Yeremi 7:16 - BII BILA

¹⁶ «Nɔm Yeremi yɛ, piɛi le vannda ha le, soli diom le nda le, piɛi le nda le, tɛɛlun ya o lepiɛi nin le nda le, kani i yeŋnin nɔm lani le.

Yeremi 7:16 Referans Kwoze

Yeremi 11:14

Lelan nɔm Yeremi, piɛi le vannda ha le, hali mà solul-la diom le ya tɛɛlɔn, te kon te le ya ɲɔɔlu le nda le. Kani telen nda vanin o dɛnɛ palaa nin-ndo, a veelunin ya le nda malaa, kɛ i yeŋnunnin nda le.»

Yeremi 15:1

Mí Mɛlɛka dimul-la aa: «Hali Moise nda Samiɛl a tɛɛlun bɛɛ ya le nda, i cɛlnin mì tuinun vannda iɲíí le. Tow nda mà faŋa nda ya o hɔl, a kɔ!

Fulaa 32:10

Lelan, mal-la mì tuisi nda kɔl ni tuwvo coo, mì diw nda kpow. Kɛ nɔm, i solinin vanaa-mangalaa-isɔɔa sɛ́lɛ́ bɛndoo taw nɔm o ipulu.»

Yeremi 18:20

Vɛ̀ɛ̀ vana mingi dɛnɛ vɔɔndo le dɛnɛ kɛndɔɔ? Kani a co ya soondo tuwvo. Loonun maa i sim nɔm o hɔl, mí soaa le nda, haliko mi nɔm óò mal kɔngɔlan nɔm óò kɔngɔlan nda-o.

Esai 1:15

La siɛndi nin bɛɛ balan o ya lo, i faŋalnin niaa hɔlla. Hali la vangala bɛɛ piɛilen taw-taw, i yeŋnin niaa lani le. Kani bala niaalan la co lalɔngɔlɛilan a koovan.

1Nsaŋ 5:16

Te vanndo ce pɛ puapilɛ ndɔɔ haki tosa mì vana vi loo tosaa, o piɛi mì Hala ke ndu yoomoo, te o va pɛ maa lekɛ́ndɛi haki kon tosa mì vana vi le. Haki tosa mì vana vi-o co, o co le haki kon te ya co dimio le piɛilen te.

Misee 3:4

Lelan, a koŋulnin Mɛlɛka o lani, kɛ o mululnin nda le. O mululnin nda mundoo, le dɛnnda vɔɔnnda nda tosa lan.»

Tɔŋ miingua 9:14

Lelan mal-la mì dɔw nda yɛɛvɛ, mì diw nda kpow, mì diola ndalan la ɲum o lɛŋnden coo. Kɛ nɔm, mì soli vanaa-mangalaa-isɔaa hiow vannda ha vaa sɛ́lɔ́ɔ́ a kpaayaa-a nɔm o ipulu.›

2Samiɛl 8:18

Benaya, po Yoyada-o va simlacinɔɔ le Keretiia a Peletiaa va o kunda kpalilaa bɛ́ɛ̀ lemasaa tɛɛn-nda ni. Poaa David-a bɛɛ vanaa-solia-lasálàá nda va ni.

Yeremi 7:17

Vɛ̀ɛ̀ a co ɲɛ nda co tosaa o kobilan Yuda nin a o nɛilan Yerusalɛm coo-o cɔ le?

Yeremi 15:6

Sɔɛi fula Mɛlɛka o sondo-e co hee ni aa: «Nɔm kɛɛ ya ni má mulul-la kɔɔ. Lelan ya cɛn ni mí hol nɔm baa le nɔm tɛɛmbuuo, kani i sanga nin a nɔm ɲííye tuinɔnndo.

Yeremi 4:28

Lelan le co o mɔnɛi nin ni, mì halataala coocoo piimiaa, kani i cii dimi, lende ya kelu le tosaa ni, mɔnɛi biinin ya le kon tosaa le, i mangalanin diom kon te.»