Yeremi 7:10 - BII BILA

¹⁰ La cii pɛ, la mulin hunɔɔ vɛlɛ ya o hɔl, o cɛiyo ho nin, cɛi diola nilan la co veelɔnndo nin-ndo, la dimi aa: ‹N sɔla baŋaa!› A kon kpow, la co hiovɔɔ laci a dɛnnda nɔɔlɛilan tosaa tuŋ!

Yeremi 7:10 Referans Kwoze

Yeremi 32:34

Má kɛsi ɲɛm lamáánndon o cɛi diola nilan la co veelɔnndo nin-ndo nin le ndu nɔɔliaa.

Esekiɛl 23:39

Paale nda va poaa ndaa sálàá solio o piɔmaa ndaa lo len, má kɔ luɛi vɛlɛ o cɛi-kola-toandaa ni diandaa nin le ndu nɔɔliaa. Ken nda tosa o cɛi nuu tɛɛn déŋ ni.

Esekiɛl 23:37

kani o suundaa nin nda luei bollen ni, bala ndalan la co la lɔngɔlɛilan a koovan, a suundaa a piɔmaa ndaa. Handɔɔ o kon coo, poaa ndaa vilul-la-a, má loam nda o yinnden nin le nda sálàá solio, haliko mi piɔmaa kan somisomi nda.

Yeremi 34:15

Kɛ niaa yɛ, mí niáá mangala kela kon, mí la tosa dɛnɛ sandu ya o hɔl-lo, mí vana-vana solin o sondo maa puapilɛ ndɔ co ndu o ba o cɛlen nin-ndo co o ba ndɔɔ coo, mí la yii diomnden ya o hɔl, o cɛi diola nilan la co veelɔnndo nin-ndo nin.

Yeremi 7:30

Le tùú vannda Yuda tosa ɲɛ bɛnda ya Mɛlɛka o hɔl too, sɔɛi fula Mɛlɛka o sondo-e co hee ni aa: A luei dɛnnda ndala nɔɔlɛilan o cɛi ni diola nilan la co veelɔnndo nin-ndo nin, le ndu nɔɔliaa.

Yeremi 7:14

ɲɛ ya tosa a Silo-o, ndu koni ya co tosa a cɛiyo ho ni, cɛi diola nilan la co hoo veelɔnndo nin-ndo, o niaa kɛsi kɔllo coo-o, fonda ya ke kon fuɲaa niaa mamaa a niaa-o pɛɛn.

Yeremi 7:11

Vɛ̀ɛ̀ buulula vanaa tosaa dɛnnda vɔɔnda cɛi nuu co ni, cɛi diola nilan la co hoo veelɔnndo nin-ndo? Nduyɛ lende ya co ndi cɔu vakpa ni. Diom Mɛlɛka dimi-o co kon ni.

Nsaŋ 18:28

Idiiyo púŋ, má can a Yeesu o Kaif lo, má hiaw a ndu o cɛi lemasa masa ibunga Rɔmnda. Kɛ Yuifia pila luei o cɛi lemasaa nin te. Haliko a nɔɔlian te, o kon mi ndáà de ɲɛdiaa kafo-hiavaa-coo.

Nsaŋ 13:18

O co le niaa kpow le ya co sɔɛi he dimio le, i sínà vanaa ya hɛli-a. Kɛ fɔ mì Sɔɛi sɛvan-nde peelun aa: ‹Vana naa n va ɲɛdiaa dioo latulu-o heelu bɛngoo le ya nɛiyo ni.›

Matie 23:13

«Dɛnɛ palaa co le niaa, niaa vanaa pɛɛkaa latɔŋnda a niaa Faliisia muuluannda ha! Kani la co vannda dio masale halataalaa kindallo. Niaa pila co luɛyɔɔ le, la co vɛlɛ cɛlɔɔ mì vanaa yeema le luɛyɔɔ-a luɛi le. [

Esekiɛl 23:29

A tosalnin nɔm sɔɔn a nɛyɔnndo, a poondiaanin tɔnɔ fula o sanga nɔmndo nin-ndo nɔm o ba, mà yunga nɔm, mà mɛi nɔm fondo fúú. O kon, vannda canin bɛɛtambɛi suunda nɔmndo, bɛɛtambɛi nɔɔlian nɔmndo a bɛɛtambɛi laasian nɔmndo.

Esekiɛl 20:39

Lelan sunsun, niaa cuavaa Israɛlla, la tuei-yɔ diom Maalii dimi-o, Mɛlɛka pɛɛn: «La kɔ, vana-vana kɔ sooluu piɔm sialaa ndɔɔ! Kɛ o kon kɔɔli, i canin, te la yeŋnin nilan o diom nuu le. Nduyɛ, la del-lɛnin kasi a diola nila diandaalan le ɲɛm kean niaan a le piɔmaa niaa le.

Esai 48:2

Kani la co diolan puuvo aa: «Vanaa co o kobi diandaa nin-nda.» Mì la co Hala Israɛl-lo tiindanndo coo, Hala nɔ diolan aa Mɛlɛka-Nɔ-Kpaayaa-Kpow-vo pɛɛn.

