 7:20 Referans Kwoze

Yeremi 42:18

Kani diom Mɛlɛka-Nɔ-Kpaayaa-Kpow-vo, Hala Israɛlla dimi-o co hoo ni aa: «Maa mɛɛ yáà tuulu kɔl taw a vannda Yerusalɛm yɛ, lende koni ya tuulunin vɛlɛ kɔl a niaa ni, te la kɔɛ pɛ Esipte. Vannda vanin tɔɔmaseloo cuaa a niaa le mɛnanndo, te kon te le sɔɛi vɔɔŋii bɛnduei pum dimio. Nduyɛ la ci lɛnin lɛŋnden nden lɔ́ɔ́-lɔ́ɔ̀ le.»

Yeremi 17:27

Kɛ te la yeŋ ya nilan te, te la luei paale pɛngiaalen yii mì la manda len le ya le, te la cua pɛ volɔɔlan o paale len coo, mì la kei a lan o diola Yerusalɛm-ndan, i malnin kobi kalaa yin, mì cɛila ndɔla kɛndɛlan la ŋɔɛ, nduyɛ le ɲumnin te.»

Esai 42:25

Lean Mɛlɛka tuisi kɔl ndɔ tuw bɛndoo Israɛlla coo ni, mó tuisi nda cɔw kàlà-kálàá coo, mí cɔw kon ŋɔaw nda ba-ba fee, kɛ a bii ɲɛ-ɲɛ bila le. Mí kɔltuw ndɔɔ loam nda, kɛ a dow ɲɛ-ɲɛ taasi mà bii ndu o kɔl te.

Nahum 1:6

Nɛ̀ɛ́-nɛ̀ nɔla yɛ mò simul kɔl ndɔ tuwvo? Nɛ̀ɛ́ tiw yɛ ba mò lo yoomu a yinnde ndɔle kɔltuwlen? Maa leyin kɔl ndɔ tuwvo keleŋa tiwvo ni, hali powtan mi la piɔsi ndu o hɔl.

Esekiɛl 22:22

Mɛɛ volin latámán tenga o kpɛɛnɛi nin nuaa yɛ, lende niaa tenganin o kobio Yerusalɛm nin ni. O kon, la sinanin maa ya Mɛlɛka, i saŋ kɔl ni tuwvo niaa coo.»

Cɛɛŋɔnnda Yeremi lan 4:11

Mɛlɛka cii kɔltuw ndɔɔ kpow soli, o cii kɔlfulaa ndɔ bɛndoo cuiŋi. O mɛndul yinnde kɔltuwle ndɔlen Siɔn, mì le va tumnda Siɔn kilan coo lan lomɔɔ.

Yeremi 44:6

O kon mí kɔl ni tuwvo saŋnun o kobilan Yuda a o nɛila bɛndulan Yerusalɛm coo maa leyin, hau kobila lan la siŋnun pɔmndan, vannda piow lan mɛɛ niaa sina yɛ.

Esai 66:24

Tuma vannda fulanin-ndo, a canin vanaa tosa nila kalulan a sɔɛi nii-a ihini a vílɛ́iya lɛ́ɛ́siɛn, càá vanin nda dioo-a vinin te, yinnde vanin nda lomɔɔ len le ɲumnin te. Siòònde taw i biinin ɲaa yoomaa kpow le dɛnɛ nda kon.

2Masaa 22:17

Le tùú vannda ha mulul-la kɔɔ, má va halaa celen sálàla cuɛima cun kɛndɛlan solullo-o, le tùú nda co ya kɔllo tɛɛmbuuo a ɲɛm nda cɔw a laba-on-ndo ya tuulu kɔl a kobio ho ni. Nduyɛ kɔltuw nuu ɲululnin te.

Dɛnnda cɔɔmuanndan 14:10

ndu bɛɛ kolnin mɔima kɔltuwma Hala-an, ma nda bingulan te-an, má vow man o taala kólaa kɔltuw ndɔɔ nin. O dɔawnunnin yɛɛvɛ o fungu leyinndo nin mɛlɛkaa diandaa a saa téndóó o hɔl.

Daniɛl 9:11

Israɛlla kpow, n tɛɛmbuu tɔŋ nɔmndo, mí n kɛɛ le sɔɛi nɔmnde biyɔɔ. Lelan dangaa a dɛnɛ palaa sɛvan o tɔŋ Moise, vana baala nɔmndo nin-ndo tol naa coo ni, kani n cua hakio a nɔm Hala.

Yeremi 14:16

Vanaa nda co siɔdii laci kon dimullo-a yɛ, a delinin o nɛilan Yerusalɛm coo a cɔwvo a á yima fofolan. Vana-vana venin le laandaa ndaa, poaa ndaa, te kon te cuavaa ndaa laandua kumbɔɔ le. Lende ya cuiŋinin dɛnɛ nda vɔɔndo nda pila coo ni.

Yeremi 12:4

Háá telen kuɛɛ nɛ lɛŋnden le va yɛnin o dɛnɛ palaa nin, mì bil yondoo kpow va o vesɛiyo? Visia yondoa a yowva co cuuo le dɛnɛ vɔɔn vanaa co o lɛŋnden nden nin-nda. Kani a co dimio aa: «Yeremi cinin mɛɛlula naalan te.»

