Yeremi 7:18 - BII BILA

¹⁸ Poaa ndaa tingu pɛ yɔmnde, fuɲaa ndaa mɛndul yinnden, laandaa ndaa linda dɛɔ le toŋɔɔ le masa-laandu co o halataala-o, a le halaa celen sálàla mamɔilan solullo haliko ma tɛɛmbuu ya kɔllo.

Yeremi 7:18 Referans Kwoze

Yeremi 19:13

Cɛilan Yerusalɛm, a cɛila masaa Yuda la siŋnunnin ɲɛ nɔɔlɛiyo maa Tofɛt, cɛila kɛ́-kɛ̀ nda va lan sálàlan lomɔɔ o yindɔla ndalan coo le loeon, ma va halaa celennda ansan a sálàla mamɔilan solullo lan pɛɛn.»

1Korɛntea 10:22

Vɛ̀ɛ̀ n yeema mì n kpeeŋiaa paŋala Mɛlɛka-o? Vɛ̀ɛ̀ naa hiow ndu kpaayaa ni?

1Masaa 14:9

Nɔm, a tosa dɛnnda vɔɔnndan hiovɔɔ vanaa tosa masalen nɔm tase-a coo, kani a cownun halaa celen, a co piɔmaa n'cilinnda-a le ya kɔllo tɛɛmbuuo, ma mulul-la kɔɔ.

Yeremi 32:29

Babilɔŋaa delnin kobio ho coo a cɔwvo-a malnin ndu yin, mà lom cɛila ndáà lum Baal ansan o yindɔla ndalan coo lan, cɛila ndáà solul ndu sálàla mamɔilan lenin le ya kɔllo tɛɛmbuuo lan pɛɛn.

Yeremi 25:7

Kɛ la yeŋ ya lani le, Mɛlɛka dimi lende ni. Mí la tíŋ ya a sɔngɔɔ kangalan le tùú niaa sɛl piɔmnda le dɛnɛ niaa palaa-o.»

Yeremi 11:17

Mɛlɛka-Nɔ-Kpaayaa-Kpow-vo ndóò tɔl ndu ni. Ndu kon co tosaa ni mì dɛnɛ palaa va nɔm tolɔɔ coo, le dɛnɛ vɔɔn Israɛlla a Yudaa tosa-o, a cii ya tiŋɔɔ o Baal sálàlan solullo.»

Esai 3:8

Yerusalɛm siɛla, Yuda komba mó pimbulu, kani sɔɔn ndan sondon a dɛnnda ndalan la co Mɛlɛka cɔlɔbaa. A co biilu ndɔɔ simullo.

1Masaa 16:2

«O cundoo nin ya soli nɔm ni, mí siinguu nɔm simlacinɔ Israɛlla kpow, kɛ má kela mɛɛ Yeroboam kela yɛ, má luei yungu nuu, Israɛlla o hakilan nin le ya kɔllo tɛɛmbuuo.

Tɔŋ miingua 32:21

A tindi paŋala nuu ya nin a ɲɛ co hala loo, a tuulu ya kɔllo a piɔmaa ndaa fondoa. Lelan, ya bɛɛ, i co nda paŋalaa luei o kɔl a vanaa-mangalaa-isɔaa co vanaa sɔvɛ le-a, i co nda kɔllo tuulu a vanaa kindu lakɔl te-a.

Tɔŋ miingua 32:16

Israɛlla tindi paŋala Mɛlɛka-o o halaa fondoa sooloo nin, má tuulu ndu kɔllo a dɛnnda ndala nɔɔlɛilan.

Tɔŋ miingua 4:19

La héélù hɔlla o halataala mì la mɛɛndan paalen, paangei, loeon a ɲɛm co lon-ndon, mì la báŋ vulan mun o labɛngunin le mun sooloo le. Ɲɛm Mɛlɛka Hala niaa mel vanaa-mangalaa-isɔɔa tɔ̀a co o lɛŋnden coo kpow-va ni maa kɛ́.

Esekiɛl 20:28

Kani mí luei nda o lɛŋnde yáà heelu baa coocoo mí yáà mɛnan le nda yɔngoo len nin. Kɛ nɛɛ-nɛɛ nda ce pembii vilɛiye a yɔm puiyaa lenin, má kɔ soli sálàlan ndon, má cucu kpeyannda lan ndon, má soli sálàlan a lasikɔlɔ cun kɛndɔɔ lon, má taaliaa sálàla mamɔilan ndon le ya kɔllo tuuloo.

