Yeremi 7:13 - BII BILA

¹³ Le tùú niaa tosa dɛnnda lan kpow-vo, sɔɛi fula Mɛlɛka o sondo-e co hee ni. Le sɔɛi ya soo o niaa lo, mí soaa kandɔɔ idiiyo, mí la kɛɛ ya nilan yaŋɔɔ-o, le tùú ya veelu niaa, mí la kɛɛ le cɛlɔɔ-o,

Yeremi 7:13 Referans Kwoze

Esai 65:12

I co niaa yɔɔ o mɔɛi cɔwve bɛngu, Niaa kpede, la baŋnin vulan mà kili niaa bololan. Kani i veelu, la cɛl te. Mí soaa, kɛ la yeŋ lani le, mí la tosa ɲɛ co dɛnɛ vɔɔndo ya o hɔl-lo, mí la hɛli le ɲɛ hɛnan ya loo tosaa.

Yeremi 7:25

Kandɔɔ o paale fuɲaa niaa mamaa fula Esipte len, háá hau, i co niaa vanaa nia baalaa, vanaa-tɛɛngaa-diom Mɛlɛka vimndo. Mì va nda vomɔɔ lepalaa-lepala kandɔɔ idii púŋ.

Talelan 1:24

Le tùú ya veelu kɛ mí la kasa le hunɔɔ-o, le tùú ya siɛndi ba nuu kɛ vana-vana saalan ya loo,

Matie 23:37

Mí Yeesu dimi aa: «Kpòkóó Yerusalɛm! Yerusalɛm, nɔm diw hoo vanaa-tɛɛngaa-diom Hala-a, má vii vanaa nda vim nɔm-nda a powtan-ndo! I kindin o nɛi oo nɛi coo le cuavaa nɔmnda mɔɔsiaa mɛɛ sɔɔ komsaa mɔɔsiaa cuavaa ndɔa o kumbanndan bɛngu nuaa yɛ, kɛ à cɛl te.

Sakari 7:13

Mó dimi aa: Le tùú ya va nda veeloo má kɛɛ le nilan yaŋɔɔ-o, nda bɛɛ a veelunin ya, kɛ i yeŋnin nda lani le. Ya Mɛlɛka-Nɔ-Kpaayaa-Kpow-vo soo nuaa ni.

Osee 11:7

Vanaa nia yeema le lo o lediom coo a ya Mɛlɛka le. A co nda veeloo fulaa coocoo, kɛ vana pilɛ bɛɛ co cɔnɔn te.

Osee 11:2

Kɛ mɛɛ ya va Israɛlla veeloo faw, lende nda va kɔnndan ya levil. A va Baal sálàlan solullo, a va ansan lomɔɔ le halaa fondoa.

Yeremi 44:4

Ya yɛ, i sanga niaa vanaa nia baalaa kpow vimndo a vanaa-tɛɛngaa-diom Hala-a le niaa dimullo maa la soli pelon o dɛnnda vɔɔnnda ya yeemiaa lan nin,

Yeremi 35:17

Lelan, diom Mɛlɛka, Hala-Nɔ-Kpaayaa-Kpow-vo, Hala Israɛlla dimi-o co hoo ni aa: «Niaa vannda Yuda a niaa Yerusalɛmnda, i co niaa dɛnnda palaala ya dimul niaa lan kpow tuisi coo. Kani i soo o niaa lo, kɛ la yeŋnun te, mí veelu niaa, kɛ la cɛl te.»

Yeremi 35:15

O co lɛhau le ya co niaa vanaa nia baalaa, vanaa-tɛɛngaa-diom Hala-a vim-ndo, le niaa kɔlan dimullo aa: ‹Vana-vana mangala kela ndɔ vɔɔndo, mò tosa dɛnɛ kɛndɔɔ. La del halaa celennda kɔɔli le nda sooloo le. O kon la tiwba mi la cal o lɛŋnde ya yɔngu niaa a fuɲaa niaa mamaa len nin.› Kɛ la tui ya diom te.

Yeremi 25:3

«Kabi o vɔsi tɔ́ a o yàándɔɔ o masale Yosia po Amon masaa Yuda len háá hau, vɔsilan bidiin a layàá co kon ni, i co niaa sɔɛi Mɛlɛka dimul-la-e tɛɛngullo, i co sondo mei le, kɛ la co tueyɔɔ le.

Yeremi 11:7

Kani kabi ya soli fuɲaa niaa mamaa Esipte háá hau, nuaa koni ya va nda baŋnɔnndo kɔɔli a sɔɛi ni, i va sɔɛi o nda lo mí va sɔɔn mun mingio dimio aa: La yaŋnun diom nuu!

