Yeremi 7:14 - BII BILA

¹⁴ ɲɛ ya tosa a Silo-o, ndu koni ya co tosa a cɛiyo ho ni, cɛi diola nilan la co hoo veelɔnndo nin-ndo, o niaa kɛsi kɔllo coo-o, fonda ya ke kon fuɲaa niaa mamaa a niaa-o pɛɛn.

Yeremi 7:14 Referans Kwoze

Yeremi 7:4

La kɛsi kɔltan o sɔɔn lacòòvan coo mì la dimi le aa: ‹Cɛi-Mɛlɛka-o co nanu ni, Cɛi-Mɛlɛka-o, Cɛi-Mɛlɛka-o›.

Yeremi 7:10

La cii pɛ, la mulin hunɔɔ vɛlɛ ya o hɔl, o cɛiyo ho nin, cɛi diola nilan la co veelɔnndo nin-ndo, la dimi aa: ‹N sɔla baŋaa!› A kon kpow, la co hiovɔɔ laci a dɛnnda nɔɔlɛilan tosaa tuŋ!

Condii lisai 78:60

Mó faŋan o cɛi o va nin Silo-o nin, cɛi-kola-toandaa o va nin yungu ndɔɔ tɛɛn-ndo.

2Masaa 25:9

Mɛɛ luɛi Yerusalɛm, mó loam Cɛi-Mɛlɛka-o, cɛi lemasaa a Yerusalɛm tɔ̀u kpow, kɛ taama-taama, cɛila sɔvɛla va lon-ndan.

Tɔŋ miingua 28:52

A tiilanin kobila niaalan, mà lo lon háá ma koombiaa kpakila bɛndula niaa va tiindanndo lan o lɛŋnde niaalen kpow nin. Lende nda tiilanin kobilan kpow o lɛŋnde Mɛlɛka Hala niaa yɔngu niaa len nin ni.

Esekiɛl 24:21

Dimul cuavaa Israɛlla aa nuaa Maalii Hala dimi ni aa: ‹Tofa vɔ, i co fonda diandaa nɔɔliaa, o co kon tosaa, mì la va lisanndo a yoomuan-ndo, o hɔlta niaalan la co kon mɛɛndanndo a kɔlkɛndɔɔ-o, cɛi ni yoomula niaalan la tiindan kon-ndo pɛɛn. Poaa niaa a cuavaa niaa laandua niaa mɛinin-nda a sɔlanin piɔ́mndan o mɔɔn cɔwvon bɛngu.

Cɛɛŋɔnnda Yeremi lan 4:1

«Kpòkóó! Vɛ̀ɛ̀ sianin sɔvɛɔn mun n looku yɛ sɔvaa, sianin diandan mun pɛɛn? Powta diandaalan la cuu saŋnɔn o sɔngila nɛila pɔmbɔlan kpow.

Cɛɛŋɔnnda Yeremi lan 2:7

Mí Mɛlɛka kɛɛ fonda-loamaa-lasálàá ndɔɔ, mí cɛi-kola-toandaa ndɔ diandaa nɛinun ndu. Mó mal kpakila cɛila lemasalan Siɔn yaamɔɔa o ba. Mí yoondiaalan la va sɔɛi o Cɛi-Mɛlɛka-o nin, maa o paale kafo coo.

Yeremi 26:18

«O telen Esekia va masalen tosaa Yuda-o, vana-tɛɛngaa-diom Hala-o pum va, diolan Misee, fulaa Moresɛt. Mí ndóò dimul vannda Yuda kpow aa: O Mɛlɛka-Nɔ-Kpaayaa-Kpow-vo dimi-o co hoo ni aa: ‹Siɔn vaanunnin maa iciɛɛ, Yerusalɛm siŋnunnin bémbélan kposon, mì bɔɔla n'yɔɔlan la vil o pembii Cɛi-Hala-o co coo-e coo.›

Yeremi 7:12

Lelan, la kɔ Silo o fonda ni diandaa, nɛɛ diola nilan la va veelɔnndo o tasendɔ-a, mì la kɔ tofa mɔnɛ ya soli a fonda kon, le dɛnɛ vɔɔn vanaa niaa Israɛlla tosa-o.

Esai 64:11

Éé Mɛlɛka! Vɛ̀ɛ̀ a dɛnnda palaalan ndan kpow a vowlulnin naa sondo le? Vɛ̀ɛ̀ a co naa saalan te? Bàà ma tuisi naa siɛmbulan háá mì n cuu labɛɛ?

2Dɛnnda lemasalan 7:21

Kɔndɔfili bɛndoo biinin vanaa sinà Cɛi bɛndu-bɛndu sɔvɛɔ ho-a, mà ɲunan aa: ‹Ko le yɛɛ nɛ Mɛlɛka tosa yɛ a lɛŋnden nden a á Cɛi-Hala-o ho nuaa?›

Tɔŋ miingua 12:5

Mɛlɛka hɛlinin fondaa o tàndàla polama niaan ma vanin icali nin-ndan tɛɛn, le diola ndɔlan vaa biilɔnndo lon a le calta ndɔlan kɛsio lon, lon daama niaa vanin kɔlan ndu piɛiyo ni.

Yeremi 23:39

«I co niaa siilɔn o congú maa lavolɔɔ, mò kɔ viow niaa polon, niaa a kobi ya yɔngu niaa a fuɲaa niaa-o.

Esekiɛl 23:31

Le tùú n kela maa Ohola bɛ nɔm-ndo, lelan ya sɔɔ taala kólaa o kol nin-ndo nɔm o ba ni.

Yeremi 12:7

«I mal cɛi nuu, i faŋa balan o kɛ́ nuu. I mal vanaa yáà kaola haa taw-va yaamɔaa ndaa o ba.

Yeremi 26:4

Má dimul nda aa: Nuaa Mɛlɛka dimi ni aa: ‹La tuei ya diom, la kela o sɔɔn ya pɛɛku niaa-on coo,