Yeremi 44:25

Diom Mɛlɛka-Nɔ-Kpaayaa-Kpow-vo, Hala Israɛlla dimi-o co hoo ni aa: ‹La cii dimi niaa laandaa niaa maa ɲɛ niaa dimi-o niaa tosanin le hala laandu co o halataala-o ni, maa la lumnin ndu sálàla cuɛima cun kɛndɛlan mì la solul ndu sálàla mamɔilan. Nduyɛ, mí la peelu sɔɔn mun.› Mɛɛ la tosa mɛɛ niaa dimi lende yɛ.

Esai 65:11

Kɛ niaa kɛɛ (ya) Mɛlɛka-a, niaa co pembii nii diandɛi pɔɛɛnɔnndo-a, niaa co (piɔmndo) Kad bàndóó tengullo-a, niaa co taala kólaa peiyo le piɔmndo Meni-a,

Esai 65:3

Vannda ha co ya tiŋɔɔ a ya kɔllo tuuloo tuŋ-tuŋ, a co sálàlan solio o nakɔlan nin, a co lasikɔlɔ ansan lomɔɔ o kpilikion coo.

Esai 57:6

O powta kpɔlɔkaalan nin, a o kpolonndo nin, o niaa Israɛlla co ni. La tofa vɔ, ɲɛ co le niaa-o kpeekpei co kon ni. Powta lan niaa co sálàla mamɔilan cuuŋullo ni, lan niaa co sálàla kpeyanndan solullo, mi la va lan lomɔɔ ni. Vɛ̀ɛ̀ ya Mɛlɛka, mì kɔl nuu hini a dɛnnda vaa nuaa kpow?

Condii lisai 16:4

Vanaa co kɔlan piɔmnda sooloo-a nda, mɔnɛi daama nda co handɔɔ o mɔnɛi ndɛi coo ni. Kɛ ya ya, i solulnin piɔmaa kan sálàla makòólan lɔ́ɔ́-lɔ́ɔ̀ le, o co vɔ bɛɛ le diola ndalan piɔlɔɔ a sondo nuu le!

Yeremi 7:17

Vɛ̀ɛ̀ a co ɲɛ nda co tosaa o kobilan Yuda nin a o nɛilan Yerusalɛm coo-o cɔ le?

Yeremi 17:2

Mɛɛ nda yiyan poaa ndaa coo yɛ, lende koni nda co yiyanndo fondala-loamaa-lasálàla ndalan, sungbuma soolaama ndan, a yɔmii puiyɛi co o pembon coo-e coo ni.

Cɛɛŋɔnnda Yeremi lan 5:13

A co langbaa powta lusulaalan siiluuo, poambɔa piaandua co boŋio o yɔmnde vilio.

Esekiɛl 8:17

Mó ɲuna ya aa: «Po vanacieo, a ce vɛlɛ hee le? Vɛ̀ɛ̀ polale Yuda len le hini vɔ kɔl a dɛnnda nɔɔlɛila nda co lan tosaa nanu lan te? A cii lɛŋnden pei ca a kɔlvesɛiyo, a co pɛngi ya kɔllo tuuloo le. Nda pila co lɛwve sɔɔnguuo o milinnda ndalan.

Esekiɛl 16:26

Má suunda a Esiptea, vanaa falun bɛndua cɛɛlan kan a niaa-a, má luɛi o sundaa, suundà láà suundà, le ya kɔllo tuuloo.

Yeremi 1:16

I kilulnin nda yamɛi le dɛnnda vɔɔnnda nda tosa lan kpow, kani a mal-la má loam ansan le halaa celennda, má baŋ vulan ɲɛm nda pila cɔw-von o labɛngunin.

Yeremi 44:4

Ya yɛ, i sanga niaa vanaa nia baalaa kpow vimndo a vanaa-tɛɛngaa-diom Hala-a le niaa dimullo maa la soli pelon o dɛnnda vɔɔnnda ya yeemiaa lan nin,

Esekiɛl 8:16

Mó luɛi a ya o bɛ́ɛ̀ lenin Cɛi-Mɛlɛka-o nin, o Cɛi-Mɛlɛka-o sondoo, o tongo-sɛmtɔɔ a fonda-loamaa-lasálàá tɛɛn. Mí ca langbaa bidiin a à ŋuɛɛnu, a mulul Cɛi-Diandaa kɔɔ, má muli hɔlla a ba paalen le can-ndo, a va vula baŋaa a kpengii paalen le can-ndo le paalen sooloo.