2Dɛnnda lemasalan 33:7

Má sel ndu piɔmndo, mó cua piɔm sialaa kon, mó kɔ luei ndu o Cɛi-Hala-o nin. Nduyɛ mí Mɛlɛka ndóò dimul David nda Salomɔn po ndɔ aa: «O Cɛiyo ho a o kobio Yerusalɛm nin ya vanin le lɔ́ɔ́-lɔ́ɔ̀ ni. Kobio ho ya hɛli o kobila polama Israɛlla tɛɛn ni, lon ya vanin vannda cɔmnɔnndo lɔ́ɔ́-lɔ́ɔ̀ ni.

2Dɛnnda lemasalan 33:4

Mó cɔaw máánndan o Cɛi-Hala-o nin, nduyɛ mí Mɛlɛka ndóò dimi a Cɛi kon o kɔɔ maa o kobio Yerusalɛm nin diola ndɔlan la vanin piɔlnɔnndo le lɔ́ɔ́-lɔ́ɔ̀ ni.

2Masaa 21:4

O kon kɔɔli, mó cɔaw fondala-loamaa-lasálàlan o Cɛi-Hala-o nin, nɛɛ Mɛlɛka ndóò dimi le cɔmnɔnndo ceen o kobio Yerusalɛm nin-nda pɛɛn.

Esekiɛl 33:31

A co hunɔɔ sɛ́lɛ́ bɛndoo fili-fili o nɔm ndo, vanaa niaa kan pɛɛn, a co hunɔɔ calle nɔm o hɔl. A co nilan yaŋɔɔ o sɔɔn nɔmndon, kɛ a co kela lecoo le, kani a sondo yeelaa koni nda co sɔɛi ni, kɛ o kɔlta ndalan nin, tɔnɔ nda pila-o daama nda co nuwviaa ni.

Talelan 15:8

Sálàla vanaa kɔlvesɛiya la nɛinún bɔɔ Mɛlɛka, kɛ ò cɛ̀l piɛile vanaa sandaa.

Yeremi 44:9

Vɛ̀ɛ̀ la pɔɛɛnun dɛnnda vɔɔnnda fuɲaa niaa mamaa, masaa Yuda, laandaa ndaa, niaa pila a la laandaa niaa tosa o tàndá Yuda-o nin a o nɛilan Yerusalɛm coo lan?

Esekiɛl 33:25

Le hee, dimul nda aa nuaa Maalii Hala dimi ni aa: «La co vision dioo a koovan lenin, la co hɔlla mulio o piɔmaa niaa lo, mì la va nda sooloo. La co vanndacieea diwvo! Yee a kon kpow la co vɔ yiyanndo maa ɲɛ niaa pɛpɛ lɛŋnden nden le co ni?

Daniɛl 9:18

Hala nuu, yaŋ-ndɔ nilan ma tuei! Mɛɛndan-ndɔ ɲɛkɛndɛi, ma ce mɛɛ naa n co o mɔnɛi nin yɛ. Nua vɔ mɛɛ kobi diola nɔmndan la co piɔlnɔnndo nin-ndo siɔŋ yɛ. O co le kela naa sandaa le naa n co nɔm tɛɛlɔnndo le, kɛ le ɲíí nɔmii bɛnduei.

Osee 6:9

Mɛɛ vanaa del vannda coo-a yììnùn kundaa le vannda cumullo nuaa yɛ, lende vanaa-solia-lasálàá Kalaad a co vannda diwvo o nɛi Sikɛm-ndo ni. A co dɛnnda kɔlvesɛilan tosaa a labɛɛla.

Amɔs 4:5

La lom buloo a lɛvɛnndo mì la kɔ soli sálàla niaala malaa balikalan ndon! La yonda mì la heelu diomndo le sálàla niaa kelu a yeemɛi niɛi lan solio. Kani ken niaa yeema ni, niaa cuavaa Israɛlla. Ya Maalii, ya co Mɛlɛka-o soo nuaa ni.

Sofoni 1:5

I tɛɛmbuunin vanaa hel o yindɔla cɛilan coo, má va vulan baŋɔɔ le ɲɛm pangelen co o halataala-on biiloo-a. I tɛɛmbuunin vɛlɛ vanaa co vulan baŋɔɔ ya Mɛlɛka o labɛngunin, má va mɛnanndo o diola nilan, kɛ má va kpemalan yiiyo o diola piɔmndo Molɛk lan-nda kpow.

Malasi 3:15

Nduyɛ, n co vanaa sondola kalaa cɔu o dɛnɛ kɛndɔɔ nin. Vanaa co kɔlvesɛiyo tosaa-a co dɛnɛ kɛndɔɔ sɔlaa taw. A co Hala tɔɔndanndo, kɛ ɲɛ-ɲɛ vɔɔn co nda yɔŋnɔn te.›

1Masaa 9:3

Mó dimul ndu aa: «I cɛl piɛile tɛɛlannde n piɛi ya len, i dindi Cɛi n tengul-la hoo le diola nilan vaa piɔlnɔnndo lenin le lɔ́ɔ́-lɔ́ɔ̀-o, i nɔnin vɛlɛ hɔlla a kɔllo lecoo lɔ́ɔ́-lɔ́ɔ̀.

Esekiɛl 5:11

Lelan, ya Maalii, ya co Mɛlɛka-o co dimi nuaa ni: i co yoomu, le tùú niaa nɔɔliaa cɛi-kola-toandaa diandaa nuu a dɛnnda niaala nɔɔlɛilan a piɔmaa niaa nɔɔlɛiya-o, ya bɛɛ i keinin kùisiei nia tɛɛn. I tofanin niaa a iɲíí le, i tosalnin niaa dɛnndan a iɲíí le few.