Yeremi 7:17 - BII BILA

¹⁷ Vɛ̀ɛ̀ a co ɲɛ nda co tosaa o kobilan Yuda nin a o nɛilan Yerusalɛm coo-o cɔ le?

Yeremi 7:17 Referans Kwoze

Esekiɛl 14:23

A ɲululnin niaa kɔltan lɔ́ɔ́ niaa canin káà ndaa a dɛnnda ndalan-ndo. O kon, la biinin bila maa o co fondo fúú le ya tuisi Yerusalɛm sangala lan kpow coo le. Sɔɛi fula Maalii o sondo-e co ken ni, Mɛlɛka pɛɛn!»

Yeremi 6:27

I kɛsi nɔm le vanaa nia kɔlɔɔ solio maa kpaki, haliko ma sina kela ndaa, mà soli nda kɔlɔ.»

Yeremi 7:16

«Nɔm Yeremi yɛ, piɛi le vannda ha le, soli diom le nda le, piɛi le nda le, tɛɛlun ya o lepiɛi nin le nda le, kani i yeŋnin nɔm lani le.

Yeremi 7:18

Poaa ndaa tingu pɛ yɔmnde, fuɲaa ndaa mɛndul yinnden, laandaa ndaa linda dɛɔ le toŋɔɔ le masa-laandu co o halataala-o, a le halaa celen sálàla mamɔilan solullo haliko ma tɛɛmbuu ya kɔllo.

Yeremi 44:6

O kon mí kɔl ni tuwvo saŋnun o kobilan Yuda a o nɛila bɛndulan Yerusalɛm coo maa leyin, hau kobila lan la siŋnun pɔmndan, vannda piow lan mɛɛ niaa sina yɛ.

Yeremi 1:16

I kilulnin nda yamɛi le dɛnnda vɔɔnnda nda tosa lan kpow, kani a mal-la má loam ansan le halaa celennda, má baŋ vulan ɲɛm nda pila cɔw-von o labɛngunin.

Yeremi 32:29

Babilɔŋaa delnin kobio ho coo a cɔwvo-a malnin ndu yin, mà lom cɛila ndáà lum Baal ansan o yindɔla ndalan coo lan, cɛila ndáà solul ndu sálàla mamɔilan lenin le ya kɔllo tɛɛmbuuo lan pɛɛn.

Yeremi 32:32

Israɛlla a Yudaa tɛɛmbuu ya kɔllo a dɛnnda vɔɔnnda nda tosa lan. Nda pila, masaa ndaa, simlacia ndaa, vanaa-solia-lasálàà ndaa a vanaa-tɛɛngaa-diom Hala-a ndaa, vannda Yuda a vanaa co Yerusalɛm-nda.

Yeremi 44:4

Ya yɛ, i sanga niaa vanaa nia baalaa kpow vimndo a vanaa-tɛɛngaa-diom Hala-a le niaa dimullo maa la soli pelon o dɛnnda vɔɔnnda ya yeemiaa lan nin,

Yeremi 44:17

Ɲɛ naa n dimi-o naa n co peelu ni. N vanin Astartee hala laandu co o halataala-o sálàla cuɛima cun kɛndɛlan lumndo a ndu sálàla mamɔilan solullo, mɛɛ naa n dema tosa háá hau yɛ. Lende koni vanaa naa, masaa naa a simlacia naa dema tosa o kobilan Yuda nin a o nɛilan Yerusalɛm coo ni. Mí baloo kui naa o ba, mí ɲɛ-ɲɛ va naa kɔlan o ba o kɛndɛ, dɛnɛ palaa ve naa kɔɔli le.