Yeremi 6:8 - BII BILA

⁸ Yerusalɛm, bii silaa yɔŋii ya faŋan nɔm kɔɔli, mì dɔw lɛŋnde nɔmnden yɛɛvɛ, vana ve lɛnin ndon te.»

Yeremi 6:8 Referans Kwoze

Osee 9:12

Taa manda pɛ cuawva, telen cuavaa kan kandunin fulaa lenin-ndo, i poonda nda nda o ba. Dɛnɛ palaa vanin le nda lɔ́ɔ́ ya malnin nda mì faŋan nda ikɛi-yo.

Esekiɛl 23:18

Mó soli suunda ndɔɔ ceen vakpa, mó mal tum fondo ndɔɔ ceen kpendekele. Le hee, mí dɛnɛ ndɔɔ fula ya iyeema few-few, mɛɛ dɛnɛ bɛ ndɔ-o fula ya iyeema yɛ.

Yeremi 17:23

A tui ya diom te, a yeŋ ya lani le, má kindi nilan, a cɛl le nilan yaŋɔɔ ma sɔla pɛɛkoo le.

Sofoni 3:7

O kon mí yiyan maa o laan nin, a kenin ya bɛɛlen, a cɛlnin silala nilan, o kon calta ndalan la tembunin te. Àá! Mbɔ̀ i soŋ nda bɔɔ!› Kɛ nda, idii púŋ nda laasiaa dɛnnda ndalan a yɔŋ vɔɔn nda tosa-o ni.

Yeremi 32:33

A mulul-la hɔlla le, má mulul-la kɔɔ. Nduyɛ o co lɛhau le ya co nda pɛɛkoo le, kɛ a yeŋnun te, a bii silaa le.

Condii lisai 50:17

Niaa yɛ, la yeema sila tueyɔɔ le, la co sɔɔn nun kɛɔ few-few.

Yeremi 31:19

A toɲa náà n kɔɛ nɔm levil, kɛ sunsun n sina maa n cee tosa le. N sina tɛɛmbuula naalan mí n biinun balan o lebol, siɛmbulan la bii naa mí n kiolu vai le dɛnnda naa n tosa o cuaambɔyɛi nin-ndan.›

Yeremi 9:11

Ɔ́ɔ̀ vana nɔ kɔlkaloo le dɛnndan ndan bilaa biyɔɔ-o? Vana sondo Mɛlɛka-o dimul sɔɔn mun-ndo, o yonda mun! Le yɛɛ lɛŋnden le tambu yɛ, mí le ŋɔa maa lɛŋnde veselɛile vana-vana kei nin te len?

Yeremi 7:34

I kuunanin kɔlkɛndɔɔ a ɲaaloo o kobila Yuda lan nin a o nɛilan Yerusalɛm coo, mì kuuna condun cuaa laandua soli le vanaa nda yeema-a-on a n poaa piaandua bɛɛ soli le a nda yeema-a-on, kani lɛŋnden le muungunin bémbélan kposon.»

Yeremi 7:20

Lelan diom Maalii Hala dimi-o co hoo ni aa: «I co kɔl ni tuwvo a nɛyɔn co ya nin-ndo pɛngɛla o fonda kon coo, mì tuisi ndu vanndacieea a cɔlua coo, mì tuisi ndu yɔmnde, yondoo a o kulun co lɛŋ-ndon coo maa leyin, mì le lo ŋɔu, le ɲumnin te.»

Yeremi 4:14

«Yerusalɛm, dindin kɔl, haliko ma sɔla cindaa. Háá telen kuɛɛ kpeekpei n solin yɛnin yiyannda vɔɔnndan o kɔl?

Yeremi 2:15

Yàlàà cuawva co kuuliaa ndu coo, a co diomnda ndalan solio, a co lɛŋnde ndɔlen tɛɛmbuuo a labɛɛla. O cii kobila ndɔlan lomɔɔ mí vannda piaw kpede.

Talelan 4:13

Holnun pɛɛku n sɔla-o. Mál ndu mò hɛlun nɔm te, saa ndu kpíŋ, kani ndu co yoomu nɔmndo ni.

Condii lisai 94:12

Duaa co le vana n co silaa a sionnden-ndo Mɛlɛka, vana n co tɔŋ nɔmndo pɛɛkoo

Condii lisai 2:10

Lelan, niaa masaa, la sɔlà taasio. Niaa vanaa kialaa n'yamaa lelɛŋnda, la nuwviaa dɛnɛ sinaa.

Tɔŋ miingua 32:29

Bau te ndáà nɔ pɛ kɔlkaloo, ndáà biinin dɛnɔɔ ho bila, ndáà dɔawnin ɲɛ co nda cumndo-o taasi.

Tɔŋ lasálàá 26:34

O vɔsila niaa ciinin o káálen nin o yaamɔaa lo lan kpow nin, yondola niaala lonin fondo lan la sɔlanin pɛngio. Pɛngi láà sɔla paandu loo, la sɔlanin ndu o vɔsila lan nin.

Yeremi 7:28

o kon a dimul nda aa: «Vanaa yeŋnun diom Mɛlɛka Hala ndaa le-a niaa co ni, vanaa yeema mi vana sila nda le-a pɛɛn. Dɛnɛ sandaa ɲum mò fula niaa o lasondo few-few.»

Talelan 19:20

Tuei silaa mà cɛl pɛɛkoo, o kon a sɔla kɔlkaloo.

Osee 2:5

yɔŋii ya yunga ndu, mì mɛi ndu fondo fúú, mɛɛ o va o paale nda velu ndu len coo yɛ. I minginin lɛŋnde ndɔlen lɛŋnde veselɛilen, mì mingi len lɛŋnde mɛmma sɔlan nin te len. O kon mò vi a bolola vesɛilan.