Esai 66:4

Lelan ya bɛɛ, ɲɔɔ hɛnannin ya taw le dɛnɛ palaa ndaa. I tuisinin ɲɛ lueinin nda siòònde-o nda pila coo, kani i veelu kɛ vana pilɛ bɛɛ cɛl te. I soo, kɛ vana-vana yeŋ lani le. Nduyɛ má tosa ɲɛ co dɛnɛ vɔɔndo ya o hɔl-lo, mí ɲɔɔ hɛnan nda o dɛnɛ ya yeema loo tosaa nin.

Esai 50:2

Lɔ́ɔ́ ya hin-ndo, le kɔlɔ yɛɛ vana ve nanu le? Tuma ya veelu-o, le yɛɛ nɛ vana cɛl te? Mò va maa o bingi ba nuu co, mì bumba niaa baŋa ni? Vɛ̀ɛ̀ i nɔ yoomuma bɔɔ le baŋaa le? Tofa vɔ, i kɔngɔlan pɛ, i veeliaa mɛmma ihɛllan, i veeliaa peelan kokolo, suwva vi le kolɔɔ iyeemaa, a sɛ le mɛmma lepɛŋndan.

Yeremi 13:11

Mí Mɛlɛka dimi aa: Kani mɛɛ vana yiinun yáwlen o can yɛ, lende yáà yiinun masalen Israɛl a len Yuda ni, haliko mi yáà ke nda tɔ́ɔ́ nuu, mì ndáà va vanaa nia, biilu nuu a naŋɔɔ nuu. Kɛ a yeŋ ya lani le few.»

Yeremi 26:5

mì la cua sɔɔn vanaa nia baalaa balan tan tiɔn, vanaa-tɛɛngaa-diom Hala-a pɛɛn. O co lɛhau le ya co niaa nda vimndo le, kɛ la yeŋ nda lani le.

Yeremi 32:33

A mulul-la hɔlla le, má mulul-la kɔɔ. Nduyɛ o co lɛhau le ya co nda pɛɛkoo le, kɛ a yeŋnun te, a bii silaa le.

Yeremi 35:14

Mí Yonadab po Rekab-o ndóò kuuna cuavaa ndɔa mɔiyan kolɔɔ. Má bii sɔɛi ken ɲɛkɛndɛi, háá hau a cɛl le mɔiyan kolɔɔ le, kani ndáà yeema le kelaa o diom fuɲa nda mamaa coo. Nduyɛ ya Mɛlɛka, o co lɛhau le ya co sɔɛi o niaa lo le, kɛ la yeŋnun te.

Yeremi 44:23

Le tùú niaa solul halaa celennda sálàlan, mí la cua hakilan a Mɛlɛka, la tui ndu diom te, la bii silala ndɔlan a tɔŋnda ndɔlan te yɛ, lelan dɛnnda palaalan ndan la co niaa coo ni.»

Yeremi 5:21

Niaa vanaa kindu haa lakɔl te-a, niaa vanaa nɔ lakɔl niŋ te-a, la yaŋ nilan! La nɔ hɔltan, kɛ la ci a lan te. La nɔ nilan, kɛ la tui a lan te.›

Yeremi 6:10

O nɛ̀ɛ̀ lo ya soo yɛ? Nɛ̀ɛ́-nɛ̀ ya kanalan yɛ mò yaŋnun ya? A buli lani le, lelan a tui isɔɔ le. Sɔɛi Mɛlɛka-e nda muungu mamɔɔ ni, i bii nda bɛɛ iyeema le.

Yeremi 11:8

Kɛ a yeŋnun te, a muli lahɔl lon te, ma del yiyannda ndala vɔɔnndan kɔɔli. O kon mí peelu sɔɔn kpema kon kpow nda coo le tùú nda kɛɛ le lou o kpemaa coo-o, a sɔɔn kɛ́-kɛ̀ ya dimul nda kpede a cɛl le ndu biyɔɔ loon pɛɛn.»

Yeremi 13:10

Nduyɛ vanaa vɔɔŋaa co kɛɔ nilan yaŋɔɔ o sɔɛi nii, mà va yiyannda nda pila lan tosaa le yiinɔnndo a halaa celennda nda co ni, a co nda vɛlɛ vulan baŋɔɔ o labɛngunin le nda sooloo. Màá vanaa kalaa muungu maa yáwlen nden, le nɛŋi lɛ len ɲɛ-ɲɛ le len!

Yeremi 29:19

Kani a yeŋnun sɔɔn nun te. Nduyɛ, o co lɛhau le ya co nda vanaa nia baalaa, vanaa-tɛɛngaa-diom Hala-a vimndo le, kɛ a yeŋnun te.» Sɔɛi fula Mɛlɛka o sondo-e co ken ni.

Osee 9:17

«Hala nuu kɛɛnin nda, kani a bii diom ndɔɔ le. A vanin a laasiannda vanaa-mangalaa-isɔɔa tɛɛn.»