Matie 3:12

Fɛlɛ ndɔ hɛyaa co ndu o ba, o bɛɛsuunin kpele lɔaa n'mal ndɔɔ, mò vow malun ndɔn o konda, mò lom tɛ́fɛ́lan o yinnde ɲum te len nin.»

Esai 10:17

Ɲɛ-tengaa Israɛlla siŋnunnin yinnden, mì Hala Diandaa ndaa siŋnun yelenyelen leyinndo, yinnde len le loamnin hɛɛnndon a siɛmbullon o paalen ten pilɛ nin.

Yeremi 6:11

I co o piaa cá a kɔltuw Mɛlɛka-o, i nɔla ndu mandanndo o kɔl te. «Cuiŋi ndu cuaambɔa co o nɛilan coo-a coo, a kundala cuaa felengia coo. Kani a kɔanin a nda kpow o biyɔɔ nin: caa piaandua a vanlaandua, vanaa yuuvɛiya a vanaa yuuva nin taw-va.

Yeremi 6:12

Tuma ya mululunnin vanaa co o lɛŋnden nin-nda-o, cɛila ndalan la kɔanin vanaa celen o ba, mì ciɛɔn ndan a laandaa ndaa bɛɛ lo le caanda. Sɔɛi fula Mɛlɛka o sondo-e co ken ni.

Yeremi 8:13

Mí Mɛlɛka dimi aa: «I yeema mi cii a nda, rɛsɛŋun ve lɛnin o rɛsɛn tumndo coo le, buumbun ve lɛnin o vosu tumndo coo le, pei simbulunnin, ɲɛ yáà ke nda-o hialunnin nda.»

Yeremi 11:16

Diola ya Mɛlɛka yáà ke ndu lan la va lan ni aa: ‹Oliviee puiyaa kulun kɛndɛ bɛndoo.› Kɛ mí mal yinnden o bɔɔ ndɔ yukɔn-ndo nin, o diom bɛndu-bɛndoo nin, mí le loam lɛɛndun ndɔn kpede.»

Yeremi 17:4

La malnin kɛ́ yáà ke niaa-o, mì siinguu niaa cɛa yaamɔaa niaa o lɛŋnde niaa sina le len nin. Yinnde niaa mɛndul-la o kɔl-ten le vanin biyɔɔ le fɛɛn a fɛɛn.»

Yeremi 18:23

Nɔm Mɛlɛka, a pɔw ɲɛ-ɲɛ o tuula nda co le ya diyɔɔ lan nin te. Mal nda haki le dɛnɛ vɔɔn nda co tosaa-o le, faŋa hɔlla o hakila ndalan te. Màá a siɛɛlia mà deli nɔm o hɔl telen n co kɔl fula a nda-o!

Yeremi 21:12

Yungu David-o! Diom Mɛlɛka dimi-o co hoo ni aa: ‹La va dɛnɛ sandaa tosaa kandɔɔ idii. La soli vanaa nda co saangiaa-a vanaa co nda saangiaa-a o ba, yɔŋii kɔl ni tuwvo bii maa leyin, vana nɔlanin nden ɲumio le, le dɛnnda vɔɔnnda niaa co tosaa lan.

Sofoni 1:2

«I co ɲɛ-ɲɛ basɔɔ o lɛŋnden coo selemenden! Diom ya Mɛlɛka soo-o co kon ni.

Tɔŋ lasálàá 26:28

ya bɛɛ, i simulnin niaa a kɔltuwvo, mì cɔɔlu sangala niaalan vangala bɛmbɛ leŋɔmmɛw le hakila niaalan.

Esekiɛl 7:12

Telenndo tiiya, paale len le tiiya! Vana piandaa dɔawnun ɲaale le, vana pisiaa bii imɔnɔ le! Kani kɔltuwvo piɔndi le tolɔɔ sɛ́lɛ́ kaakuu co hoo o kobio nin-ndo coo.

Esekiɛl 7:14

A hɔŋnin bɛɛ buloo, ɲɛ-ɲɛ vanin o bɛɛndian, kɛ vana-vana kuenin o cɔwvo le, kani kɔl ni tuwvo piɔndinin le tolɔɔ sɛ́lɛ́ nda bɛndu-bɛndoo coo.

Sofoni 1:3

I co vanndacieea a cɔlua tɛɛmbuu, mì tɛɛmbuu vɛlɛ yowva coocoo a suwva o peelo. I tɛɛmbuunin vanaa kɔlvesɛiya a sɔɔn nda co tosaa mà va vannda lueiyo o pɔwlan nin-ndon. I vɔɔsuunin vanacieo o lɛŋnden coo few-few. Diom ya Mɛlɛka soo-o co kon ni.»

Sakari 7:12

Má mingi kɔlta ndalan lakàlà-kálà maa idiaman, yɔŋii ndáà yaŋ nilan o tɔŋndo a o sɔɔn Mɛlɛka-Nɔ-Kpaayaa-Kpow-vo dimul nda a kɔl ndɔɔ a sondola vanaa-tɛɛngaa-diom Hala-a lɔ́ɔ́ kon-ndon. Lelan, mí Mɛlɛka-Nɔ-Kpaayaa-Kpow-vo tuulu kɔl a nda taw-taw.